Abụ Akwa 3
1 Abụ m onye hụrụla ahụhụ site na mkpara igwe nke nrubiga oke nke iwe Onyenwe anyị.
| אני הגבר ראה עני בשבט עברתו |
2 O sitela nʼihu ya chụpụ m, mee ka m jegharịa nʼọchịchịrị kama nʼìhè.
| אותי נהג וילך חשך ולא אור |
3 Nʼezie, ọ tụgharịala aka ya megide m, mgbe mgbe, ogologo ụbọchị niile.
| אך בי ישב יהפך ידו כל היום |
4 O meela ka akpụkpọ ahụ na anụ ahụ m fịkpọọ, ọ nyajisiela ọkpụkpụ di m nʼahụ.
| בלה בשרי ועורי שבר עצמותי |
5 O busola m agha, jiri ihe ilu na oke mkpagbu gbaa m gburugburu.
| בנה עלי ויקף ראש ותלאה |
6 O meela ka m biri nʼọchịchịrị dịka ndị nwụrụ anwụ kemgbe oge gara aga.
| במחשכים הושיבני כמתי עולם |
7 Ọ gbachibidola m ogige, ime ka m ghara ịgbapụ; o jirila ụdọ igwe dị arọ mee ka m ghara ijegharị.
| גדר בעדי ולא אצא הכביד נחשתי |
8 Ọ na-eme ka ekpere m hapụ irute ya, ọ bụladị mgbe m kpọkuru ya ka o nyere m aka.
| גם כי אזעק ואשוע שתם תפלתי |
9 O jirila nkume a wara awa gbachie ụzọ m niile, o meela ka okporoụzọ m gbagọọ agbagọ.
| גדר דרכי בגזית נתיבתי עוה |
10 Dịka anụ ọhịa bịa nke makpu na-eche nche, na dịka ọdụm nke na-ezo onwe ya,
| דב ארב הוא לי אריה (ארי) במסתרים |
11 o sitela nʼokporoụzọ dọkpụrụ m dọbisie m ahụ, hapụ m na-enweghị onye inyeaka.
| דרכי סורר ויפשחני שמני שמם |
12 Ọ dọọla ụta ya mee m ka m bụrụ onye àkụ ya ga-agbata.
| דרך קשתו ויציבני כמטרא לחץ |
13 O ji àkụ nke si nʼakpa àkụ ya gbapuo m obi.
| הביא בכליתי בני אשפתו |
14 Aghọrọ m ihe ọchị nye ndị m niile; ha ji abụ na-akwa m emo ogologo ụbọchị niile.
| הייתי שחק לכל עמי נגינתם כל היום |
15 O meela ka ihe niile na-elu ilu ju m afọ, meekwa ka m ṅụjuo oluilu afọ.
| השביעני במרורים הרוני לענה |
16 O meela ka m jiri okwute tajisie eze m, o kponyekwala m ntụ nʼọnụ m.
| ויגרס בחצץ שני הכפישני באפר |
17 Enweghị m udo, echezọkwaala m ihe ọganihu bụ.
| ותזנח משלום נפשי נשיתי טובה |
18 Nʼihi ya, ana m ekwu, “Ịma mma m ọbụla adịghịkwa. Agaghị m enwetakwa ihe ndị ahụ m lere anya na m ga-esi nʼaka Onyenwe anyị nweta.”
| ואמר אבד נצחי ותוחלתי מיהוה |
19 Ana m echeta ahụhụ m, na mwagharị m, ya na ihe ilu na oluilu.
| זכר עניי ומרודי לענה וראש |
20 Mgbe m na-echeta ya, obi m na-ada mba nʼime m.
| זכור תזכור ותשיח (ותשוח) עלי נפשי |
21 Ma ọ dị ihe m na-echeta nʼobi m nke na-eme ka m nwee olileanya.
| זאת אשיב אל לבי על כן אוחיל |
22 Ọ bụ nʼihi ịhụnanya dị ukwuu nke Onyenwe anyị na-emeghị ka anyị gwụsịa, nʼihi na obi ebere ya adịghị agwụ agwụ.
