Sálmarnir 129

1 Allt frá bernsku var ég ofsóttur (það er Ísrael sem talar)

2 og misréttinu linnti ekki – en aldrei var ég þurrkaður út. Aldrei hefur óvinum mínum tekist að uppræta mig!

3 Þótt þeir húðstrýktu mig og tættu bak mitt, þá segi ég samt:

4 „Drottinn er góður!“Því að hann braut hlekkina sem illmennin höfðu fjötrað mig með.

5 Þeir sem hata Jerúsalem skulu verða til skammar og flýja.

6 Þeir skulu vera eins og gras á þaki – það skrælnar áður en það hefur vaxið og myndað fræ.

7 Sláttumaðurinn mun grípa í tómt og sá sem bindur fær ekki neitt.

8 Þeir sem framhjá fara skulu ekki óska þér blessunar. En við ykkur segjum við: „Drottinn blessi þig!“