תהילים 38
| מזמור לדוד להזכיר יהוה אל בקצפך תוכיחני ובחמתך תיסרני׃ | 1 |
Yahweh, ayaw ako badlonga sa imong kasuko; ayaw ako siloti sa imong kapungot.
| כי חציך נחתו בי ותנחת עלי ידך׃ | 2 |
Kay ang imong mga pana mitusok kanako, ug ang imong mga kamot miduot pag-ayo kanako.
| אין מתם בבשרי מפני זעמך אין שלום בעצמי מפני חטאתי׃ | 3 |
Ang tibuok kung lawas nagsakit tungod sa imong kasuko; walay kaayohan sa akong mga bukog tungod sa akong sala.
| כי עונתי עברו ראשי כמשא כבד יכבדו ממני׃ | 4 |
Tungod kay mitabon kanako ang akong mga kasal-anan; ug palas-anon (sila) nga hilabihan kabug-at alang kanako.
| הבאישו נמקו חבורתי מפני אולתי׃ | 5 |
Nadaot ug nabaho na ang akong mga samad tungod sa akong buangbuang nga mga sala.
| נעויתי שחתי עד מאד כל היום קדר הלכתי׃ | 6 |
Nagtikuko ako ug gibiaybiay sa matag adlaw; halos tibuok adlaw ako magbangotan.
| כי כסלי מלאו נקלה ואין מתם בבשרי׃ | 7 |
Kay dinhi kanako, napuno ako sa kainit; walay kaayohan dinhi sa akong unod.
| נפוגותי ונדכיתי עד מאד שאגתי מנהמת לבי׃ | 8 |
Naminhod na ang akong lawas ug hilabihan na ang akong pagkadugmok; nag-agulo ako tungod sa pag-antos sa akong kasingkasing.
| אדני נגדך כל תאותי ואנחתי ממך לא נסתרה׃ | 9 |
Ginoo, nasabtan nimo ang gitinguha sa kinahiladman sa akong kasingkasing, ug ang akong mga pag-agulo wala matago gikan kanimo.
| לבי סחרחר עזבני כחי ואור עיני גם הם אין אתי׃ | 10 |
Ang akong kasingkasing nagbuto-buto, ang akong kusog nagkawala, ug mingitngit ang akong panan-aw.
| אהבי ורעי מנגד נגעי יעמדו וקרובי מרחק עמדו׃ | 11 |
Ang akong mga higala ug mga kauban naglikay kanako tungod sa akong kahimtang; ang akong mga silingan nagpalayo kanako.
| וינקשו מבקשי נפשי ודרשי רעתי דברו הוות ומרמות כל היום יהגו׃ | 12 |
Kadtong buot mopatay kanako naghimo ug lit-ag alang kanako. Kadtong nangandoy sa pagpasakit kanako nagsultig makadaot nga mga pulong, ug nagsultig mga malimbongong mga pulong sa tibuok adlaw.
| ואני כחרש לא אשמע וכאלם לא יפתח פיו׃ | 13 |
Apan ako, sama sa bungol nga tawo nga dili gayod makadungog; sama ako sa amang nga dili gayod makasulti.
| ואהי כאיש אשר לא שמע ואין בפיו תוכחות׃ | 14 |
Sama ako sa tawo nga dili makadungog ug dili makatubag.
| כי לך יהוה הוחלתי אתה תענה אדני אלהי׃ | 15 |
Magpaabot gayod ako sa imong tubag, Yahweh; Ginoo nga akong Dios.
| כי אמרתי פן ישמחו לי במוט רגלי עלי הגדילו׃ | 16 |
Gisulti ko kini aron ang akong mga kaaway dili magbiaybiay kanako. Kung ang akong mga tiil madakin-as, maghimo silag makalilisang nga mga butang kanako.
| כי אני לצלע נכון ומכאובי נגדי תמיד׃ | 17 |
Kay hapit ako madagma, ug anaa ako sa kanunayng kasakit.
| כי עוני אגיד אדאג מחטאתי׃ | 18 |
Isugid ko ang akong kalapasan; may pagtagad ako sa akong sala.
| ואיבי חיים עצמו ורבו שנאי שקר׃ | 19 |
Apan daghan kaayo ang akong mga kaaway; daghan kaayo kadtong sayop nga nagdumot kanako.
| ומשלמי רעה תחת טובה ישטנוני תחת רדופי טוב׃ | 20 |
Ilang gibalosan og daotan ang maayo nga akong gibuhat kanila; giduot nila kanako ang mga pasangil bisan og naningkamot ako sa pagbuhat og maayo.
| אל תעזבני יהוה אלהי אל תרחק ממני׃ | 21 |
Ayaw ako biyai, Yahweh; nga akong Dios, ayaw palayo kanako.
| חושה לעזרתי אדני תשועתי׃ | 22 |
Dalia ang pagtabang kanako, Ginoo, nga akong manluluwas.
