תהילים 30
| מזמור שיר חנכת הבית לדוד ארוממך יהוה כי דליתני ולא שמחת איבי לי׃ | 1 |
Yon Sòm; yon chan nan Dedikasyon Kay La; Yon Sòm David Mwen va leve Ou wo, O SENYÈ, paske Ou te leve mwen. Ou pa t kite lènmi m yo rejwi sou mwen.
| יהוה אלהי שועתי אליך ותרפאני׃ | 2 |
O SENYÈ, Bondye mwen an, mwen te kriye a Ou menm, e Ou te geri mwen.
| יהוה העלית מן שאול נפשי חייתני מיורדי בור׃ (Sheol h7585) | 3 |
O SENYÈ, Ou te fè nanm mwen monte kite sejou lanmò yo. Ou te kenbe m vivan, pou m pa t desann nan gwo fòs la. (Sheol h7585)
| זמרו ליהוה חסידיו והודו לזכר קדשו׃ | 4 |
Chante lwanj a SENYÈ a, nou menm ki fidèl Li yo. Bay remèsiman a sen non Li.
| כי רגע באפו חיים ברצונו בערב ילין בכי ולבקר רנה׃ | 5 |
Paske kòlè Li se sèlman pou yon moman, men Bonte Li se pou tout tan. Kriye a kapab dire pou nwit lan, men kri lajwa a vin parèt nan maten.
| ואני אמרתי בשלוי בל אמוט לעולם׃ | 6 |
Alò, pou mwen, mwen te di nan bon tan mwen, “Mwen p ap janm ebranle.”
| יהוה ברצונך העמדתה להררי עז הסתרת פניך הייתי נבהל׃ | 7 |
O SENYÈ, pa gras Ou, Ou te fè mòn mwen an kanpe fèm. Lè Ou te kache figi Ou, mwen te dekouraje nèt.
| אליך יהוה אקרא ואל אדני אתחנן׃ | 8 |
A Ou menm, SENYÈ, mwen te rele. A SENYÈ mwen an, mwen te fè siplikasyon mwen yo:
| מה בצע בדמי ברדתי אל שחת היודך עפר היגיד אמתך׃ | 9 |
“Ki benefis ki genyen nan san mwen si mwen desann nan gwo fòs la? Èske pousyè a kab louwe Ou? Èske li va deklare fidelite Ou?
| שמע יהוה וחנני יהוה היה עזר לי׃ | 10 |
Tande, O SENYÈ e fè m gras. O SENYÈ, ban m soutyen.”
| הפכת מספדי למחול לי פתחת שקי ותאזרני שמחה׃ | 11 |
Ou te chanje doulè mwen, e sa te fè m vin danse ak lajwa; Ou te demare rad twal sak mwen an, e te mare senti m avèk kè kontan.
| למען יזמרך כבוד ולא ידם יהוה אלהי לעולם אודך׃ | 12 |
Konsa, pou kè m kab chante lwanj Ou, e pa rete an silans. O SENYÈ, Bondye mwen an, mwen va bay Ou glwa pou tout tan, nèt.
