תהילים 41

1 למנצח מזמור לדוד אשרי משכיל אל דל ביום רעה ימלטהו יהוה׃

David ƒe ha na hɛnɔ la. Woayra ame si tsɔ ɖe le eme na ame dahewo, Yehowa aɖee le xaxaɣi.

2 יהוה ישמרהו ויחיהו יאשר בארץ ואל תתנהו בנפש איביו׃

Yehowa adzɔ eŋu, eye wòakpɔ eƒe agbe ta. Yehowa ayrae le anyigba dzi, eye matsɔe ade asi na eƒe futɔwo ƒe didi o.

3 יהוה יסעדנו על ערש דוי כל משכבו הפכת בחליו׃

Yehowa anɔ kplii le dɔba dzi, eye wòana lãmesesẽe, afɔe tso dɔba dzi.

4 אני אמרתי יהוה חנני רפאה נפשי כי חטאתי לך׃

Megblɔ be, “O! Yehowa, kpɔ nublanui nam, yɔ dɔm, elabena mewɔ nu vɔ̃ ɖe ŋuwò.”

5 אויבי יאמרו רע לי מתי ימות ואבד שמו׃

Nye futɔwo le gbɔgblɔm tso ŋunye fewuɖutɔe be, “Ɣe ka ɣi gɔ̃e wòle kuku ge ne eƒe ŋkɔ natsrɔ̃?”

6 ואם בא לראות שוא ידבר לבו יקבץ און לו יצא לחוץ ידבר׃

Ne ame aɖe ɖi tsa va be yeakpɔm ɖa la, edaa alakpa, eƒe dzi ƒoa ameŋugblẽnyawo nu ƒu, eye wòdoa go yina kakanɛ.

7 יחד עלי יתלחשו כל שנאי עלי יחשבו רעה לי׃

Nye futɔwo katã le dalĩ dom le ŋutinye, eye wole nu vɔ̃ɖiwo susum tso ŋutinye le gbɔgblɔm be,

8 דבר בליעל יצוק בו ואשר שכב לא יוסיף לקום׃

“Dɔléle vɔ̃ɖi aɖe dze edzi, magatso le afi si wòmlɔ la akpɔ gbeɖe o.”

9 גם איש שלומי אשר בטחתי בו אוכל לחמי הגדיל עלי עקב׃

Xɔ̃nye si tsi metoa nye kplii dome o, ame si dzi meka ɖo, eye wòɖua nu kplim la kɔ eƒe afɔkpodzi dzi ɖe ŋutinye.

10 ואתה יהוה חנני והקימני ואשלמה להם׃

O! Yehowa, ke wò ya kpɔ nye nublanui, kɔm ɖe dzi be maɖo teƒe na wo.

11 בזאת ידעתי כי חפצת בי כי לא יריע איבי עלי׃

Menya be èkpɔ ŋudzedze le ŋutinye, elabena nye ketɔ meɖu dzinye o.

12 ואני בתמי תמכת בי ותציבני לפניך לעולם׃

Le nye nuteƒewɔwɔ ta la, èlém ɖe asi, eye nètsɔm ɖo wò ŋkume tegbetegbe.

13 ברוך יהוה אלהי ישראל מהעולם ועד העולם אמן ואמן׃

Woakafu Yehowa, Israel ƒe Mawu la tso mavɔ me yi mavɔ me.