תהילים 136

1 הודו ליהוה כי טוב כי לעולם חסדו׃

O, pasalamati si Yahweh; kay maayo siya, kay ang iyang matinud-anon nga kasabotan molungtad hangtod sa kahangtoran.

2 הודו לאלהי האלהים כי לעולם חסדו׃

O, pasalamati ang Dios sa mga dios, kay ang iyang matinud-anon nga kasabotan molungtad hangtod sa kahangtoran.

3 הודו לאדני האדנים כי לעולם חסדו׃

O, pasalamati ang Ginoo sa mga ginoo, kay ang iyang matinud-anon nga kasabotan molungtad hangtod sa kahangtoran.

4 לעשה נפלאות גדלות לבדו כי לעולם חסדו׃

Pasalamati siya nga mao lamang ang makahimo sa dagkong mga kahibulongan, kay ang iyang matinud-anon nga kasabotan molungtad hangtod sa kahangtoran—

5 לעשה השמים בתבונה כי לעולם חסדו׃

ngadto kaniya nga pinaagi sa kaalam nahimo ang kalangitan, kay ang iyang matinud-anon nga kasabotan molungtad hangtod sa kahangtoran.

6 לרקע הארץ על המים כי לעולם חסדו׃

Pasalamati siya nga maoy nagpakuyanap sa yuta ngadto sa ibabaw sa katubigan, kay ang iyang matinud-anon nga kasabotan molungtad hangtod sa kahangtoran—

7 לעשה אורים גדלים כי לעולם חסדו׃

kaniya nga naghimo sa dagkong mga kahayag, kay ang iyang matinud-anon nga kasabotan molungtad hangtod sa kahangtoran.

8 את השמש לממשלת ביום כי לעולם חסדו׃

Pasalamati siya nga naghatag sa adlaw nga maoy magmando panahon sa adlaw, kay ang iyang matinud-anon nga kasabotan molungtad hangtod sa kahangtoran —

9 את הירח וכוכבים לממשלות בלילה כי לעולם חסדו׃

ang bulan ug ang kabituonan nga maoy magmando panahon sa kagabhion, kay ang iyang matinud-anon nga kasabotan molungtad hangtod sa kahangtoran.

10 למכה מצרים בבכוריהם כי לעולם חסדו׃

Pasalamati siya nga nagpatay sa kinamagulangan nga anak sa Ehipto, kay ang iyang matinud-anon nga kasabotan molungtad hangtod sa kahangtoran—

11 ויוצא ישראל מתוכם כי לעולם חסדו׃

ug nagpagawas sa Israel gikan sa ilang taliwala, kay ang iyang matinud-anon nga kasabotan molungtad hangtod sa kahangtoran—

12 ביד חזקה ובזרוע נטויה כי לעולם חסדו׃

inubanan sa kusgan nga kamot ug gipataas nga bukton, kay ang iyang matinud-anon nga kasabotan molungtad hangtod sa kahangtoran.

13 לגזר ים סוף לגזרים כי לעולם חסדו׃

Pasalamati siya nga nagtunga sa Dagat nga Kabugangan, kay ang iyang matinud-anon nga kasabotan molungtad hangtod sa kahangtoran—

14 והעביר ישראל בתוכו כי לעולם חסדו׃

ug gipalabang ang Israel sa tunga-tunga niini, kay ang iyang matinud-anon nga kasabotan molungtad hangtod sa kahangtoran—

15 ונער פרעה וחילו בים סוף כי לעולם חסדו׃

apan naglaglag kang Paraon ug sa iyang mga kasundalohan didto sa Dagat nga Kabugangan, kay ang iyang matinud-anon nga kasabotan molungtad hangtod sa kahangtoran.

16 למוליך עמו במדבר כי לעולם חסדו׃

Pasalamati siya nga nangulo sa iyang katawhan latas sa kamingawan, kay ang iyang matinud-anon nga kasabotan molungtad hangtod sa kahangtoran—

17 למכה מלכים גדלים כי לעולם חסדו׃

kaniya nga nagpatay sa mga bantogang hari, kay ang iyang matinud-anon nga kasabotan molungtad hangtod sa kahangtoran.

18 ויהרג מלכים אדירים כי לעולם חסדו׃

Pasalamati siya nga nagpatay sa inila nga mga hari, kay ang iyang matinud-anon nga kasabotan molungtad hangtod sa kahangtoran—

19 לסיחון מלך האמרי כי לעולם חסדו׃

si Sihon nga hari sa Amorihanon, kay ang iyang matinud-anon nga kasabotan molungtad hangtod sa kahangtoran—

20 ולעוג מלך הבשן כי לעולם חסדו׃

ug si Og nga hari sa Basan, kay ang iyang matinud-anon nga kasabotan molungtad hangtod sa kahangtoran.

21 ונתן ארצם לנחלה כי לעולם חסדו׃

Pasalamati siya nga naghatag sa ilang yuta ingon nga panulundon, kay ang iyang matinud-anon nga kasabotan molungtad hangtod sa kahangtoran—

22 נחלה לישראל עבדו כי לעולם חסדו׃

panulondon sa Israel nga iyang sulugoon, kay ang iyang matinud-anon nga kasabotan molungtad hangtod sa kahangtoran—

23 שבשפלנו זכר לנו כי לעולם חסדו׃

ngadto kaniya nga nakahinumdom kanato ug nagtabang kanato sa atong kaulawan, kay ang iyang matinud-anon nga kasabotan molungtad hangtod sa kahangtoran.

24 ויפרקנו מצרינו כי לעולם חסדו׃

Pasalamati siya nga naghatag kanato ug kadaogan batok sa atong mga kaaway, kay ang iyang matinud-anon nga kasabotan molungtad hangtod sa kahangtoran—

25 נתן לחם לכל בשר כי לעולם חסדו׃

nga naghatag ug pagkaon sa tanang buhing binuhat, kay ang iyang matinud-anon nga kasabotan molungtad hangtod sa kahangtoran.

26 הודו לאל השמים כי לעולם חסדו׃

O, pasalamati ang Dios sa langit, kay ang iyang matinud-anon nga kasabotan molungtad hangtod sa kahangtoran.