תהילים 46

1 למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

Ang Dios mao ang atong dalangpanan ug ang atong kusog, kanunay andam motabang panahon sa kalisdanan.

2 על כן לא נירא בהמיר ארץ ובמוט הרים בלב ימים׃

Busa dili kami mahadlok, bisan ang kayutaan mausab, bisan ang mga kabukiran mauyog ngadto sa kasingkasing sa kadagatan,

3 יהמו יחמרו מימיו ירעשו הרים בגאותו סלה׃

bisan ang mga tubig magngulob ug mahimong bangis, ug mangatay-ug man ang mga kabukiran sa paglapaw niini. (Selah)

4 נהר פלגיו ישמחו עיר אלהים קדש משכני עליון׃

Adunay suba, ang mga tubod niini makahimo sa siyudad sa Dios nga malipayon, ang balaang dapit sa tabernakulo sa Labing Halangdon.

5 אלהים בקרבה בל תמוט יעזרה אלהים לפנות בקר׃

Ang Dios anaa sa iyang taliwala; dili siya matarog; ang Dios magtabang kaniya, ug himuon niya kini sayo sa kabuntagon.

6 המו גוים מטו ממלכות נתן בקולו תמוג ארץ׃

Ang mga nasod nagkaguliyang ug ang mga gingharian nauyog; gipatugbaw niya ang iyang tingog, ug ang kalibotan natunaw.

7 יהוה צבאות עמנו משגב לנו אלהי יעקב סלה׃

Si Yahweh nga pangulo sa kasudalohang anghel nagauban kanato; ang Dios ni Jacob mao ang atong dalangpanan. (Selah)

8 לכו חזו מפעלות יהוה אשר שם שמות בארץ׃

Dali, tan-awa ang nabuhat ni Yahweh, ang pagkaguba nga iyang nahimo sa kalibotan.

9 משבית מלחמות עד קצה הארץ קשת ישבר וקצץ חנית עגלות ישרף באש׃

Iyang gipahunong ang mga gubat hangtod sa kinatumyan sa kalibotan; iyang pangbalion ang pana ug putolputolon ang bangkaw; ug iyang sunogon ang mga taming.

10 הרפו ודעו כי אנכי אלהים ארום בגוים ארום בארץ׃

Paghilom ug sayri nga ako ang Dios; ituboy ako sa mga kanasoran; ituboy ako sa kalibotan.

11 יהוה צבאות עמנו משגב לנו אלהי יעקב סלה׃

Si Yahweh nga tinubdan nag-uban kanato; ang Dios ni Jacob mao ang atong dalangpanan. (Selah)