| חסדי יהוה כי לא תמנו כי לא כלו רחמיו |
23 Ha na-adị ọhụrụ ụtụtụ niile; ikwesi ntụkwasị obi gị bụ ihe kwudosiri ike.
| חדשים לבקרים רבה אמונתך |
24 Mkpụrụobi m na-ekwu, “Onyenwe anyị bụ oke m, nʼihi ya, aga m enwe nchekwube na ya.”
| חלקי יהוה אמרה נפשי על כן אוחיל לו |
25 Onyenwe anyị dị mma nʼebe ndị olileanya ha dị nʼime ya, e, nʼebe obi ahụ dị, nke na-achọsi ya ike.
| טוב יהוה לקוו לנפש תדרשנו |
26 Ọ bụ ihe dị mma iji nwayọọ chere nzọpụta nke Onyenwe anyị.
| טוב ויחיל ודומם לתשועת יהוה |
27 Ọ bụ ihe dị mma ka mmadụ buru ibu arọ dịrị ya mgbe ọ bụ okorobịa.
| טוב לגבר כי ישא על בנעוריו |
28 Ya nọrọkwa duu naanị ya, nʼihi na ọ bụ Onyenwe anyị bokwasịrị ya ibu ahụ.
| ישב בדד וידם כי נטל עליו |
29 Ya tinye ihu ya nʼaja, nʼihi na olileanya nwere ike dịrị.
| יתן בעפר פיהו אולי יש תקוה |
30 Ya cheziere onye ahụ chọrọ iti ya ihe ntị ya, ya kwerekwa ka ihe ihere ju ya afọ.
| יתן למכהו לחי ישבע בחרפה |
31 Nʼihi na Onyenwe anyị adịghị ajụ onye ọbụla ruo mgbe ebighị ebi.
| כי לא יזנח לעולם אדני |
32 Ọ bụ ezie na ọ na-eme ka mmekpa ahụ bịa, ma ọ na-emesịakwa gosi obi ebere ya, nʼihi na ịhụnanya ya, nke na-adịghị agwụ agwụ, dị ukwuu.
| כי אם הוגה ורחם כרב חסדיו |
33 Nʼihi na ọ naghị elezi anya eweta ahụhụ, maọbụ mee ka ụmụ mmadụ nọọ na mmekpa ahụ.
| כי לא ענה מלבו ויגה בני איש |
34 Iji ụkwụ zọgbuo ndị mkpọrọ nọ nʼala ahụ
| לדכא תחת רגליו כל אסירי ארץ |
35 ime ka ihe ruru mmadụ hapụ iru ya aka nʼihu Onye kachasị ihe niile elu,
| להטות משפט גבר נגד פני עליון |
36 ime ka ikpe ziri ezi ghara irute mmadụ. Ọ bụ na Onyenwe anyị agaghị ahụ ihe ndị a?
| לעות אדם בריבו אדני לא ראה |
37 Onye pụrụ ikwu okwu mekwa ka ọ dị ire ma ọ bụrụ na Onyenwe anyị enyeghị iwu ka ọ dị otu ahụ?
| מי זה אמר ותהי אדני לא צוה |
38 Ọ bụghị site nʼọnụ Onye kachasị ihe niile elu ka ihe ọma na ihe ọjọọ si abịa?
| מפי עליון לא תצא הרעות והטוב |
39 Gịnị mere mmadụ dị ndụ ga-eji tamuo ntamu mgbe ọ na-ahụ ahụhụ nʼihi mmehie ya?
| מה יתאונן אדם חי גבר על חטאו |
40 Ka anyị nyochaanụ ụzọ anyị nwapụta ya. Ka anyị lọghachikwutenụ Onyenwe anyị.
| נחפשה דרכינו ונחקרה ונשובה עד יהוה |
41 Ka anyị welie aka anyị abụọ na obi anyị elu nye Chineke nọ nʼeluigwe, sị:
| נשא לבבנו אל כפים אל אל בשמים |
42 “Anyị emehiela, nupu isi, ma ị gbagharabeghị.
| נחנו פשענו ומרינו אתה לא סלחת |
43 “I jirila iwe kpuchie onwe gị, si otu a chụọ anyị ọsọ. I gbuola anyị, jụ imere anyị ebere.
