תהילים 24

1 לדוד מזמור ליהוה הארץ ומלואה תבל וישבי בה׃

Ang salmo ni David. Ang kalibotan iya ni Yahweh, ug ang tanan niini, ang kalibotan, ug ang tanang nagpuyo niini.

2 כי הוא על ימים יסדה ועל נהרות יכוננה׃

Kay gitukod niya kini ibabaw sa kadagatan ug gipalig-on kini ibabaw sa kasapaan.

3 מי יעלה בהר יהוה ומי יקום במקום קדשו׃

Kinsa ba ang motungas sa bukid ni Yahweh? Kinsa ba ang mobarog sa iyang balaang dapit?

4 נקי כפים ובר לבב אשר לא נשא לשוא נפשי ולא נשבע למרמה׃

Siya nga adunay hinlo nga mga kamot ug putli nga kasingkasing; nga wala nagpasaka ug kabakakan, ug wala manumpa aron sa pagpanlimbong.

5 ישא ברכה מאת יהוה וצדקה מאלהי ישעו׃

Makadawat siya sa panalangin nga gikan kang Yahweh ug ang pagkamatarong gikan sa Dios sa iyang kaluwasan.

6 זה דור דרשו מבקשי פניך יעקב סלה׃

Ingon niini ang kaliwatan niadtong nangita kaniya, kadtong nagapangita sa panagway sa Dios ni Jacob. (Sela)

7 שאו שערים ראשיכם והנשאו פתחי עולם ויבוא מלך הכבוד׃

Ablihi ang mga ganghaan; ablihi ang walay kataposang mga pultahan, aron ang Hari sa himaya makasulod!

8 מי זה מלך הכבוד יהוה עזוז וגבור יהוה גבור מלחמה׃

Kinsa ba kining Hari sa himaya? Si Yahweh ang kusgan ug makagagahom; si Yahweh ang makagagahom sa panggubatan.

9 שאו שערים ראשיכם ושאו פתחי עולם ויבא מלך הכבוד׃

Ablihi ang mga ganghaan; ablihi ang walay kataposang mga pultahan, aron makasulod ang Hari sa himaya!

10 מי הוא זה מלך הכבוד יהוה צבאות הוא מלך הכבוד סלה׃

Kinsa ba kining Hari sa himaya? Si Yahweh sa panon, siya ang Hari sa himaya. (Sela)