תהילים 109

1 למנצח לדוד מזמור אלהי תהלתי אל תחרש׃

E KE Akua a'u i halelu ai, mai hookuli mai oe;

2 כי פי רשע ופי מרמה עלי פתחו דברו אתי לשון שקר׃

No ka mea, o ka waha o ka mea hewa, A me ka waha wahahee, ua hamama mai laua e ku e ia'u; Ua olelo ku e mai lakou ia'u, me ke elelo wahahee.

3 ודברי שנאה סבבוני וילחמוני חנם׃

Hoopuni mai lakou ia'u i na olelo huhu; A hakaka mai lakou ia'u me ka hala ole o'u.

4 תחת אהבתי ישטנוני ואני תפלה׃

No ko'u aloha enemi mai lakou ia'u; E pule aku no nae au.

5 וישימו עלי רעה תחת טובה ושנאה תחת אהבתי׃

Hookau mai lakou i ka hewa maluna o'u no ka maikai, A me ka inaina no ko'u aloha.

6 הפקד עליו רשע ושטן יעמד על ימינו׃

E hoonoho oe i ka mea hewa maluna ona; A e hooku mai ia Satana ma kona lima akau.

7 בהשפטו יצא רשע ותפלתו תהיה לחטאה׃

Ia ia e hookolokoloia'i, E puka mai no kona hewa, A e lilo no kana pule i mea e hewa'i.

8 יהיו ימיו מעטים פקדתו יקח אחר׃

E uuku no kona mau la, E lawe hoi kekahi i kana oihana.

9 יהיו בניו יתומים ואשתו אלמנה׃

E makua ole auanei kana poe keiki, A e lilo auanei kana wahine i wahinekanemake.

10 ונוע ינועו בניו ושאלו ודרשו מחרבותיהם׃

E kuewa, e kuewa wale aku no kana poe keiki, a e nonoi wale; E imi wale lakou ma ko lakou wahi neoneo.

11 ינקש נושה לכל אשר לו ויבזו זרים יגיעו׃

Na ka makee waiwai e kaili wale i kana mau mea a pau, A na na malihini e hao wale i kona waiwai.

12 אל יהי לו משך חסד ואל יהי חונן ליתומיו׃

Aohe mea nana e hoomau i ka lokomaikai ia ia; Aohe hoi mea aloha i kana mau huahaule.

13 יהי אחריתו להכרית בדור אחר ימח שמם׃

E hookiia kana poe mamo; A ia hanauna aku e holoiia ko lakou inoa.

14 יזכר עון אבתיו אל יהוה וחטאת אמו אל תמח׃

E hoomanaoia ka hewa o kona poe kupuna imua o Iehova; Aole hoi e kalaia na hewa o kona makuwahine.

15 יהיו נגד יהוה תמיד ויכרת מארץ זכרם׃

E mau loa ana no lakou imua o Iehova; I hookiia ka manao ana ia lakou mai ka honua aku.

16 יען אשר לא זכר עשות חסד וירדף איש עני ואביון ונכאה לבב למותת׃

No ka mea, aole ia i hoomanao e hana i ka lokomaikai, A hoomaau oia i ke kanaka nele, a ilihune hoi, I pepehi oia i ka mea naau ehaeha.

17 ויאהב קללה ותבואהו ולא חפץ בברכה ותרחק ממנו׃

Me ia i makemake ai i ka hailiili, pela no e hiki mai ai ia maluna ona; Me ia i makemake ole ai i ka hoomaikai, e mamao loa ia mai ona aku.

18 וילבש קללה כמדו ותבא כמים בקרבו וכשמן בעצמותיו׃

Kahiko no oia ia ia iho i ka hailiili me he kapa la, E komo no hoi ia iloko o kona opu me he wai la, A e like hoi me ka aila iloko o kona mau iwi.

19 תהי לו כבגד יעטה ולמזח תמיד יחגרה׃

A e like no auanei ia me he kapa la ia ia, A me ke kaei hoi ana e kaei mau ai.

20 זאת פעלת שטני מאת יהוה והדברים רע על נפשי׃

O keia no ka uku o ko'u poe enemi mai o Iehova mai, A me ko ka poe hoi e olelo ino mai i ko'u uhane.

21 ואתה יהוה אדני עשה אתי למען שמך כי טוב חסדך הצילני׃

Aka, e hana mai oe mamuli o'u, e Iehova ka Haku, no kou inoa iho: No ka mea, ua maikai kou lokomaikai, e hoopakele mai ia'u.

22 כי עני ואביון אנכי ולבי חלל בקרבי׃

No ka mea, ua nele, a ua ilihune hoi au, A ua houia ko'u naau iloko ou.

23 כצל כנטותו נהלכתי ננערתי כארבה׃

Ua hele aku au e like me ke aka i kona auwi ana, Ua kuehuehuia au me he uhini la.

24 ברכי כשלו מצום ובשרי כחש משמן׃

Kulanalana ko'u mau kuli no ka hookeai, A hookii no hoi ko'u kino ma ke kelekele.

25 ואני הייתי חרפה להם יראוני יניעון ראשם׃

Ua lilo wau i mea hoomaewaewa no lakou; Nana mai lakou ia'u, a kunokunou i ko lakou poo.

26 עזרני יהוה אלהי הושיעני כחסדך׃

E kokua mai oe ia'u, e Iehova, ko'u Akua; E hoola mai oe ia'u e like me kou lokomaikai ana.

27 וידעו כי ידך זאת אתה יהוה עשיתה׃

I ike mai hoi lakou, o kou lima keia; O oe hoi e Iehova, ka mea nana i hana ia mea.

28 יקללו המה ואתה תברך קמו ויבשו ועבדך ישמח׃

Na lakou e hailiili mai, aka, e hoomaikai mai oe, A ku mai lakou iluna, e hoohilahilaia lakou; Aka, e hoohauoli mai oe i kau kauwa.

29 ילבשו שוטני כלמה ויעטו כמעיל בשתם׃

E kahikoia ko'u poe enemi i ka hoopalaimaka, A e uhi no lakou ia lakou iho i ka hilahila me he holoku la.

30 אודה יהוה מאד בפי ובתוך רבים אהללנו׃

E mililani nui aka au ia Iehova, ma ko'u waha; A e halelu aku ia ia mawaena o ka lehulehu.

31 כי יעמד לימין אביון להושיע משפטי נפשו׃

No ka mea, e ku mai auanei oia ma ka lima akau o ka mea hune, E hoopakele i kona uhane mai ka poe hoohewa ia ia.