| סכותה באף ותרדפנו הרגת לא חמלת |
44 I jiri igwe ojii kpuchie onwe gị ka ekpere anyị ghara irute gị.
| סכותה בענן לך מעבור תפלה |
45 I meela ka anyị ghọọ unyi na ihe a zachapụrụ azachapụ nʼetiti mba niile.
| סחי ומאוס תשימנו בקרב העמים |
46 “Ndị iro anyị niile asaghepụla ọnụ ha megide anyị.
| פצו עלינו פיהם כל איבינו |
47 Anyị ahụọla ahụhụ site nʼoke ihe egwu na ihe ndaba dị iche iche, na mbibi na ịla nʼiyi.”
| פחד ופחת היה לנו השאת והשבר |
48 Anya mmiri nke dịka iyi na-asọ asọ si nʼanya m na-asọpụta nʼihi ndị m a lara nʼiyi.
| פלגי מים תרד עיני על שבר בת עמי |
49 Anya mmiri si m nʼanya ga-anọgide na-asọpụta na-akwụsịghị akwụsị,
| עיני נגרה ולא תדמה מאין הפגות |
50 tutu ruo mgbe Onyenwe anyị ga-esite nʼeluigwe ledata anya ma hụ.
| עד ישקיף וירא יהוה משמים |
51 Ihe anya m na-ahụ na-ewetara mkpụrụobi m ihe mgbu, nʼihi ọnọdụ nke ndị inyom niile nọ nʼime obodo m.
| עיני עוללה לנפשי מכל בנות עירי |
52 Ndị ahụ mere onwe ha ndị iro m, ndị m na-emeghị ihe ọjọọ ọbụla, na-achụ m ọsọ dịka m bụ nnụnụ.
| צוד צדוני כצפור איבי חנם |
53 Ha gbalịrị ime ka m nwụọ nʼime olulu site nʼịtụ m nkume.
| צמתו בבור חיי וידו אבן בי |
54 Mmiri kpuchiri m isi, echere m na-efuola m.
| צפו מים על ראשי אמרתי נגזרתי |
55 Esitere m na nsọtụ olulu ahụ kpọkuo aha gị, gị Onyenwe anyị.
| קראתי שמך יהוה מבור תחתיות |
56 Ị nụrụ arịrịọ m rịọrọ gị, “Biko, emechila ntị gị. Nụrụ arịrịọ inyeaka nke m na-arịọ gị.”
| קולי שמעת אל תעלם אזנך לרוחתי לשועתי |
57 Ị bịara nso mgbe m kpọkuru gị. Ị sịrị, “Atụla egwu.”
| קרבת ביום אקראך אמרת אל תירא |
58 Gị onwe gị, Onyenwe anyị, kpechitere ọnụ m, gị gbapụtara ndụ m.
| רבת אדני ריבי נפשי גאלת חיי |
59 Onyenwe anyị, ị hụla ihe ọjọọ ha mere m. Kpechitere m ọnụ m.
| ראיתה יהוה עותתי שפטה משפטי |
60 Ị hụla ịbọ ọbọ ha niile na nzube niile ha na-ezube megide m.
| ראיתה כל נקמתם--כל מחשבתם לי |
61 Onyenwe anyị, ị nụla nkọcha niile ha na-akọcha m na nzube niile ha na-ezube megide m.
| שמעת חרפתם יהוה כל מחשבתם עלי |
62 Ị na-anụ izu na ntamu nke ndị iro m megide m ogologo ụbọchị niile.
| שפתי קמי והגיונם עלי כל היום |
63 Lee ha! Ha na-akọcha m mgbe ha guzoro ọtọ, na-akọcha m mgbe ha nọdụrụ ala. Ha ji abụ na-akọcha m.
| שבתם וקימתם הביטה אני מנגינתם |
64 Onyenwe anyị, biko, kwụghachi ha ihe ruuru ha, nʼihi ihe niile aka ha rụpụtara.
| תשיב להם גמול יהוה כמעשה ידיהם |
65 Jiri ihe mkpudo kpuchie obi ha. Meekwa ka ịbụ ọnụ gị dịkwasị ha.
| תתן להם מגנת לב תאלתך להם |
66 Site nʼiwe gị chụọ ha ọsọ. Laakwa ha nʼiyi nʼiwe gị, ka ha ghara ịdịkwa nʼokpuru eluigwe nke Onyenwe anyị ọzọ.
| תרדף באף ותשמידם מתחת שמי יהוה |
