Abụ Ọma 105
1 Nyenụ Onyenwe anyị otuto, kwupụtakwa aha ya. Meenụ ka amata nʼetiti mba niile banyere ihe niile ọ rụrụ.
| הודו ליהוה קראו בשמו הודיעו בעמים עלילותיו |
2 Bụkuo ya abụ, bụkuo ya abụ otuto; kwupụtanụ ọrụ ihe ịrịbama ya niile.
| שירו-לו זמרו-לו שיחו בכל-נפלאותיו |
3 Ṅụrianụ nʼime aha nsọ ya; ka obi ndị niile na-achọ Onyenwe anyị ṅụrịa.
| התהללו בשם קדשו ישמח לב מבקשי יהוה |
4 Na-achọnụ Onyenwe anyị na ike ya, chọọnụ ihu ya mgbe niile.
| דרשו יהוה ועזו בקשו פניו תמיד |
5 Chetanụ ọrụ ebube niile nke ọ rụrụ, ihe ịrịbama ya niile na ikpe ziri ezi niile si nʼọnụ ya pụta,
| זכרו--נפלאותיו אשר-עשה מפתיו ומשפטי-פיו |
6 unu ụmụ ụmụ Ebraham, bụ ohu ya, unu ụmụ ụmụ Jekọb, ndị ọ họpụtara.
| זרע אברהם עבדו בני יעקב בחיריו |
7 Ya onwe ya bụ Onyenwe anyị Chineke anyị; ikpe ya dị nʼụwa niile.
| הוא יהוה אלהינו בכל-הארץ משפטיו |
8 Ọ na-echeta ọgbụgba ndụ ya ruo mgbe ebighị ebi, bụ nkwa o kwere nye puku ọgbọ,
| זכר לעולם בריתו דבר צוה לאלף דור |
9 ọgbụgba ndụ ahụ nke ya na Ebraham gbara na iyi ọ ṅụrụ nye Aịzik.
| אשר כרת את-אברהם ושבועתו לישחק |
10 O mere ka o guzoro nye Jekọb dịka ụkpụrụ, ma nʼebe Izrel nọ, dịka ọgbụgba ndụ ebighị ebi:
| ויעמידה ליעקב לחק לישראל ברית עולם |
11 “Aga m enye gị ala Kenan dịka oke i ga-eketa.”
| לאמר--לך אתן את-ארץ-כנען חבל נחלתכם |
12 Mgbe ha dị ole na ole nʼọnụọgụgụ, nʼezie ha dị ole na ole, bụrụkwa ọbịa nʼime ya.
| בהיותם מתי מספר כמעט וגרים בה |
13 Ha wagharịrị site nʼotu mba gaa na mba ọzọ, sitekwa nʼotu alaeze gaa alaeze ọzọ.
| ויתהלכו מגוי אל-גוי מממלכה אל-עם אחר |
14 O kweghị ka onye ọbụla mekpaa ha ahụ; ọ baara ndị eze mba nʼihi ha;
| לא-הניח אדם לעשקם ויוכח עליהם מלכים |
15 sị, “Unu emetụkwala ndị m e tere mmanụ aka; unu emekpakwala ndị amụma m ahụ.”
| אל-תגעו במשיחי ולנביאי אל-תרעו |
16 O zitere ụnwụ nʼala ahụ, bibie ụzọ niile ha si enweta ihe oriri;
| ויקרא רעב על-הארץ כל-מטה-לחם שבר |
17 o zipụrụ otu nwoke ka ọ gaa nʼihu ha, Josef, onye e refuru dịka ohu.
| שלח לפניהם איש לעבד נמכר יוסף |
18 Ha ji mkpọrọ igwe merụọ ya ahụ nʼụkwụ, nyanyekwa ya mkpọrọ igwe nʼolu,
| ענו בכבל רגליו (רגלו) ברזל באה נפשו |
19 tutu ruo mgbe ihe ahụ o kwuru na ọ ga-eme mezuru, tutu ruo mgbe okwu Onyenwe anyị nwapụtara ya dịka onye eziokwu.
| עד-עת בא-דברו-- אמרת יהוה צרפתהו |
20 Eze ahụ zipụrụ ozi ka a tọpụ ya, onye ahụ na-achị ndị dị iche iche mere ka o nwere onwe ya.
| שלח מלך ויתירהו משל עמים ויפתחהו |
21 O mere ya ka ọ bụrụ onyenwe ezinaụlọ ya, onye na-achị ihe niile o nwere,
| שמו אדון לביתו ומשל בכל-קנינו |
22 ikuziri ụmụ eze ndị ikom dịka o si masị ya, na izi ndị okenye ya amamihe.
