תהילים 147
| הללו יה כי טוב זמרה אלהינו כי נעים נאוה תהלה׃ | 1 |
Whakamoemititia a Ihowa; he pai hoki te himene ki to tatou Atua: ahuareka rawa, ataahua tonu te whakamoemiti.
| בונה ירושלם יהוה נדחי ישראל יכנס׃ | 2 |
Ko Ihowa hei hanga i Hiruharama: mana hoki nga whati o Iharaira e kohikohi.
| הרפא לשבורי לב ומחבש לעצבותם׃ | 3 |
Ko ia hei rongoa i te hunga ngakau maru: mana e takai o ratou wahi mamae.
| מונה מספר לכוכבים לכלם שמות יקרא׃ | 4 |
E taua ana e ia nga whetu, te maha: e huaina ana hoki e ia o ratou ingoa katoa.
| גדול אדונינו ורב כח לתבונתו אין מספר׃ | 5 |
He nui to tatou Ariki, he nui hoki tona kaha: e kore e taea tona matauranga te whakaaro.
| מעודד ענוים יהוה משפיל רשעים עדי ארץ׃ | 6 |
Ko Ihowa te kaitautoko mo te hunga mahaki: ka turakina e ia te hunga kino ki te whenua.
| ענו ליהוה בתודה זמרו לאלהינו בכנור׃ | 7 |
Waiata, whakawhetai ki a Ihowa: himene i runga i te hapa ki to tatou Atua:
| המכסה שמים בעבים המכין לארץ מטר המצמיח הרים חציר׃ | 8 |
Ko ia nei te kaiuwhi i te rangi ki nga kapua, te kaihanga i te ua mo te whenua: e whakatupu ana ia i te tarutaru ki runga ki nga maunga.
| נותן לבהמה לחמה לבני ערב אשר יקראו׃ | 9 |
E homai ana e ia he kai ma te kirehe: ma nga pi raweni hoki ina tangi.
| לא בגבורת הסוס יחפץ לא בשוקי האיש ירצה׃ | 10 |
E kore ia e ahuareka ki te kaha o te hoiho: e kore ia e manako ki nga waewae o te tangata.
| רוצה יהוה את יראיו את המיחלים לחסדו׃ | 11 |
E manako ana a Ihowa ki te hunga e wehi ana i a ia, ki te hunga e tumanako ana ki tona aroha.
| שבחי ירושלם את יהוה הללי אלהיך ציון׃ | 12 |
Whakamoemititia a Ihowa, e Hiruharama: whakamoemititia tou Atua, e Hiona.
| כי חזק בריחי שעריך ברך בניך בקרבך׃ | 13 |
Nana nei hoki i whakakaha nga tutaki o ou tatau: manaakitia ana e ia au tamariki i roto i a koe.
| השם גבולך שלום חלב חטים ישביעך׃ | 14 |
Nana ano i mau ai te rongo i roto i ou rohe: nana koe i makona ai i te witi pai rawa.
| השלח אמרתו ארץ עד מהרה ירוץ דברו׃ | 15 |
E tukua ana e ia tana kupu ki te whenua: tere rawa te rere o tana kupu.
| הנתן שלג כצמר כפור כאפר יפזר׃ | 16 |
E homai ana e ia te hukarere ano he huruhuru hipi: e whakatitaritaria ana te haupapa ano he pungarehu.
| משליך קרחו כפתים לפני קרתו מי יעמד׃ | 17 |
Maka mai ana e ia tana hauhunga ano he maramara: ko wai e tu i mua i tana matao?
| ישלח דברו וימסם ישב רוחו יזלו מים׃ | 18 |
E tukua ana e ia tana kupu, a whakarewaina ana aua mea: ka meinga tana hau kia pupuhi, rere ana nga wai.
| מגיד דברו ליעקב חקיו ומשפטיו לישראל׃ | 19 |
E whakakitea ana e ia tana kupu ki a Hakopa; ana tikanga, me ana whakaritenga ki a Iharaira.
| לא עשה כן לכל גוי ומשפטים בל ידעום הללו יה׃ | 20 |
Kahore i pera tana hanga ki tetahi iwi; kihai ano ana whakaritenga i mohiotia e ratou. whakamoemititia a Ihowa.
