תהילים 20

1 למנצח מזמור לדוד יענך יהוה ביום צרה ישגבך שם אלהי יעקב׃

Kwa mtsogoleri wa mayimbidwe. Salimo la Davide. Yehova akuyankhe pamene uli pa msautso; dzina la Mulungu wa Yakobo likuteteze.

2 ישלח עזרך מקדש ומציון יסעדך׃

Iye atumize thandizo kuchokera ku malo ake opatulika; akugwirizize kuchokera ku Ziyoni.

3 יזכר כל מנחתך ועולתך ידשנה סלה׃

Iye akumbukire nsembe zako zonse ndipo alandire nsembe zako zopsereza. (Sela)

4 יתן לך כלבבך וכל עצתך ימלא׃

Akupatse chokhumba cha mtima wako ndipo akuthandize kuti zonse wakonza zichitike.

5 נרננה בישועתך ובשם אלהינו נדגל ימלא יהוה כל משאלותיך׃

Ife tidzafuwula ndi chimwemwe pamene iwe wapambana ndipo tidzanyamula mbendera zathu mʼdzina la Mulungu wathu, Yehova ayankhe zopempha zako zonse.

6 עתה ידעתי כי הושיע יהוה משיחו יענהו משמי קדשו בגברות ישע ימינו׃

Tsopano ndadziwa kuti Yehova amapulumutsa wodzozedwa wake; Iye amamuyankha kuchokera kumwamba ku malo ake opatulika ndi mphamvu yopulumutsa ya dzanja lake lamanja.

7 אלה ברכב ואלה בסוסים ואנחנו בשם יהוה אלהינו נזכיר׃

Ena amadalira magaleta ndipo ena akavalo koma ife tidzadalira dzina la Yehova Mulungu wathu.

8 המה כרעו ונפלו ואנחנו קמנו ונתעודד׃

Iwo amagonjetsedwa ndi kugwa, koma ife timadzuka ndi kuyima chilili.

9 יהוה הושיעה המלך יעננו ביום קראנו׃

Inu Yehova, pulumutsani mfumu! Tiyankheni pamene tikuyitanani!