| לאסר שריו בנפשו וזקניו יחכם |
23 Mgbe ahụ, Izrel bara nʼala Ijipt; Jekọb bikwara nʼala Ham dịka onye si mba ọzọ bịa.
| ויבא ישראל מצרים ויעקב גר בארץ-חם |
24 Onyenwe anyị mere ka ndị ya mụbaa nke ukwuu; o mere ka ndị ya dị ukwuu nʼọnụọgụgụ karịa ndị iro ha,
| ויפר את-עמו מאד ויעצמהו מצריו |
25 ndị ọ tụgharịrị obi ha ka ha kpọọ ndị ya asị, ka ha gbaa izu nzuzo megide ndị ohu ya.
| הפך לבם לשנא עמו להתנכל בעבדיו |
26 O zipụrụ Mosis, ohu ya, na Erọn, onye ọ họpụtara.
| שלח משה עבדו אהרן אשר בחר-בו |
27 Ha mere ọtụtụ ihe ịrịbama dị iche iche nʼetiti ha, ọrụ ebube ya dị iche iche nʼala Ham.
| שמו-בם דברי אתותיו ומפתים בארץ חם |
28 O zipụrụ ọchịchịrị, mee ka ala ahụ gbaa ọchịchịrị, nʼihi na ha nupuru isi megide okwu ya.
| שלח חשך ויחשך ולא-מרו את-דבריו (דברו) |
29 O mere ka mmiri ha niile ghọọ ọbara, nke mere ka azụ niile dị nʼime ya nwụsịa.
| הפך את-מימיהם לדם וימת את-דגתם |
30 Ala ha niile jupụtara nʼawọ ọ bụladị nʼime ọnụụlọ ndina nke ndị na-achị achị.
| שרץ ארצם צפרדעים בחדרי מלכיהם |
31 O kwuru okwu, igwe ijiji na anwụ nta dị iche iche ejupụta nʼala ha niile.
| אמר ויבא ערב כנים בכל-גבולם |
32 Nʼọnọdụ mmiri ozuzo, o zitere ha mkpụrụ mmiri na amụma egbe eluigwe nʼala ha niile;
| נתן גשמיהם ברד אש להבות בארצם |
33 o tijisịrị osisi vaịnị na osisi fiig niile ha, kwatusịakwa osisi niile dị nʼala ha.
| ויך גפנם ותאנתם וישבר עץ גבולם |
34 O kwuru okwu, igurube na ụkpana a na-apụghị ịgụta ọnụ jupụtara ebe niile;
| אמר ויבא ארבה וילק ואין מספר |
35 ha richapụrụ ihe niile bụ ahịhịa ndụ dị nʼala ahụ, ripịakwa mkpụrụ niile ha kụrụ nʼubi ha.
| ויאכל כל-עשב בארצם ויאכל פרי אדמתם |
36 Mgbe ahụ, o gburu ndị niile e buru ụzọ mụọ nʼala ahụ, mkpụrụ mbụ nke ndị ikom ha.
| ויך כל-בכור בארצם ראשית לכל-אונם |
37 Ọ kpọpụtara ụmụ Izrel, ndị chịịrị ọlaọcha na ọlaedo, ọ dịghị otu onye nʼime ebo ya niile nke ahụ na-esighị ike.
| ויוציאם בכסף וזהב ואין בשבטיו כושל |
38 Obi dị Ijipt ụtọ mgbe ha pụrụ, nʼihi na oke egwu ndị Izrel dakwasịrị ha.
| שמח מצרים בצאתם כי-נפל פחדם עליהם |
39 Ọ gbasara igwe ojii dịka ihe mkpuchi, na ọkụ na-enye ìhè nʼabalị.
| פרש ענן למסך ואש להאיר לילה |
40 Ha rịọrọ ya, o zitere ha ụmụ nnụnụ kweel, jirikwa achịcha si nʼeluigwe nyejuo ha afọ.
| שאל ויבא שלו ולחם שמים ישביעם |
41 O tiwara nkume ahụ, mmiri sọpụtara; ọ sọgharịrị nʼime ọzara dịka iyi.
| פתח צור ויזובו מים הלכו בציות נהר |
42 Nʼihi na o chetara nkwa ya dị nsọ, nke o kwere ohu ya Ebraham.
| כי-זכר את-דבר קדשו את-אברהם עבדו |
43 O ji aṅụrị dupụta ndị ya, jirikwa ọnọdụ iti mkpu ọṅụ dupụta ndị ya ọ họpụtara;
| ויוצא עמו בששון ברנה את-בחיריו |
44 o nyere ha ala niile nke mba dị iche iche, ha ghọrọ ndị nnweta nke ihe ndị ọzọ rụpụta,
| ויתן להם ארצות גוים ועמל לאמים יירשו |
45 ka ha nwee ike debe ụkpụrụ ya niile ma na-erubekwa isi nʼiwu ya niile. Toonu Onyenwe anyị.
| בעבור ישמרו חקיו-- ותורתיו ינצרו הללו-יה |
