תהילים 80
| למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה׃ | 1 |
«Нилупәрләр» дегән аһаңда; бир гувалиқ; Асаф язған күй: — Қулақ салғайсән, и Исраилниң падичиси, Йүсүпни қой падисидәк беқип йетәклигүчи; И керублар оттурисида Олтарғучи, Нурланғайсән!
| לפני אפרים ובנימן ומנשה עוררה את גבורתך ולכה לישעתה לנו׃ | 2 |
Әфраим, Бинямин, Манассәһләрниң алдида қудритиңни қозғиғайсән, Бизләрни қутқузғили кәлгәйсән!
| אלהים השיבנו והאר פניך ונושעה׃ | 3 |
И Худа, бизни Өз йениңға қайтурғайсән! Җамалиңниң нурини чачқайсән, шунда биз қутқузулимиз!
| יהוה אלהים צבאות עד מתי עשנת בתפלת עמך׃ | 4 |
И Пәрвәрдигар, самавий қошунларниң Сәрдари болған Худа, Хәлқиңниң дуалириға болған ғәзивиң қачанғичә ялқунлап туриду?
| האכלתם לחם דמעה ותשקמו בדמעות שליש׃ | 5 |
Сән көз яшлирини уларға озуқ орнида қилдиң, Көз яшлирини қача-қачилап уларға ичкүздуң.
| תשימנו מדון לשכנינו ואיבינו ילעגו למו׃ | 6 |
Бизни хошнилиримизға талашқа қойдуң; Дүшмәнлиримиз бизни мәсқирә қилишиду.
| אלהים צבאות השיבנו והאר פניך ונושעה׃ | 7 |
И самавий қошунларниң Сәрдари болған Худа, Бизни Өз йениңға қайтурғайсән! Җамалиңниң нурини чачқайсән, шунда биз қутқузулимиз!
| גפן ממצרים תסיע תגרש גוים ותטעה׃ | 8 |
Сән Мисирдин бир түп үзүм көчитини елип кәлдиң; Ят әлләрни һайдиветип, орниға уни тиктиң.
| פנית לפניה ותשרש שרשיה ותמלא ארץ׃ | 9 |
Униң алдида йәрни кәң ачтиң; У чоңқур йилтиз тартип, пүтүн зиминға йейилди.
| כסו הרים צלה וענפיה ארזי אל׃ | 10 |
Униң сайиси тағларни қаплиди; Ғоллири қудрәтлик кедир дәрәқлиридәк өсти;
| תשלח קצירה עד ים ואל נהר יונקותיה׃ | 11 |
У шахлирини деңизғичә, Пиләклирини [Әфрат] дәрияси бойлириғичә узартти.
| למה פרצת גדריה וארוה כל עברי דרך׃ | 12 |
Сән немишкә униң қашалирини бузуп, Мевисини өтүп кетиватқанларниң үзүп елишиға йол қойдуң?
| יכרסמנה חזיר מיער וזיז שדי ירענה׃ | 13 |
Мана орманлиқтики явайи тоңғузлар уни йериватиду, Даладики һайванатлар униңдин озуқлиниду.
| אלהים צבאות שוב נא הבט משמים וראה ופקד גפן זאת׃ | 14 |
И самавий қошунларниң Сәрдари болған Худа, Сәндин өтүнимизки, Йенимизға қайтқайсән! Әрштин һалимизға нәзәр салғайсән, Келип бу үзүм телидин хәвәр алғайсән!
| וכנה אשר נטעה ימינך ועל בן אמצתה לך׃ | 15 |
Йәни оң қолуң тиккән бу йилтиздин, Өзүң үчүн мәзмут йетиштүргән бу оғлуңдин хәвәр алғайсән!
| שרפה באש כסוחה מגערת פניך יאבדו׃ | 16 |
Мана у отта көйдүрүлди, Кесиветилди; Йүзүңдики тәнбиһий қаришиңни көрүп улар һалак болмақта;
| תהי ידך על איש ימינך על בן אדם אמצת לך׃ | 17 |
Қолуңни оң қолуңдики адәмгә, Йәни Өзүң үчүн мәзмут йетиштүргән Инсан оғлиға қондурғайсән;
| ולא נסוג ממך תחינו ובשמך נקרא׃ | 18 |
Шундақ қилғанда биз Сәндин һәргиз чекинмәймиз; Бизни йеңилиғайсән, шунда биз намиңни чақирип Саңа илтиҗа қилимиз.
| יהוה אלהים צבאות השיבנו האר פניך ונושעה׃ | 19 |
И Пәрвәрдигар, самавий қошунларниң Сәрдари болған Худа, Бизни Өз йениңға қайтурғайсән! Җамалиңниң нурини чачқайсән, шунда биз қутқузулимиз!
