Job 28
1 Olulu e si egwupụta ọlaọcha dị; ebe a na-anụcha ọlaedo dịkwa.
| כי יש לכסף מוצא ומקום לזהב יזקו |
2 E si nʼime ala ewepụta igwe, ọlanchara na-agbazepụta site nkume na-aghọ ọla.
| ברזל מעפר יקח ואבן יצוק נחושה |
3 Mmadụ na-eme ka ọchịchịrị nwee ọgwụgwụ; ọ na-enyochapụta ihe dị ebe dị anya, na-achọ igwe nʼime oke ọchịchịrị.
| קץ שם לחשך ולכל-תכלית הוא חוקר אבן אפל וצלמות |
4 Ọ na-egwu olulu nʼebe dị anya site nʼebe mmadụ bi, nʼebe ụkwụ mmadụ na-adịghị eru, nʼebe ahụ dị anya site nʼebe mmadụ bi ka ha na-akwụfegharị.
| פרץ נחל מעם-גר--הנשכחים מני-רגל דלו מאנוש נעו |
5 Ala ahụ e si na ya enweta nri, abụrụla ihe e ji ọkụ gbanwee nʼokpuru ya.
| ארץ--ממנה יצא-לחם ותחתיה נהפך כמו-אש |
6 Safaia bụ nkume dị oke ọnụahịa dị na nkume ya; aja ya nwekwara mkpụrụ ọlaedo.
| מקום-ספיר אבניה ועפרת זהב לו |
7 Ọ dịghị anụ ufe nke na-eri anụ maara ụzọ ahụ zoro ezo; anya agụ nkwọ ọbụla ahụtụbeghị ya.
| נתיב לא-ידעו עיט ולא שזפתו עין איה |
8 Anụ ọhịa dị nganga anaghị azọnye ụkwụ nʼelu ya, ọdụm ọbụla adịghị awagharị nʼebe ahụ.
| לא-הדריכוהו בני-שחץ לא-עדה עליו שחל |
9 Ndị mmadụ na-eji aka na-etiwasị nkume ahụ na-enwu ọkụ mee ka mgbọrọgwụ ugwu ahụ pụta ìhè.
| בחלמיש שלח ידו הפך משרש הרים |
10 Ha na-awapụta ọwa ụzọ nʼetiti nkume ahụ, anya ha na-ahụkwa akụnụba ya niile.
| בצורות יארים בקע וכל-יקר ראתה עינו |
11 Ha na-achọpụta isi mmiri niile ma meekwa ka ihe nzuzo pụta ìhè.
| מבכי נהרות חבש ותעלמה יצא אור |
12 Ma olee ebe ka a ga-achọta amamihe? Olee kwa ebe nghọta bi?
| והחכמה מאין תמצא ואי זה מקום בינה |
13 Mmadụ apụghị ịghọta ọnụahịa ya, agaghị achọtakwa ya nʼala ndị dị ndụ.
| לא-ידע אנוש ערכה ולא תמצא בארץ החיים |
14 Ogbu mmiri na-asị, “Ọ dịghị nʼime m,” osimiri na-asị, “Ọ dịghị nʼaka m.”
| תהום אמר לא בי-היא וים אמר אין עמדי |
15 A gaghị eji ọlaedo a nụchara nke ọma zụta ya, apụghị ịtụ ihe bụ ọnụahịa ya nʼọlaọcha.
| לא-יתן סגור תחתיה ולא ישקל כסף מחירה |
16 A gaghị eji ọlaedo nke Ọfịa zụta ya, a gaghị ejikwa nkume dara oke ọnụahịa nke ọniks maọbụ safaia zụta ya,
| לא-תסלה בכתם אופיר בשהם יקר וספיר |
17 A gaghị eji ọlaedo maọbụ kristal tụnyere ya, maọbụ iji ejiji ọlaedo nweta ya.
| לא-יערכנה זהב וזכוכית ותמורתה כלי-פז |
18 Koral na jaspa erughị ihe a na-akpọtụ aha nʼebe ọ dị; ọnụahịa nke amamihe karịrị ọtụtụ rubi.
| ראמות וגביש לא יזכר ומשך חכמה מפנינים |
19 A gaghị eji ọla topaazi nke Kush tụnyere ya; a pụghị iji ọlaedo a nụchara anụcha zụta ya.
| לא-יערכנה פטדת-כוש בכתם טהור לא תסלה |
20 Olee ebe amamihe si abịa? Olee ebe nghọta bi?
| והחכמה מאין תבוא ואי זה מקום בינה |
21 E zoro ya ezo site nʼanya ihe niile dị ndụ, e kpuchikwara ya nye ọ bụladị anụ ufe nke eluigwe.
| ונעלמה מעיני כל-חי ומעוף השמים נסתרה |
22 Mbibi na ọnwụ na-asị; “Naanị akụkọ ya ruru anyị ntị.”
| אבדון ומות אמרו באזנינו שמענו שמעה |
23 Chineke ghọtara ụzọ ya, naanị ya makwara ebe obibi ya dị.
| אלהים הבין דרכה והוא ידע את-מקומה |
24 Nʼihi na ọ na-ahụ nsọtụ nke ụwa, na-ahụkwa ihe niile dị nʼokpuru eluigwe.
| כי-הוא לקצות-הארץ יביט תחת כל-השמים יראה |
25 Mgbe o hiwere ike nke ikuku, tụọkwa mmiri nʼihe ọtụtụ,
| לעשות לרוח משקל ומים תכן במדה |
26 mgbe o nyere mmiri ozuzo iwu meekwa ụzọ nye egbe eluigwe na oke ikuku,
| בעשתו למטר חק ודרך לחזיז קלות |
27 mgbe ahụ, o lere amamihe anya, nyochasịa ya, meekwa ka o guzosie ike, ma nwapụtakwa ya.
| אז ראה ויספרה הכינה וגם-חקרה |
28 Ọ sịrị mmadụ, “Ịtụ egwu Onyenwe anyị, nke ahụ bụ amamihe; ọzọ, ị sị nʼihe ọjọọ wezuga onwe bụ nghọta.”
| ויאמר לאדם--הן יראת אדני היא חכמה וסור מרע בינה |
