תהילים 23

1 מזמור לדוד יהוה רעי לא אחסר׃

מזמור לדוד יהוה רעי לא אחסר

2 בנאות דשא ירביצני על מי מנחות ינהלני׃

בנאות דשא ירביצני על-מי מנחות ינהלני

3 נפשי ישובב ינחני במעגלי צדק למען שמו׃

נפשי ישובב ינחני במעגלי-צדק למען שמו

4 גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

גם כי-אלך בגיא צלמות לא-אירא רע-- כי-אתה עמדי שבטך ומשענתך המה ינחמני

5 תערך לפני שלחן נגד צררי דשנת בשמן ראשי כוסי רויה׃

תערך לפני שלחן-- נגד צררי דשנת בשמן ראשי כוסי רויה

6 אך טוב וחסד ירדפוני כל ימי חיי ושבתי בבית יהוה לארך ימים׃

אך טוב וחסד ירדפוני-- כל-ימי חיי ושבתי בבית-יהוה לארך ימים