תהילים 26

1 לדוד שפטני יהוה כי אני בתמי הלכתי וביהוה בטחתי לא אמעד׃

Abụ Ọma Devid. Onyenwe anyị, biko kpepụta m, nʼihi na ebiela m ndụ zuruoke; atụkwasịrị m Onyenwe anyị obi, na-eleghị anya nʼazụ.

2 בחנני יהוה ונסני צרופה כליותי ולבי׃

Tulee m, O Onyenwe anyị, ma nwakwaa m, nyochaa obi m na echiche m.

3 כי חסדך לנגד עיני והתהלכתי באמתך׃

Nʼihi na ejirila m ịhụnanya gị mere ihe nlere anya nye onwe m. Ana m ejegharịkwa nʼime eziokwu gị.

4 לא ישבתי עם מתי שוא ועם נעלמים לא אבוא׃

Mụ na ndị na-aghọ aghụghọ adịghị enwe mmekọ ọbụla. Otu a kwa, nnwekọ ọbụla adịghịkwa nʼetiti mụ na ndị ihu abụọ.

5 שנאתי קהל מרעים ועם רשעים לא אשב׃

Akpọrọ m otu ndị na-emebi iwu asị. Mụ na ndị ajọ omume agaghị anọkọkwa.

6 ארחץ בנקיון כפי ואסבבה את מזבחך יהוה׃

Ana m asacha aka m abụọ nʼọnọdụ emeghị ihe ọjọọ, na-eje ozi nʼebe ịchụ aja gị ife gị ofufe, o Onyenwe anyị.

7 לשמע בקול תודה ולספר כל נפלאותיך׃

Ana m abụkwa abụ ekele, jiri iti mkpu na-ekwusa otuto gị, na ọrụ ebube gị niile.

8 יהוה אהבתי מעון ביתך ומקום משכן כבודך׃

O Onyenwe anyị, ahụrụ m ụlọ obibi gị nʼanya, ụlọ ahụ ebe ebube gị na-adịgide nʼime ya.

9 אל תאסף עם חטאים נפשי ועם אנשי דמים חיי׃

Ebibikọtala mụ na ndị mmehie, ewezugakọtala ndụ m na nke ndị na-awụfu ọbara,

10 אשר בידיהם זמה וימינם מלאה שחד׃

ndị aka ha jupụtara nʼatụmatụ ọjọọ, aka nri ha jupụtakwara na ngarị.

11 ואני בתמי אלך פדני וחנני׃

Ma mụ onwe m na-ebi ndụ zuruoke; gbapụta m ma meere m ebere.

12 רגלי עמדה במישור במקהלים אברך יהוה׃

Ụkwụ m na-eguzo nʼala dị larịị; aga m eto Onyenwe anyị nʼetiti ọha mmadụ.