תהילים 7
| שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃ | 1 |
O Yahweh a Diosko, agkamangak kenka! Isalakannak kadagiti amin a mangkamkamat kaniak, ken ispalennak.
| פן יטרף כאריה נפשי פרק ואין מציל׃ | 2 |
Ta no saan, lasanglasangendak a kasla leon, pirsapirsayendak nga awan ti makabael a mangsalaknib kaniak.
| יהוה אלהי אם עשיתי זאת אם יש עול בכפי׃ | 3 |
O Yahweh a Diosko, saanko a pulos nga inaramid ti ibagbaga dagiti kabusorko nga inaramidko; awan ti kinakillo kadagiti imak.
| אם גמלתי שולמי רע ואחלצה צוררי ריקם׃ | 4 |
Saanak a pulos a nangaramid iti biddut iti siasinoman nga addaan pannakikappia kaniak, wenno saanko a napuotan a dinangrak ti siasinoman a bumusor kaniak.
| ירדף אויב נפשי וישג וירמס לארץ חיי וכבודי לעפר ישכן סלה׃ | 5 |
No saanko nga ibagbaga ti kinapudno, ipalubosmo ngarud a kamaten ti kabusorko ti biagko ket tiliwenda daytoy; ipalubosmo nga ipayatpayatna iti daga ti sibibiag a bagik ken panawannak a naibabain a nakadasay iti katapukan. (Selah)
| קומה יהוה באפך הנשא בעברות צוררי ועורה אלי משפט צוית׃ | 6 |
Bumangonka iti ungetmo, O Yahweh; tumakderka a maibusor iti pungtot dagiti kabusorko; agriingka gapu kaniak ket ipatungpalmo dagiti nalinteg a pangngeddeng nga imbilinmo kadakuada.
| ועדת לאמים תסובבך ועליה למרום שובה׃ | 7 |
Naguummong dagiti pagilian iti aglawlawmo; ket maminsan pay, agturayka kadakuada.
| יהוה ידין עמים שפטני יהוה כצדקי וכתמי עלי׃ | 8 |
O Yahweh, ukomem dagiti nasion; ipakitam nga awan nagbasolak, O Yahweh a Kangangatoan, gapu ta nalintegak ken awan basolko.
| יגמר נא רע רשעים ותכונן צדיק ובחן לבות וכליות אלהים צדיק׃ | 9 |
Aggibus koma dagiti dakes nga aramid dagiti nadangkes, ngem patalgedem dagiti nalinteg a tattao, nalinteg a Dios, sika a mangsuksukimat kadagiti puso ken panunot.
| מגני על אלהים מושיע ישרי לב׃ | 10 |
Aggapu iti Dios ti kalasagko, ti mangisalsalakan iti nalinteg ti panagpuspusona.
| אלהים שופט צדיק ואל זעם בכל יום׃ | 11 |
Ti Dios ket nalinteg nga ukom, Dios a makaunget kadagiti nadangkes iti inaldaw.
| אם לא ישוב חרבו ילטוש קשתו דרך ויכוננה׃ | 12 |
No saan nga agbabawi ti maysa a tao, asaen ti Dios ti kampilanna ken isaganana ti baina para iti gubat.
| ולו הכין כלי מות חציו לדלקים יפעל׃ | 13 |
Isagsagana ti Dios nga usaren dagiti armas a maibusor kenkuana; pagbalbalinenna nga umap-apuy ti tirad dagiti panana.
| הנה יחבל און והרה עמל וילד שקר׃ | 14 |
Panunotem ti maysa a tao a masikog iti kinadangkes, nga agin-inaw kadagiti makadadael a panggep, a mangipasngay kadagiti makadadael nga inuulbod.
| בור כרה ויחפרהו ויפל בשחת יפעל׃ | 15 |
Agkali isuna iti abut ken paunegenna daytoy ket matnag isuna iti abut nga inaramidna.
| ישוב עמלו בראשו ועל קדקדו חמסו ירד׃ | 16 |
Agsubli iti bukodna nga ulo ti makadadael a panggepna, ta agtinnag iti bukodna nga ulo ti kinaranggasna.
| אודה יהוה כצדקו ואזמרה שם יהוה עליון׃ | 17 |
Agyamanak kenni Yahweh gapu iti kinalintegna; agkantaak iti panagdayaw kenni Yahweh a Kangangatoan.
