תהילים 54

1 למנצח בנגינת משכיל לדוד בבוא הזיפים ויאמרו לשאול הלא דוד מסתתר עמנו אלהים בשמך הושיעני ובגבורתך תדינני׃

Pou chèf sanba yo. Se yon chante David te ekri lè moun peyi Zif yo te al di Sayil men David kache lakay yo. Bondye, delivre m' non avèk pouvwa ou! Fè m' jistis avèk fòs kouraj ou!

2 אלהים שמע תפלתי האזינה לאמרי פי׃

Bondye, koute m' non lè m'ap lapriyè! Panche zòrèy ou pou tande pawòl k'ap soti nan bouch mwen!

3 כי זרים קמו עלי ועריצים בקשו נפשי לא שמו אלהים לנגדם סלה׃

Paske gen yon seri moun awogan ki leve dèyè m', yon bann mechan ki soti pou touye m'! Yo pa menm chonje si gen Bondye!

4 הנה אלהים עזר לי אדני בסמכי נפשי׃

Men, Bondye ap vin ede m'. Seyè a ap pran defans mwen.

5 ישוב הרע לשררי באמתך הצמיתם׃

L'ap fè mechanste moun ki pa vle wè m' yo tonbe sou tèt yo; l'ap fini nèt ak yo paske l'ap toujou kenbe pawòl li.

6 בנדבה אזבחה לך אודה שמך יהוה כי טוב׃

Seyè, m'a ofri bèt pou yo touye pou ou ak kè kontan, m'a fè lwanj ou, paske ou bon pou mwen.

7 כי מכל צרה הצילני ובאיבי ראתה עיני׃

Ou delivre m' anba tray mwen te ye a; ou fè m' wè lènmi m' yo pèdi batay la.