Ilu 13
1 Nwa maara ihe na-ege ntị na ndụmọdụ nna ya ma onye na-akwa emo adịghị ege ntị nʼịba mba.
| בן חכם מוסר אב ולץ לא שמע גערה׃ |
2 Onye na-eme ezi ihe ga-esite nʼokwu ọnụ ya nweta ụgwọ ọrụ, ma ndị na-aghọgbu ibe ha ga-anata ihe ike dịka ụgwọ ọrụ ha.
| מפרי פי איש יאכל טוב ונפש בגדים חמס׃ |
3 Mmadụ zuruoke bụ onye na-ejide ire ya aka! Ma onye ekwuruekwu na-ewetara onwe ya mbibi.
| נצר פיו שמר נפשו פשק שפתיו מחתה לו׃ |
4 Ndị umengwụ na-achọ ọtụtụ ihe ma ọ dịghị ihe ha na-enweta; ma onye na-arụsị ọrụ ike na-enweta ihe niile ọ chọrọ.
| מתאוה ואין נפשו עצל ונפש חרצים תדשן׃ |
5 Onye ezi omume kpọrọ ụgha asị, ma okwu ọnụ onye na-emebi iwu na-ewetara ya ihere na nkọcha.
| דבר שקר ישנא צדיק ורשע יבאיש ויחפיר׃ |
6 Ezi omume mmadụ na-abara ya uru na ndụ ya niile, ma ajọ omume ndị mmehie na-ala ha nʼiyi.
| צדקה תצר תם דרך ורשעה תסלף חטאת׃ |
7 Ọ dị mmadụ na-eme ka ọ bụ ọgaranya maọbụ onye ụkpa. Ma ọ dịkwa mmadụ na-eme ka ọ bụ onye ụkpa maọbụ ọgaranya.
| יש מתעשר ואין כל מתרושש והון רב׃ |
8 Ọgaranya nwere ike jiri ego ya gbapụta onwe ya, ma ogbenye adịghị azaghachi mba banyere imerụ ya ahụ.
| כפר נפש איש עשרו ורש לא שמע גערה׃ |
9 Ìhè onye ezi omume na-enwupụ enwupụ, ma oriọna onye mmebi iwu ga-anyụ.
| אור צדיקים ישמח ונר רשעים ידעך׃ |
10 Nganga na-eweta esemokwu, ma a na-ahụ amamihe nʼime ndụ ndị na-anata ndụmọdụ.
| רק בזדון יתן מצה ואת נועצים חכמה׃ |
11 Akụ a kpatara ngwangwa na-emebikwa ngwangwa; ma akụ sitere nʼịrụsị ọrụ ike na-eto eto.
| הון מהבל ימעט וקבץ על יד ירבה׃ |
12 Nchere a na-echere ogologo oge maka imezu olileanya e nwere na-egbu obi, mgbe ihe a na-eche mezuru, oke ọṅụ na-adị.
| תוחלת ממשכה מחלה לב ועץ חיים תאוה באה׃ |
13 Onye na-elelị ntụziaka anya ga-akwụ ụgwọ nʼihi ya, ma onye na-atụ egwu ihe enyere nʼiwu ga-anata ụgwọ ọrụ ya.
| בז לדבר יחבל לו וירא מצוה הוא ישלם׃ |
14 Nkuzi nke onye maara ihe bụ isi iyi nke ndụ, nke na-eme ka mmadụ ghara ịma nʼọnya ọnwụ.
| תורת חכם מקור חיים לסור ממקשי מות׃ |
15 Ezi nghọta na-eweta ihuọma, ma ụzọ nke ndị na-ekwesighị ntụkwasị obi na-eduba ha na mbibi.
| שכל טוב יתן חן ודרך בגדים איתן׃ |
16 Onye nwere uche na-eji ọmụma ihe nʼarụ ọrụ, ma ndị nzuzu na-egosipụta enweghị uche ya.
| כל ערום יעשה בדעת וכסיל יפרש אולת׃ |
17 Onyeozi ajọ omume na-adaba na nsogbu, ma onyeozi kwesiri ntụkwasị obi na-eweta ọgwụgwọ.
| מלאך רשע יפל ברע וציר אמונים מרפא׃ |
18 Onye na-ajụ ịdọ aka na ntị ga-anwụ nʼụkpa na nʼihere; ma onye na-anabata ịdọ aka na ntị ka a ga-asọpụrụ.
| ריש וקלון פורע מוסר ושומר תוכחת יכבד׃ |
19 Mgbe ihe a na-ele anya mezuru ọ na-atọ mkpụrụobi ụtọ, ma ndị nzuzu kpọrọ isite nʼajọ ihe wezuga onwe ha asị.
| תאוה נהיה תערב לנפש ותועבת כסילים סור מרע׃ |
20 Na-eso ndị maara ihe ka ị ghọọ onye mara ihe, nʼihi na onye na-eso ndị nzuzu na-aba na nsogbu.
| הלוך את חכמים וחכם ורעה כסילים ירוע׃ |
21 Nsogbu bụ ihe na-esogharị ndị mmehie, ma ngọzị na-esogharị ndị ezi omume.
| חטאים תרדף רעה ואת צדיקים ישלם טוב׃ |
22 Mgbe ezi mmadụ nwụrụ, ọ na-ahapụrụ ụmụ ya na ụmụ ụmụ ya akụ, ma mgbe onye mmehie nwụrụ, akụ ya na-abụ nke ndị ezi omume.
| טוב ינחיל בני בנים וצפון לצדיק חיל חוטא׃ |
23 Ubi onye ogbenye pụrụ inwe ọtụtụ ihe oriri, ma ikpe na-ezighị ezi na-azachapụ ya.
| רב אכל ניר ראשים ויש נספה בלא משפט׃ |
24 Onye ọbụla na-adọghị ụmụ ya aka na ntị, na-egosi na ọ hụghị ha nʼanya; ma onye hụrụ ha nʼanya, ga-adọsi ha aka na ntị ike.
| חושך שבטו שונא בנו ואהבו שחרו מוסר׃ |
25 Onye ezi omume na-eri nri ruo na nriju afọ onwe ya, ma nri na-akọ nʼafọ onye ajọ omume.
| צדיק אכל לשבע נפשו ובטן רשעים תחסר׃ |
