Job 12
1 Mgbe ahụ, Job zara:
| ויען איוב ויאמר׃ |
2 “Nʼezie, naanị unu bụ ndị maara ihe, unu na amamihe ga-anwụkọ nʼotu.
| אמנם כי אתם עם ועמכם תמות חכמה׃ |
3 Ma enwere m mmụọ iche uche dịka unu; abụghị m onye na-erughị eru nʼebe unu nọ. Onye bụ onye na-amaghị ihe ndị a unu na-ekwu?
| גם לי לבב כמוכם לא נפל אנכי מכם ואת מי אין כמו אלה׃ |
4 “Abụzi m ihe ọchị nʼebe ndị enyi m nọ, nʼagbanyeghị na m kpọkuru Chineke, ọ za, onye ezi omume, onye na-enweghị ịta ụta bụzikwa ihe eji akpa ọchị!
| שחק לרעהו אהיה קרא לאלוה ויענהו שחוק צדיק תמים׃ |
5 Ndị na-enweghị nsogbu na-eleda ndị ọdachi dakwasịrị anya dịka nsogbu si eche ndị ụkwụ ha na-amịchapụ amịchapụ.
| לפיד בוז לעשתות שאנן נכון למועדי רגל׃ |
6 Ụlọ ikwu nke ndị na-apụnara mmadụ ihe na-adị jụụ; ndị na-akpasu Chineke iwe na-adị nʼudo, bụ ndị na-ebugharị chi ha nʼaka ha.
| ישליו אהלים לשדדים ובטחות למרגיזי אל לאשר הביא אלוה בידו׃ |
7 “Ma jụọ ụmụ anụmanụ, ha ga-akụziri gị, maọbụ ụmụ nnụnụ, ha ga-agwa gị.
| ואולם שאל נא בהמות ותרך ועוף השמים ויגד לך׃ |
8 Ma ọ bụkwanụ gwa ala okwu, ọ ga-akụziri gị, maọbụ kwere ka azụ nọ na mmiri kọọrọ gị.
| או שיח לארץ ותרך ויספרו לך דגי הים׃ |
9 Olee otu nʼime ihe ndị a nke na-amaghị na ọ bụ aka Onyenwe anyị mere nke a?
| מי לא ידע בכל אלה כי יד יהוה עשתה זאת׃ |
10 Nʼaka ya ka ndụ ihe niile e kere eke dị, ya na ndụ ụmụ mmadụ
| אשר בידו נפש כל חי ורוח כל בשר איש׃ |
11 Ọ bụ na ntị adịghị anwale okwu, otu ire si anwale ihe oriri?
| הלא אזן מלין תבחן וחך אכל יטעם לו׃ |
12 Ọ bụ na-adịghị ahụ amamihe nʼetiti ndị okenye? Ogologo ndụ, ọ dịghị eweta nghọta?
| בישישים חכמה וארך ימים תבונה׃ |
13 “Ọ bụ Chineke nwe amamihe na ike, ndụmọdụ na nghọta bụkwa nke ya.
| עמו חכמה וגבורה לו עצה ותבונה׃ |
14 Ihe o tidara enweghị mwugharị ọzọ; mgbapụta adịghị nye onye o tụbara nʼụlọ mkpọrọ.
| הן יהרוס ולא יבנה יסגר על איש ולא יפתח׃ |
15 Ọ bụrụ na o gbochie mmiri, ebe niile atakọrọchaa. Ọ bụrụ na o zipụ ha, ha erikpuo ala niile.
| הן יעצר במים ויבשו וישלחם ויהפכו ארץ׃ |
16 Nʼaka ya ka ike na nzube ihe dị; ndị a ghọgburu na ndị na-aghọgbu bụkwa nke ya.
| עמו עז ותושיה לו שגג ומשגה׃ |
17 Ọ na-anapụ ndị ndụmọdụ ọkwa ha chụpụ ha, ma ndị ikpe ka ọ na-eme ka ha ghọọ ndị nzuzu.
| מוליך יועצים שולל ושפטים יהולל׃ |
18 Ọ na-atọpụ mkpọrọ igwe ndị eze kere, ma were akwa mgbochi kee ha nʼukwu.
| מוסר מלכים פתח ויאסר אזור במתניהם׃ |
19 Ọ na-agbawa ndị nchụaja ọtọ chụpụ ha, kwatuokwa ndị ọnọdụ ha sirila ike ogologo oge gara aga.
| מוליך כהנים שולל ואתנים יסלף׃ |
20 Ọ na-emechi ọnụ ndị ndụmọdụ a tụkwasịrị obi, wepụkwa nghọta nke ndị okenye.
| מסיר שפה לנאמנים וטעם זקנים יקח׃ |
21 Ọ na-eji ndị ọgaranya eme ihe ọchị, napụkwa ngwa agha nke ndị dị ike.
| שופך בוז על נדיבים ומזיח אפיקים רפה׃ |
22 Ọ na-ekpughe ihe omimi nke ọchịchịrị meekwa ka oke ọchịchịrị pụta ìhè.
| מגלה עמקות מני חשך ויצא לאור צלמות׃ |
23 Ọ na-eme ka mba dị ukwuu, ọ na-emekwa ka ha laa nʼiyi; Ọ na-eme ka mba baa ụba, ma chụsakwaa ha.
| משגיא לגוים ויאבדם שטח לגוים וינחם׃ |
24 Ọ na-anapụ ndị ndu nke ụwa amamihe ha, zipụkwa ha ka ha na-awagharị nʼọzara ebe ụzọ na-adịghị.
| מסיר לב ראשי עם הארץ ויתעם בתהו לא דרך׃ |
25 Ha na-asọgharị ìsì nʼọchịchịrị na-enweghị ìhè. Ọ na-eme ha ka ha na-adagharị dịka ndị mmanya na-egbu.
| ימששו חשך ולא אור ויתעם כשכור׃ |
