תהילים 129

1 שיר המעלות רבת צררוני מנעורי יאמר נא ישראל׃

שיר המעלות רבת צררוני מנעורי-- יאמר-נא ישראל

2 רבת צררוני מנעורי גם לא יכלו לי׃

רבת צררוני מנעורי גם לא-יכלו לי

3 על גבי חרשו חרשים האריכו למענותם׃

על-גבי חרשו חרשים האריכו למענותם (למעניתם)

4 יהוה צדיק קצץ עבות רשעים׃

יהוה צדיק קצץ עבות רשעים

5 יבשו ויסגו אחור כל שנאי ציון׃

יבשו ויסגו אחור-- כל שנאי ציון

6 יהיו כחציר גגות שקדמת שלף יבש׃

יהיו כחציר גגות-- שקדמת שלף יבש

7 שלא מלא כפו קוצר וחצנו מעמר׃

שלא מלא כפו קוצר וחצנו מעמר

8 ולא אמרו העברים ברכת יהוה אליכם ברכנו אתכם בשם יהוה׃

ולא אמרו העברים-- ברכת-יהוה אליכם ברכנו אתכם בשם יהוה