תהילים 67

1 למנצח בנגינת מזמור שיר אלהים יחננו ויברכנו יאר פניו אתנו סלה׃

Rwĩmbo rwa Thaburi Ngai arotũkinyĩria wega wake, na atũrathime, na atũme ũthiũ wake ũtwarĩre,

2 לדעת בארץ דרכך בכל גוים ישועתך׃

nĩguo njĩra ciaku imenyeke gũkũ thĩ, ũhonokio waku ũmenywo nĩ ndũrĩrĩ ciothe.

3 יודוך עמים אלהים יודוך עמים כלם׃

Andũ marokũgooca, Wee Ngai; andũ othe marogũkumia.

4 ישמחו וירננו לאמים כי תשפט עמים מישור ולאמים בארץ תנחם סלה׃

Ndũrĩrĩ nĩicanjamũke na cikũinĩre nĩ gũkena, nĩgũkorwo wathaga andũ na kĩhooto, na ũgatongoria ndũrĩrĩ iria irĩ gũkũ thĩ.

5 יודוך עמים אלהים יודוך עמים כלם׃

Andũ marokũgooca, Wee Ngai; andũ othe marogũkumia.

6 ארץ נתנה יבולה יברכנו אלהים אלהינו׃

Hĩndĩ ĩyo bũrũri nĩũkaruta magetha maguo, na Ngai, o we Ngai witũ, nĩagatũrathima.

7 יברכנו אלהים וייראו אתו כל אפסי ארץ׃

Ngai nĩagatũrathima, nacio ituri ciothe cia thĩ nĩikamwĩtigĩra.