תהילים 3
| מזמור לדוד בברחו מפני אבשלום בנו יהוה מה רבו צרי רבים קמים עלי׃ | 1 |
Ang salmo ni David, sa pag-ikyas niya gikan ni Absalom ang iyang anak nga lalaki. O Yahweh, pagkadaghan sa akong mga kaaway! Daghan ang nakigbatok na kanako.
| רבים אמרים לנפשי אין ישועתה לו באלהים סלה׃ | 2 |
Daghan ang nagsulti mahitungod kanako, “Walay tabang alang kaniya gikan sa Dios.” (Sela)
| ואתה יהוה מגן בעדי כבודי ומרים ראשי׃ | 3 |
Apan ikaw, O Yahweh, mao ang taming nga naglibot kanako, ang akong himaya, ug ang nagpahangad sa akong ulo.
| קולי אל יהוה אקרא ויענני מהר קדשו סלה׃ | 4 |
Nagtuaw ako kang Yahweh, ug gitubag niya ako gikan sa iyang balaang bungtod. (Sela)
| אני שכבתי ואישנה הקיצותי כי יהוה יסמכני׃ | 5 |
Mihigda ako ug nakatulog; nakamata ako, kay si Yahweh nanalipod kanako.
| לא אירא מרבבות עם אשר סביב שתו עלי׃ | 6 |
Dili ako mahadlok sa daghang mga tawo nga nag-andam sa ilang kaugalingon sa pagpakigbatok kanako sa matag bahin.
| קומה יהוה הושיעני אלהי כי הכית את כל איבי לחי שני רשעים שברת׃ | 7 |
Barog, O Yahweh! Luwasa ako, akong Dios! Kay pagasagpaon mo ang tanan kong mga kaaway; pagapudpuron mo ang mga ngipon sa mga daotan.
| ליהוה הישועה על עמך ברכתך סלה׃ | 8 |
Ang kaluwasan naggikan kang Yahweh. Hinaot nga ang imong mga panalangin maanaa sa imong katawhan. (Sela)
