תהילים 26
| לדוד שפטני יהוה כי אני בתמי הלכתי וביהוה בטחתי לא אמעד׃ | 1 |
De David. Juĝu min, ho Eternulo, ĉar mi iris en sincereco kaj la Eternulon mi fidis; Mi ne ŝanceliĝos.
| בחנני יהוה ונסני צרופה כליותי ולבי׃ | 2 |
Esploru min, ho Eternulo, kaj elprovu min; Refandu mian internaĵon kaj mian koron.
| כי חסדך לנגד עיני והתהלכתי באמתך׃ | 3 |
Ĉar Via favorkoreco estas antaŭ miaj okuloj; Kaj mi marŝas en Via vero.
| לא ישבתי עם מתי שוא ועם נעלמים לא אבוא׃ | 4 |
Mi ne sidas kun homoj malveremaj, Kaj kun falsemuloj mi ne iros.
| שנאתי קהל מרעים ועם רשעים לא אשב׃ | 5 |
Mi malamas societon de malbonfarantoj, Kaj kun malpiuloj mi ne sidos.
| ארחץ בנקיון כפי ואסבבה את מזבחך יהוה׃ | 6 |
Mi lavas miajn manojn per senkulpeco; Kaj mi moviĝas ĉirkaŭ Via altaro, ho Eternulo,
| לשמע בקול תודה ולספר כל נפלאותיך׃ | 7 |
Por aŭdigi laŭte gloradon Kaj famigi ĉiujn Viajn miraklojn.
| יהוה אהבתי מעון ביתך ומקום משכן כבודך׃ | 8 |
Ho Eternulo, mi amas la ejon de Via domo, Kaj la lokon, en kiu loĝas Via gloro.
| אל תאסף עם חטאים נפשי ועם אנשי דמים חיי׃ | 9 |
Ne pereigu mian animon kune kun la pekuloj, Nek mian vivon kun la sangaviduloj,
| אשר בידיהם זמה וימינם מלאה שחד׃ | 10 |
En kies manoj estas krimo Kaj kies dekstra mano estas plena de subaĉetaj donacoj.
| ואני בתמי אלך פדני וחנני׃ | 11 |
Kaj mi iras en senkulpeco; Liberigu min kaj korfavoru min.
| רגלי עמדה במישור במקהלים אברך יהוה׃ | 12 |
Mia piedo staras sur ebena loko; En kunvenoj mi benos la Eternulon.
