תהילים 80
| למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה׃ | 1 |
Al la ĥorestro. Por ŝoŝanoj. Atesto de Asaf. Psalmo. Ho Paŝtisto de Izrael, aŭskultu; Vi, kiu kondukas Jozefon, kiel ŝafojn, Vi, kiu sidas sur keruboj, aperu!
| לפני אפרים ובנימן ומנשה עוררה את גבורתך ולכה לישעתה לנו׃ | 2 |
Antaŭ Efraim kaj Benjamen kaj Manase veku Vian forton, Kaj venu, por savi nin.
| אלהים השיבנו והאר פניך ונושעה׃ | 3 |
Ho Dio, revenigu nin kaj lumigu Vian vizaĝon, Por ke ni estu savitaj.
| יהוה אלהים צבאות עד מתי עשנת בתפלת עמך׃ | 4 |
Ho Eternulo, Dio Cebaot, Ĝis kiam Vi kolere repuŝos la preĝon de Via popolo?
| האכלתם לחם דמעה ותשקמו בדמעות שליש׃ | 5 |
Vi manĝigis al ili panon larman, Kaj Vi trinkigis al ili larmojn per granda mezuro.
| תשימנו מדון לשכנינו ואיבינו ילעגו למו׃ | 6 |
Vi faris nin objekto de disputo por niaj najbaroj; Kaj niaj malamikoj nin mokas.
| אלהים צבאות השיבנו והאר פניך ונושעה׃ | 7 |
Ho Dio Cebaot! revenigu nin kaj lumigu Vian vizaĝon, Por ke ni estu savitaj.
| גפן ממצרים תסיע תגרש גוים ותטעה׃ | 8 |
Vinberbranĉon el Egiptujo Vi elportis, Vi forpelis popolojn kaj ĝin plantis;
| פנית לפניה ותשרש שרשיה ותמלא ארץ׃ | 9 |
Vi purigis lokon por ĝi; Kaj ĝi profundigis siajn radikojn kaj plenigis la tutan landon;
| כסו הרים צלה וענפיה ארזי אל׃ | 10 |
Montojn kovris ĝia ombro, Kaj ĝiaj branĉoj fariĝis kiel cedroj de Dio.
| תשלח קצירה עד ים ואל נהר יונקותיה׃ | 11 |
Ĝi etendis siajn branĉojn ĝis la maro Kaj siajn branĉetojn ĝis la Rivero.
| למה פרצת גדריה וארוה כל עברי דרך׃ | 12 |
Kial Vi detruis ĝiajn barilojn, Ke ĉiuj pasantoj ĝin ŝiras?
| יכרסמנה חזיר מיער וזיז שדי ירענה׃ | 13 |
Subfosas ĝin arbara apro, Kaj kampa besto ĝin mordas.
| אלהים צבאות שוב נא הבט משמים וראה ופקד גפן זאת׃ | 14 |
Ho Dio Cebaot, returniĝu; Rigardu el la ĉielo kaj vidu, kaj rememoru tiun vinbertrunkon,
| וכנה אשר נטעה ימינך ועל בן אמצתה לך׃ | 15 |
Kaj ŝirmu tion, kion plantis Via dekstra mano, Kaj la kreskaĵidon, kiun Vi fortikigis por Vi.
| שרפה באש כסוחה מגערת פניך יאבדו׃ | 16 |
Ĝi estas bruligita de fajro, krevinta; De Via minaca vizaĝo ili pereis.
| תהי ידך על איש ימינך על בן אדם אמצת לך׃ | 17 |
Via brako estu super la viro de Via dekstra mano, Super la homido, kiun Vi fortikigis por Vi.
| ולא נסוג ממך תחינו ובשמך נקרא׃ | 18 |
Kaj ni ne foriros de Vi; Vivigu nin, kaj ni vokos Vian nomon.
| יהוה אלהים צבאות השיבנו האר פניך ונושעה׃ | 19 |
Ho Eternulo, Dio Cebaot! revenigu nin, lumigu Vian vizaĝon, Por ke ni estu savitaj.
