תהילים 106
| הללויה הודו ליהוה כי טוב כי לעולם חסדו׃ | 1 |
ALABA jamyo si Jeova. O nae grasias si Jeova; sa güiya mauleg: sa y minaaseña gagaegueja para taejinecog.
| מי ימלל גבורות יהוה ישמיע כל תהלתו׃ | 2 |
Jaye siña sumangan y gaesisiñan y checho Jeova? pot mamanue todo ni y alabansaña?
| אשרי שמרי משפט עשה צדקה בכל עת׃ | 3 |
Dichoso ayo sija y umadadaje y juisio, yan ayo y fumatitinas y tininas todo y tiempo.
| זכרני יהוה ברצון עמך פקדני בישועתך׃ | 4 |
Jasoyo, O Jeova, nu y finaborese ni y unnae y taotaomo; O bisitayo nu y satbasionmo;
| לראות בטובת בחיריך לשמח בשמחת גויך להתהלל עם נחלתך׃ | 5 |
Para jusiña lumie y minauleg gui inayegmo, para jusiña mumagof gui minagof y nasionmo, para jusiña mumalag gui erensiamo.
| חטאנו עם אבותינו העוינו הרשענו׃ | 6 |
Guinin manisaojam yan y tatanmame, infatinas y tinaelaye yan inchegüe y inechong.
| אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃ | 7 |
Y tatanmame ti jatungo y ninamanmanmo guiya Egipto; ti jajaso y manadan y minaasemo; lao manmanembeste gui tase, junggan gui Tasen Agaga.
| ויושיעם למען שמו להודיע את גבורתו׃ | 8 |
Lao jasatbaja sija pot y naanña, para usiña janamatungo y dangculon y ninasiñaña.
| ויגער בים סוף ויחרב ויוליכם בתהמות כמדבר׃ | 9 |
Jalalatde y Tasen Agaga locue yan janaanglo: lao jaesgaejon sija inanaco y todo gui tinadong, taegüije todo inanaco y desierto.
| ויושיעם מיד שונא ויגאלם מיד אויב׃ | 10 |
Yan janafanlibre sija guinin y canae ayo y chumatlie sija, yan jarescata sija guinin y canae y enimigo.
| ויכסו מים צריהם אחד מהם לא נותר׃ | 11 |
Yan y janom sija tumampe y contrarioñija: ya taya ni uno guiya sija sebla.
| ויאמינו בדבריו ישירו תהלתו׃ | 12 |
Ayo nae jajonggue y sinanganña sija; jacanta y tininaña.
| מהרו שכחו מעשיו לא חכו לעצתו׃ | 13 |
Ya guse manmalefa ni y chechoña: ti janangga y pinagatña:
| ויתאוו תאוה במדבר וינסו אל בישימון׃ | 14 |
Lao manmalago megae gui jalomtano, yan matienta si Yuus gui desierto.
| ויתן להם שאלתם וישלח רזון בנפשם׃ | 15 |
Ya güiya numae sija ni y guinagaoñija; lao janamanae ni y minasogsog gui jalom y anteñija.
| ויקנאו למשה במחנה לאהרן קדוש יהוה׃ | 16 |
Ya manmanugo as Moises gui fangualuan; yan si Aaron ni y santos Jeova.
| תפתח ארץ ותבלע דתן ותכס על עדת אבירם׃ | 17 |
Y tano mababa ya pinañot si Datan, yan mantinampe y mangachong Abirom.
| ותבער אש בעדתם להבה תלהט רשעים׃ | 18 |
Yan y guafe manafañila gui mangachongñija; ya y mañila sumonggue y manaelaye.
| יעשו עגל בחרב וישתחוו למסכה׃ | 19 |
Ya manmamatinas tatnero guiya Horeb, yan maadora y diniriten y imagen.
| וימירו את כבודם בתבנית שור אכל עשב׃ | 20 |
Taegüije, jatulaeca y minalagñija para nu jechuran guaca ni y chumochocho chaguan.
| שכחו אל מושיעם עשה גדלות במצרים׃ | 21 |
Manmalefa as Yuus ni y satbadotñija, ni y fumatinas y mandangculo na güinaja guiya Egipto;
| נפלאות בארץ חם נוראות על ים סוף׃ | 22 |
Mannamanman na checho gui tano Cam, yan mannamaañao na güinaja gui Tasen Agaga.
| ויאמר להשמידם לולי משה בחירו עמד בפרץ לפניו להשיב חמתו מהשחית׃ | 23 |
Enao mina ilegña güiya, na uyunilang sija, yaguin ti si Moises ni y inayegña ti tumogue gui menaña gui finapetta, para ubira y binibuña para chaña yumuyulang sija.
| וימאסו בארץ חמדה לא האמינו לדברו׃ | 24 |
Magajet na jachatlie y güaeyayon na tano, ya ti jajonggue y finoña.
