תהילים 55
| למנצח בנגינת משכיל לדוד האזינה אלהים תפלתי ואל תתעלם מתחנתי׃ | 1 |
Dawid “maskil” dwom. Ao Onyankopɔn, tie me mpaebɔ, mmu wʼani ngu me nkotosrɛ so,
| הקשיבה לי וענני אריד בשיחי ואהימה׃ | 2 |
tie me na gye me so. Me dadwen haw me na ama mayɛ basaa,
| מקול אויב מפני עקת רשע כי ימיטו עלי און ובאף ישטמוני׃ | 3 |
esiane nea me tamfo reka, esiane omumɔyɛfo ahunahuna nti; efisɛ wɔde amanehunu ba me so; na wofi wɔn abufuw mu kum me.
| לבי יחיל בקרבי ואימות מות נפלו עלי׃ | 4 |
Me koma wɔ ahoyeraw mu; na owu huboa aba me so.
| יראה ורעד יבא בי ותכסני פלצות׃ | 5 |
Ehu ne ahopopo akyekyere me. Ahodwiriw abu afa me so.
| ואמר מי יתן לי אבר כיונה אעופה ואשכנה׃ | 6 |
Mekae se, “Ao, sɛ mewɔ ntaban sɛ aburuburu a, anka metu akɔ ama me ho atɔ me,
| הנה ארחיק נדד אלין במדבר סלה׃ | 7 |
anka metu akɔ akyirikyiri akɔtena sare so;
| אחישה מפלט לי מרוח סעה מסער׃ | 8 |
anka mɛyɛ ntɛm akɔ me hintabea, faako a mframahweam ne ahum mmɛn koraa.”
| בלע אדני פלג לשונם כי ראיתי חמס וריב בעיר׃ | 9 |
Awurade, ma amumɔyɛfo nyɛ basaa, na ma wɔn kasa ntoto, efisɛ mihu basabasayɛ ne aperepere wɔ kuropɔn no mu.
| יומם ולילה יסובבה על חומתיה ואון ועמל בקרבה׃ | 10 |
Awia ne anadwo wɔtetɛw nʼafasu ho; adwemmɔne ne asisi wɔ mu.
| הוות בקרבה ולא ימיש מרחבה תך ומרמה׃ | 11 |
Adesɛefo dɔm reyɛ adwuma wɔ kuropɔn no mu. Ahunahuna ne nnaadaa wɔ ne mmɔnten so daa.
| כי לא אויב יחרפני ואשא לא משנאי עלי הגדיל ואסתר ממנו׃ | 12 |
Sɛ ɛyɛɛ ɔtamfo na ɔresopa me a, anka metumi agyina ano; sɛ ɛyɛɛ ɔtamfo na ɔrema ne ho so atia me a, anka metumi de me ho ahintaw no.
| ואתה אנוש כערכי אלופי ומידעי׃ | 13 |
Nanso ɛyɛ wo, ɔdesani te sɛ me, me yɔnko, mʼadamfo kann,
| אשר יחדו נמתיק סוד בבית אלהים נהלך ברגש׃ | 14 |
a kan no na me ne no wɔ ayɔnkofa a mu yɛ den bere a yɛn nyinaa bɔɔ mu yuu kɔɔ Onyankopɔn fi na yɛka asomfo no ho no.
| ישימות עלימו ירדו שאול חיים כי רעות במגורם בקרבם׃ (Sheol h7585) | 15 |
Ma owu mmɛfa mʼatamfo mpofirim; ma wɔnkɔ ɔda mu anikann, efisɛ bɔne te wɔn mu. (Sheol h7585)
| אני אל אלהים אקרא ויהוה יושיעני׃ | 16 |
Nanso misu frɛ Onyankopɔn, na Awurade gye me nkwa.
| ערב ובקר וצהרים אשיחה ואהמה וישמע קולי׃ | 17 |
Anwummere, anɔpa ne awia, mede mmɔborɔnne su frɛ no, na ɔte me nne.
| פדה בשלום נפשי מקרב לי כי ברבים היו עמדי׃ | 18 |
Ɔde ne ho bɔ afɔre ma minya me ti didi mu wɔ ako a wodi tia me no mu, mpo dodow na wɔsɔre tia me.
| ישמע אל ויענם וישב קדם סלה אשר אין חליפות למו ולא יראו אלהים׃ | 19 |
Onyankopɔn a wɔasi no hene afebɔɔ no, ɔbɛte wɔn nka na wahaw wɔn, ɔbɛhaw nnipa a wɔnsakra wɔn akwan da na wonsuro Onyankopɔn nso.
| שלח ידיו בשלמיו חלל בריתו׃ | 20 |
Me yɔnko tow hyɛ ne nnamfonom so; na obu nʼapam so.
| חלקו מחמאת פיו וקרב לבו רכו דבריו משמן והמה פתחות׃ | 21 |
Ɔwɔ tɛkrɛmawo, nanso ɔtan wɔ ne koma mu. Nʼano asɛm dwudwo sen ngo, nanso ɛyɛ afoa a wɔatwe.
| השלך על יהוה יהבך והוא יכלכלך לא יתן לעולם מוט לצדיק׃ | 22 |
Fa wo haw to Awurade so na ɔno na obegye wo; ɔremma ɔtreneeni nhwe ase.
| ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃ | 23 |
Nanso wo, Onyankopɔn, wobɛbrɛ amumɔyɛfo ase ama wɔakɔ ɔporɔw amoa mu; mogyapɛfo ne nnaadaafo renni wɔn nkwanna mu fa. Nanso me de, mede me ho to wo so. Wɔde ma dwonkyerɛfo. Wɔto no sɛnea wɔto “Aburuburu a osi Akyirikyiri Odum so,” nne so.
