תהילים 25
| לדוד אליך יהוה נפשי אשא׃ | 1 |
O Pakai, kahinkho hi nang kapetai.
| אלהי בך בטחתי אל אבושה אל יעלצו איבי לי׃ | 2 |
Nang katahsan e ka Pathen! Nei jumso hihbeh in, chule kalel na a hin ka melmate kichoisangsah hihbeh in.
| גם כל קויך לא יבשו יבשו הבוגדים ריקם׃ | 3 |
Nangma tahsan koimachan jumna ato loudiu ahi, amavang mijoulhep gojing honvang jumna ato diu ahi.
| דרכיך יהוה הודיעני ארחותיך למדני׃ | 4 |
O Pakai lamdih chu neihil in; kajuiding lampi chu neikomu peh in.
| הדריכני באמתך ולמדני כי אתה אלהי ישעי אותך קויתי כל היום׃ | 5 |
Nathutah chu neihil in hichea chun neipui in ajeh chu nangmahi eihuh hinga ka Pathen chu nahi. Nilhum kei keijin nanga hin kinepna kanei jinge.
| זכר רחמיך יהוה וחסדיך כי מעולם המה׃ | 6 |
O Pakai golui a patna neihin puinao nami khoto nale namingailutna longlou hingeldoh in.
| חטאות נעורי ופשעי אל תזכר כחסדך זכר לי אתה למען טובך יהוה׃ | 7 |
Kakhangdon lai a kachonset gitlou naho neigeldoh peh hih inlang nami ngailutna longlouva neipuina johchu galdoh in, ajeh chu nangma milungset them nahi, O Pakai.
| טוב וישר יהוה על כן יורה חטאים בדרך׃ | 8 |
Pakaihi apha ahin adih jengbou abol'e, aman lamdihlouvache hojeng jong lamdih akopeh jinge.
| ידרך ענוים במשפט וילמד ענוים דרכו׃ | 9 |
Aman mi kineosah hochu lamdih a apuijin ama dei lampi chu ahil jinge.
| כל ארחות יהוה חסד ואמת לנצרי בריתו ועדתיו׃ | 10 |
Pakai kitepna nitjing holeh ama deipeh dungjuija chonho chu ami ngailutna longlou leh akitahna in apuihoi jinge.
| למען שמך יהוה וסלחת לעוני כי רב הוא׃ | 11 |
Namin loupina dingin O Pakai, kachonsetna simjoulou neingai dam in.
| מי זה האיש ירא יהוה יורנו בדרך יבחר׃ | 12 |
Pakaiging ho chu koi ho hiuvam? Amaho chenading lampi chu Pakai in avetsah ding ahi.
| נפשו בטוב תלין וזרעו יירש ארץ׃ | 13 |
Amaho chu khangtou untin achateovin jong gamsung alodingu ahi.
| סוד יהוה ליראיו ובריתו להודיעם׃ | 14 |
Pakai hi ama gingjing tedinga golphapen ahin, Aman hitobang miho chu akitepna ahiljing e.
| עיני תמיד אל יהוה כי הוא יוציא מרשת רגלי׃ | 15 |
Kamit tenin Pakaichu avejingin, aman kagalmite thangkul a kon in eihuhdoh jinging e.
| פנה אלי וחנני כי יחיד ועני אני׃ | 16 |
Neihin ang-ngatnin lang neikho ton, ajeh chu keima kachangseh a lungthom haotah a uma kahi.
| צרות לבבי הרחיבו ממצוקותי הוציאני׃ | 17 |
Kaboi na ho akhoh se cheh un. Oh hichehoa konhin neihuhdoh in.
| ראה עניי ועמלי ושא לכל חטאותי׃ | 18 |
Kalung gimnahi neihet pehin chuleh kahah satna hohi neivet peh inlang kachonset naho ngaidam in.
| ראה אויבי כי רבו ושנאת חמס שנאוני׃ | 19 |
Ven galmi ijat mong mong kanei hitam chule amahohin ichangeiya eihotnu hitam!
| שמרה נפשי והצילני אל אבוש כי חסיתי בך׃ | 20 |
Neivengbit in! amaho akon hin kahinkho huhdoh in! nangma a kisel kahi neijumso hihbeh in.
| תם וישר יצרוני כי קויתיך׃ | 21 |
Kitah nale thenna in eivengbit hen ajeh chu nanga hin kakinepna aum jinge.
| פדה אלהים את ישראל מכל צרותיו׃ | 22 |
Vo Pathen Israelte hi aboi najouseu vakon in lhatdoh tan.
