Job 8
1 Mgbe ahụ, Bildad onye Shua zaghachiri sị:
| ויען בלדד השוחי ויאמר׃ |
2 “Ruo ole mgbe ka i ga na-ekwu okwu dị otu a? Okwu ọnụ gị bụ naanị ifufe dị ike.
| עד אן תמלל אלה ורוח כביר אמרי פיך׃ |
3 Chineke ọ na-ekpe ikpe na-ezighị ezi? Onye pụrụ ime ihe niile ọ na-eme ka ihe ziri ezi gbagọọ agbagọ?
| האל יעות משפט ואם שדי יעות צדק׃ |
4 Mgbe ụmụ gị mehiere megide ya, o weere ha nyefee nʼikpe ọmụma kwesiri mmehie ha.
| אם בניך חטאו לו וישלחם ביד פשעם׃ |
5 Ma ọ bụrụ na i ga-achọsi Chineke ike, rịọ Onye pụrụ ime ihe niile,
| אם אתה תשחר אל אל ואל שדי תתחנן׃ |
6 ọ bụrụ na ị bụ onye dị ọcha nʼobi na onye ụzọ ya ziri ezi, ọ bụladị ugbu a, ọ ga-agbachitere gị weghachi gị nʼọnọdụ ịbụ ọgaranya gị.
| אם זך וישר אתה כי עתה יעיר עליך ושלם נות צדקך׃ |
7 Ọ bụ ezie, na mmalite gị nwere ike ịdị ala, ma ụbọchị ikpeazụ gị ga-adị elu.
| והיה ראשיתך מצער ואחריתך ישגה מאד׃ |
8 “Jụọ ọgbọ ndị gara aga ma chọpụta ihe ndị bụ nna ha chọpụtara.
| כי שאל נא לדר רישון וכונן לחקר אבותם׃ |
9 Nʼihi na anyị onwe anyị bụ ndị a mụrụ naanị ụnyaahụ, ndị ọ dịghị ihe ha maara. Ụbọchị ndụ anyị nʼụwa dịka onyinyo.
| כי תמול אנחנו ולא נדע כי צל ימינו עלי ארץ׃ |
10 Ọ bụ na ha agaghị agwa gị ma kuziekwara gị ihe? Ọ bụ na ha agaghị esite na nghọta kwuo okwu?
| הלא הם יורוך יאמרו לך ומלבם יוצאו מלים׃ |
11 Ahịhịa papịrọs o nwere ike ito nʼebe apịtị na-adịghị? Ahịhịa riidi ọ ga-eto nʼebe mmiri na-adịghị?
| היגאה גמא בלא בצה ישגה אחו בלי מים׃ |
12 Nʼihi na mgbe ha ka na-etopụta etopụta, mgbe a na-egbubibeghị ha, ha na-ebu ahịhịa ndị ọzọ ụzọ kpọnwụọ.
| עדנו באבו לא יקטף ולפני כל חציר ייבש׃ |
13 Nke a bụ oke ndị na-echefu Chineke, otu a kwa ka olileanya nke onye na-amaghị Chineke si ala nʼiyi.
| כן ארחות כל שכחי אל ותקות חנף תאבד׃ |
14 Ihe ọ tụkwasịrị obi bụ ihe na-awa awa; ihe mgbakwasị ụkwụ ya bụ akwụ udide.
| אשר יקוט כסלו ובית עכביש מבטחו׃ |
15 Ọ bụrụ na ọ dabere na ya, ọ ga-etibi; ọ bụrụ na o jide ya aka, ọ ga-adọbikwa.
| ישען על ביתו ולא יעמד יחזיק בו ולא יקום׃ |
16 Ọ dị ka ahịhịa ubi a na-agba mmiri nke ọma nʼubi a gbara ogige, nke anwụ na-amụkwasị, nke ome ya na-awasa ruo akụkụ niile nke ogige ahụ.
| רטב הוא לפני שמש ועל גנתו ינקתו תצא׃ |
17 Mgbọrọgwụ ya tụhịrị gburugburu nkume ndị dị nʼubi ahụ, ma na-achọkwa ọnọdụ nʼetiti nkume ndị a.
| על גל שרשיו יסבכו בית אבנים יחזה׃ |
18 Ma mgbe e si nʼọnọdụ ya hopu ya, ebe ahụ na-agọnarịkwa ya, na-asị, ‘Ahụtụbeghị m gị.’
| אם יבלענו ממקומו וכחש בו לא ראיתיך׃ |
19 Nʼezie, ndụ ya na-akpọnwụ, site nʼala ahụ ahịhịa ndị ọzọ na-etopụtakwa.
| הן הוא משוש דרכו ומעפר אחר יצמחו׃ |
20 “Nʼezie Chineke anaghị agbakụta onye ụzọ ya ziri ezi azụ, maọbụ gbaa aka onye ajọ omume ume.
| הן אל לא ימאס תם ולא יחזיק ביד מרעים׃ |
21 Ọ ga-eme ka ọnụ gị jupụta nʼọchị. Ọ ga-eme ka mkpu ọṅụ si nʼegbugbere ọnụ gị pụta.
| עד ימלה שחוק פיך ושפתיך תרועה׃ |
22 Ndị iro gị ka a ga-eyikwasị ihere dị ka uwe, ebe obibi nke ndị na-emebi iwu agaghị adịkwa.”
| שנאיך ילבשו בשת ואהל רשעים איננו׃ |
