תהילים 51
| למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃ | 1 |
Al la ĥorestro. Psalmo de David, kiam venis al li la profeto Natan post lia aliĝo al Bat-Ŝeba. Korfavoru min, ho Dio, laŭ Via boneco; Laŭ Via granda kompatemeco elstreku miajn pekojn.
| הרבה כבסני מעוני ומחטאתי טהרני׃ | 2 |
Lavu min tute pure de mia krimo, Kaj purigu min de mia peko.
| כי פשעי אני אדע וחטאתי נגדי תמיד׃ | 3 |
Ĉar miajn kulpojn mi konsciadas; Kaj mia peko estas ĉiam antaŭ mi.
| לך לבדך חטאתי והרע בעיניך עשיתי למען תצדק בדברך תזכה בשפטך׃ | 4 |
Antaŭ Vi sola mi pekis, Kaj mi faris tion, kio estas malbona antaŭ Viaj okuloj; Tial Vi estas justa en Via vorto Kaj pura en Via juĝo.
| הן בעוון חוללתי ובחטא יחמתני אמי׃ | 5 |
Mi estas ja naskita en krimo; Kaj en peko gravediĝis per mi mia patrino.
| הן אמת חפצת בטחות ובסתם חכמה תודיעני׃ | 6 |
Vi amas ja veron en la koro, Kaj en kaŝiteco Vi aperigas al mi saĝon.
| תחטאני באזוב ואטהר תכבסני ומשלג אלבין׃ | 7 |
Senpekigu min per hisopo, kaj mi fariĝos pura; Lavu min, kaj mi estos pli blanka ol neĝo.
| תשמיעני ששון ושמחה תגלנה עצמות דכית׃ | 8 |
Aŭdigu al mi ĝojon kaj gajecon, Kaj regajiĝos la ostoj, kiujn Vi batis.
| הסתר פניך מחטאי וכל עונתי מחה׃ | 9 |
Kaŝu Vian vizaĝon de miaj pekoj, Kaj ĉiujn miajn krimojn elstreku.
| לב טהור ברא לי אלהים ורוח נכון חדש בקרבי׃ | 10 |
Koron puran kreu al mi, ho Dio, Kaj spiriton fidelan novigu en mi.
| אל תשליכני מלפניך ורוח קדשך אל תקח ממני׃ | 11 |
Ne forpuŝu min de Via vizaĝo, Kaj Vian sanktan spiriton ne forprenu de mi.
| השיבה לי ששון ישעך ורוח נדיבה תסמכני׃ | 12 |
Redonu al mi la ĝojon de Via helpo; Kaj spirito bonfara fortikigu min.
| אלמדה פשעים דרכיך וחטאים אליך ישובו׃ | 13 |
Mi instruos al la krimuloj Vian vojon; Kaj pekuloj revenos al Vi.
| הצילני מדמים אלהים אלהי תשועתי תרנן לשוני צדקתך׃ | 14 |
Liberigu min de sango, ho Dio, Dio de mia savo; Mia lango kantos Vian justecon.
| אדני שפתי תפתח ופי יגיד תהלתך׃ | 15 |
Ho, mia Sinjoro, malfermu miajn lipojn; Kaj mia buŝo rakontos Vian gloron.
| כי לא תחפץ זבח ואתנה עולה לא תרצה׃ | 16 |
Ĉar Vi ne deziras oferdonon, alie mi ĝin donus; Brulofero ne plaĉas al Vi.
| זבחי אלהים רוח נשברה לב נשבר ונדכה אלהים לא תבזה׃ | 17 |
Oferdonoj al Dio estas spirito suferanta; Koron suferantan kaj humilan Vi, ho Dio, ne malŝatas.
| היטיבה ברצונך את ציון תבנה חומות ירושלם׃ | 18 |
Bonfaru al Cion laŭ Via favoro, Konstruu la murojn de Jerusalem;
| אז תחפץ זבחי צדק עולה וכליל אז יעלו על מזבחך פרים׃ | 19 |
Tiam plaĉos al Vi oferdonoj de pieco, brulofero kaj plenofero; Tiam oni metos sur Vian altaron junajn bovojn.