| וירגנו באהליהם לא שמעו בקול יהוה׃ | 25 |
Lao mangonggong gui sa tiendañíja; ya ti jaecungog y inagang Jeova.
| וישא ידו להם להפיל אותם במדבר׃ | 26 |
Enao mina jajatsa y canaeña contra sija; para uyute sija gui jalom y desierto:
| ולהפיל זרעם בגוים ולזרותם בארצות׃ | 27 |
Para uyute y semiyañija locue gui nasion sija, yan para uchalapon sija gui jalom y tano sija.
| ויצמדו לבעל פעור ויאכלו זבחי מתים׃ | 28 |
Ya mandaña sija gui Baal-peor; ya jacano y inefresen y manmatae.
| ויכעיסו במעלליהם ותפרץ בם מגפה׃ | 29 |
Taegüine sija mannalalalo güe nu y chechoñija: ya derepente mato gui jiloñija sija chetnot.
| ויעמד פינחס ויפלל ותעצר המגפה׃ | 30 |
Ya janatojgue julo si Finees, ya jafatinas y juisio: ya y chetnot pumara.
| ותחשב לו לצדקה לדר ודר עד עולם׃ | 31 |
Yan ayo nae jatufong iya güiya y tininas, gui todo y generasion sija para taejinecog.
| ויקציפו על מי מריבה וירע למשה בעבורם׃ | 32 |
Ya sija mannalalalo güe locue gui janom guiya Meriba: ya jumuyong daño para si Moises pot causañija.
| כי המרו את רוחו ויבטא בשפתיו׃ | 33 |
Sa sija chumoma y espirituña; sa jasangan sin jinaso pot labiosña.
| לא השמידו את העמים אשר אמר יהוה להם׃ | 34 |
Ya ti jayulang y nasion sija, taegüije si Jeova ni y mantinago sija.
| ויתערבו בגוים וילמדו מעשיהם׃ | 35 |
Lao mandaña sija yan y nasion sija, yan jaeyag y chechoñija:
| ויעבדו את עצביהם ויהיו להם למוקש׃ | 36 |
Yan jasetbe y idolosñija: jumuyong un laso para sija.
| ויזבחו את בניהם ואת בנותיהם לשדים׃ | 37 |
Magajet na jaofrese y lajeñija yan y jagañija gui anite,
| וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃ | 38 |
Yan jachuda y jâgâ y manaeisao, magajet na y jâgâ y lajeñija yan y jagañija ni jaofrese gui idolos guiya Cananea: yan y tano ni y ninaáplacha ni y jâgâ.
| ויטמאו במעשיהם ויזנו במעלליהם׃ | 39 |
Ya taegüije munafanáplacha pot y chechoñijaja, yan ninafanábale ni y finatinasñija.
| ויחר אף יהוה בעמו ויתעב את נחלתו׃ | 40 |
Enao mina y binibon Jeova sinenggue contra y taotaoña, ya jaguefchatlie y erensiañija.
| ויתנם ביד גוים וימשלו בהם שנאיהם׃ | 41 |
Ya janae nu sija gui canae y nasion sija; yan ayo y chumatlie sija janafanmagas gui jiloñija.
| וילחצום אויביהם ויכנעו תחת ידם׃ | 42 |
Ya y enimigoñija locue chumiguet sija, yan sija chumule asta y jalom inesgue gui papa y canaeñija.
| פעמים רבות יצילם והמה ימרו בעצתם וימכו בעונם׃ | 43 |
Megae na biaje nae janafanlibre sija; lao sija maembeste güe ni y pinagatñija, yan manmachile papa gui tatpapa ni y tinaelayeñija.
| וירא בצר להם בשמעו את רנתם׃ | 44 |
Lao jaatan y pinitiñija, anae jajungog y inagangñija.
| ויזכר להם בריתו וינחם כרב חסדו׃ | 45 |
Ya jajaso para sija y tratuña, yan ninafanmañotsot según y minegae y minaaseña.
| ויתן אותם לרחמים לפני כל שוביהם׃ | 46 |
Janafangaease locue ni ayo y cumone sija preso.
| הושיענו יהוה אלהינו וקבצנו מן הגוים להדות לשם קדשך להשתבח בתהלתך׃ | 47 |
Nafanlibrejam, O Jeova, Yuusmame, yan nafandañajam gui entalo y nasion sija, para unae grasias y santos na naanmo, yan ufangana gui alabansamo.
| ברוך יהוה אלהי ישראל מן העולם ועד העולם ואמר כל העם אמן הללו יה׃ | 48 |
Bendito si Jeova ni Yuus Israel guinin y taejinecog para y taejinecog. Polo ya todo taotao ilegñija. Amen. Alaba jamyo si Jeova.
