Job 30
1 “Ma ugbu a, ha na-akwa m emo bụ ndị bụ ụmụntakịrị nʼebe m nọ, bụ ndị nna ha na-etorughị ndị m na-ezipụ ka ha na nkịta na-eso atụrụ m nọkọta.
"But now those who are younger than I have me in derision, whose fathers I would have disdained to put with my sheep dogs.
2 Uru gịnị ka ike aka ha ga-abara m, ebe ọ bụ na ha adịghịkwa ike?
Of what use is the strength of their hands to me, men in whom ripe age has perished?
3 Ha bụ ndị ike gwụrụ site nʼụkọ na agụụ, ha na-agagharị nʼala kpọrọ nkụ na-awagharịkwa nʼime ọzara nʼabalị.
They are gaunt from lack and famine. They gnaw the dry ground, in the gloom of waste and desolation.
4 Nʼala ọhịa ka ha na-atụrị ahịhịa nnu, mgbọrọgwụ osisi brum bụkwa nri ha.
They pluck salt herbs by the bushes. The roots of the broom are their food.
5 A chụpụrụ ha site nʼetiti ndị mmadụ ibe ha, a na-etiso ha mkpu dịka ha bụ ndị ohi.
They are driven out from the midst of men. They cry after them as after a thief;
6 A chụpụrụ ha ka ha gaa biri nʼala iyi mmiri na-adịghị. Ha bi nʼetiti ọgba nkume na ọnụ a tụrụ nʼime ala.
So that they dwell in frightful valleys, and in holes of the earth and of the rocks.
7 Ha na-eme ụzụ nʼọhịa dịka ụmụ anụmanụ, na-ejikọta onwe ha nʼahịhịa toro nʼokpuru osisi.
Among the bushes they bray; and under the nettles they are gathered together.
8 Ha bụ ndị e ledara anya, ndị na-enweghị aha, e sitere nʼala ahụ chụpụ ha.
They are children of fools, yes, children of base men. They were flogged out of the land.
9 “Ma ugbu a, abụrụla m ihe ụmụ okorobịa ji abụ abụ ịkwa emo; abụrụkwala m okwu ha ji anọpụrụ ụbọchị.
"Now I have become their song. Yes, I am a byword to them.
10 Abụ m ihe ịsọ oyi nye ha, ha adịghị abịakwa m nso; ha anaghị egbu oge igbu m asọ mmiri nʼihu.
They abhor me, they keep their distance from me, and do not hesitate to spit in my face.
11 Ma ugbu a, ebe ọ bụ na Chineke atọpụla eriri ụta m ma kpagbuo m, o nwekwaghị ihe ha na-adịghị eme nʼihu m.
For he has untied his cord, and afflicted me; and they have thrown off restraint before me.
12 Nʼaka nri m mba ndị a na-ebuso m agha. Ha na-esiri ụkwụ m ọnya, ha na-ewuli mgbidi ha nọchibido m.
On my right hand rise the rabble. They thrust aside my feet, They cast up against me their ways of destruction.
13 Ha na-etiwasị ụzọ m, ha kwadoro mmekpa ahụ m. ‘O nweghị onye ga-enyere ya aka,’ ka ha na-ekwu.
They mar my path, They set forward my calamity, without anyone's help.
14 Ha na-abịakwasị m dịka ndị sitere ebe e tipuru mgbidi; nʼetiti mbibi ya ha na-enu onwe ha enute nʼebe m nọ.
As through a wide breach they come, in the midst of the ruin they roll themselves in.
15 Oke egwu abịakwasịla m; ugwu m adịla ka ihe ifufe buuru, nchekwa m agabigala dịka igwe ojii.
Terrors have turned on me. They chase my honor as the wind. My welfare has passed away as a cloud.
16 “Ugbu a, ndụ m ji nwayọọ nwayọọ na-agabiga; ụbọchị ahụhụ ejidela m.
"Now my soul is poured out within me. Days of affliction have taken hold on me.
17 Abalị na-esewasị ọkpụkpụ m, ihe mgbu m nke na-ata ata enweghị ezumike.
In the night season my bones are pierced in me, and the pains that gnaw me take no rest.
18 Nʼoke ike ya, Chineke na-adịrị m ka uwe; ọ na-ekechi m dịka olu uwe m.
By great force is my garment disfigured. It binds me about as the collar of my coat.
19 Ọ na-atụba m nʼime apịtị, mee ka m ghọọ ntụ na aja.
He has cast me into the mire. I have become like dust and ashes.
20 “Chineke m, anam etiku gị ma ị dịghị aza m; anam eguzo ọtọ, ma naanị anya ka i lere m.
I cry to you, and you do not answer me. I stand up, and you gaze at me.
21 Ị na-emegide m na-enweghị obi ebere; i ji aka gị dị ike megide m.
You have turned to be cruel to me. With the might of your hand you persecute me.
22 Ị na-ejide m nʼike welie m elu chụba m nʼoke ifufe, ị na-eme ka m bụrụ onye na-akwụfegharị nʼoke ifufe nke mmiri.
You lift me up to the wind, and drive me with it. You dissolve me in the storm.
23 Amara m na ị ga-eweda m ruo ọnwụ; ruo nʼebe e debeere mmadụ niile dị ndụ.
For I know that you will bring me to death, To the house appointed for all living.
24 “Nʼezie, ọ dịghị onye na-emegide onye e tidara nʼala; mgbe ọ na-eti mkpu nʼọnọdụ nhụju anya ya na-achọ enyemaka.
"However doesn't one stretch out a hand in his fall? Or in his calamity therefore cry for help?
25 Ọ bụ na m akwaghị akwa nʼihi ndị nọ na nsogbu; ọ bụ na mmụọ m erughị ụjụ nʼihi ndị ogbenye?
Did I not weep for him who was in trouble? Wasn't my soul grieved for the needy?
26 Ma mgbe m lere anya ihe ọma, ihe ọjọọ bịara; mgbe m lere anya ìhè, mgbe ahụ ka ọchịchịrị bịara.
When I looked for good, then evil came; When I waited for light, there came darkness.
27 Obi m anaghị ezu ike nʼime m; ụbọchị ahụhụ na-ezute m.
My heart is troubled, and doesn't rest. Days of affliction have come on me.
28 Ana m agagharị na-eji nji ma ọ bụghị nʼihi oke anwụ. Eguzola m ọtọ nʼọgbakọ ndị mmadụ tikuo ha ka ha nyere m aka.
I go mourning without the sun. I stand up in the assembly, and cry for help.
29 Abụrụla m nwanne nkịta ọhịa; onye ya na ikwighịkwighị na-esogharị.
I am a brother to jackals, and a companion to ostriches.
30 Akpụkpọ ahụ m na-eji nji na-ekpe iwere; anụ ahụ m na-anụ ọkụ dịka ihe a kwanyere ọkụ.
My skin grows black and peels from me. My bones are burned with heat.
31 Ụda ụbọ akwara m bụ ụda iru ụjụ; ụda ọja m bụkwa ụda iti mkpu akwa.
Therefore my harp has turned to mourning, and my pipe into the voice of those who weep.
