תהילים 66
| למנצח שיר מזמור הריעו לאלהים כל הארץ׃ | 1 |
Leiset mite jousen Elohim Pathen vahchoi cheh uhen!
| זמרו כבוד שמו שימו כבוד תהלתו׃ | 2 |
Amin loupi chu vahchoilan saohen! Aloupina ji vannoi a sei leu vin.
| אמרו לאלהים מה נורא מעשיך ברב עזך יכחשו לך איביך׃ | 3 |
Elohim Pathen henga sei in, “Na thilbol ho hi iti hoia lamdang hitam! Na melmate jeng jong na thaneina thupitah masang a akun jeng uve.
| כל הארץ ישתחוו לך ויזמרו לך יזמרו שמך סלה׃ | 4 |
Leiset chung thil jouse jong na angsung a dilsu cheh untin, nathangvahna la asahdiu, naming hi thongjenju a asahdiu ahi.”
| לכו וראו מפעלות אלהים נורא עלילה על בני אדם׃ | 5 |
Hung in lang ven Elohim Pathen in ipi atohdoh hitam, mipite dia itobang thil kidang atohdoh hitam!
| הפך ים ליבשה בנהר יעברו ברגל שם נשמחה בו׃ | 6 |
Aman twipisan a jong lamgolai asem in, chule amite chu akeng'uva ache galkai ui. Hea chun eiho Ama ah ikipah un ahi.
| משל בגבורתו עולם עיניו בגוים תצפינה הסוררים אל ירימו למו סלה׃ | 7 |
Ajeh chu Aman athahatna thupitah a chun tonsot in vai ahom e. Aman namtin vaipi chaloh sinsah aboncha ave lhisohkei in; koimacha Ama dounan hung kon da jeng hen.
| ברכו עמים אלהינו והשמיעו קול תהלתו׃ | 8 |
Vannoi leiset mihemte jousen iPathen u Elohim thangvah cheh u henlang avahchoina la choh jejun sauhen.
| השם נפשנו בחיים ולא נתן למוט רגלנו׃ | 9 |
I hinkhou hi Ama khut a um ahin, Aman ikipallouna diuva ikeng u eituhpeh u ahi.
| כי בחנתנו אלהים צרפתנו כצרף כסף׃ | 10 |
O Elohim Pathen neipatep tauve; dangka bang in neisuhtheng taovin ahi.
| הבאתנו במצודה שמת מועקה במתנינו׃ | 11 |
Na thangkol a neimat u ahitan chuleh ka tungtun uva sohchanna pohgih chu neipoh sah u ahitai.
| הרכבת אנוש לראשנו באנו באש ובמים ותוציאנו לרויה׃ | 12 |
Ka chunguvah midangho lam na jotsah in hiti chun keiho meilhum leh twisohlah neipal galkaisah uvin, hinla nehding nenna mun a neipuilut tauvin ahi.
| אבוא ביתך בעולות אשלם לך נדרי׃ | 13 |
Tun nahenga kakitepna subulhit din pumgo thilto pum in na houin ka hinjon e.
| אשר פצו שפתי ודבר פי בצר לי׃ | 14 |
Henge, lunggim le kakhoisat nikho hoa nakoma kitepna ka na nei chu ahi.
| עלות מחים אעלה לך עם קטרת אילים אעשה בקר עם עתודים סלה׃ | 15 |
Hijeh a chu keiman kanei ho lah ka kelngoichalho hi namtwi pen ding le, ka bongchalho le ka keltahchalho hi pumgo thilto a ka hin katdoh ahitai.
| לכו שמעו ואספרה כל יראי אלהים אשר עשה לנפשי׃ | 16 |
Elohim Pathen gin le jana neijouse hung un lang ngai un, Yahweh Pakai in ipi eibolpeh am na seipeh ung ka te.
| אליו פי קראתי ורומם תחת לשוני׃ | 17 |
Ajeh chu keiman Ama thangvah pum in panpi thumnan ka tao in ahi.
| און אם ראיתי בלבי לא ישמע אדני׃ | 18 |
Keiman ka lunsunga um ka chonset phongdoh lou hile Yahweh Pakai in ka taona eingaipeh louding ahi.
| אכן שמע אלהים הקשיב בקול תפלתי׃ | 19 |
Hinla Elohim Pathen in eingaipeh e! Aman khohsah tah in ka taona eingaipeh in ahi.
| ברוך אלהים אשר לא הסיר תפלתי וחסדו מאתי׃ | 20 |
Ka taona eigelkhohpehjeh le amingailutna longlou kei a kon a eilahdohpeh lou jeh in Elohim Pathen chu thangvah in um hen!
