תהילים 15

1 מזמור לדוד יהוה מי יגור באהלך מי ישכן בהר קדשך׃

מזמור לדוד יהוה מי-יגור באהלך מי-ישכן בהר קדשך

2 הולך תמים ופעל צדק ודבר אמת בלבבו׃

הולך תמים ופעל צדק ודבר אמת בלבבו

3 לא רגל על לשנו לא עשה לרעהו רעה וחרפה לא נשא על קרבו׃

לא-רגל על-לשנו--לא-עשה לרעהו רעה וחרפה לא-נשא על-קרבו

4 נבזה בעיניו נמאס ואת יראי יהוה יכבד נשבע להרע ולא ימר׃

נבזה בעיניו נמאס-- ואת-יראי יהוה יכבד נשבע להרע ולא ימר

5 כספו לא נתן בנשך ושחד על נקי לא לקח עשה אלה לא ימוט לעולם׃

כספו לא-נתן בנשך-- ושחד על-נקי לא לקח עשה-אלה-- לא ימוט לעולם