תהילים 96
| שירו ליהוה שיר חדש שירו ליהוה כל הארץ׃ | 1 |
Oh, kantaanyo ni Yahweh iti baro a kanta; kantaanyo ni Yahweh, amin ditoy daga.
| שירו ליהוה ברכו שמו בשרו מיום ליום ישועתו׃ | 2 |
Kantaanyo ni Yahweh, idaydayawyo ti naganna; inaldaw nga iwaragawagyo ti panangisalakanna.
| ספרו בגוים כבודו בכל העמים נפלאותיו׃ | 3 |
Ipakaammoyo ti dayagna kadagiti nasion, dagiti nakakaskasdaaw nga aramidna kadagiti amin a nasion.
| כי גדול יהוה ומהלל מאד נורא הוא על כל אלהים׃ | 4 |
Ta naindaklan ni Yahweh ket maikari iti naindaklan a panangidayaw. Ad-adda a pagbutngan ngem kadagiti amin a dios.
| כי כל אלהי העמים אלילים ויהוה שמים עשה׃ | 5 |
Ta didiosen amin dagiti dios ti nasion, ngem ni Yahweh ti namarsua kadagiti langlangit.
| הוד והדר לפניו עז ותפארת במקדשו׃ | 6 |
Adda iti presensiana ti dayag ken kinatan-ok. Adda ti bileg ken kinapintas iti santuariona.
| הבו ליהוה משפחות עמים הבו ליהוה כבוד ועז׃ | 7 |
Idaydayawyo ni Yahweh, dakayo a puli ti tattao, idaydayawyo ni Yahweh gapu ti dayag ken bilegna.
| הבו ליהוה כבוד שמו שאו מנחה ובאו לחצרותיו׃ | 8 |
Idaydayawyo ti kinadayag ni Yahweh babaen iti naganna. Mangalakayo iti daton ket mapankayo iti templona.
| השתחוו ליהוה בהדרת קדש חילו מפניו כל הארץ׃ | 9 |
Agrukbabkayo kenni Yahweh iti nasantoan a dayagna. Agpigergerkayo iti sangoananna, dakayo amin ditoy daga.
| אמרו בגוים יהוה מלך אף תכון תבל בל תמוט ידין עמים במישרים׃ | 10 |
Ibagayo kadagiti nasion, “Agari ni Yahweh.” Naipasdek met ti lubong; saanto a magungon. Nalintegto ti panangukomna kadagiti tattao.
| ישמחו השמים ותגל הארץ ירעם הים ומלאו׃ | 11 |
Agragsak koma dagiti langlangit, ken agrag-o koma ti daga; agdaranudor koma ti taaw ken agpukkaw koma gapu ti rag-o amin nga adda iti daytoy.
| יעלז שדי וכל אשר בו אז ירננו כל עצי יער׃ | 12 |
Agragsak koma dagiti taltalon ken dagiti amin nga adda kadagitoy. Ket agpukkaw koma gapu ti ragsak dagiti amin a kaykayo iti kabakiran
| לפני יהוה כי בא כי בא לשפט הארץ ישפט תבל בצדק ועמים באמונתו׃ | 13 |
iti sangoanan ni Yahweh, ta umayen isuna. Umayen isuna a mangukom ti daga. Ukomennanto ti lubong iti kinalinteg ken dagiti tattaona iti kinapudnona.
