תהילים 102

1 תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃

Wee Jehova, igua ihooya rĩakwa; reke gũkaya gwakwa ngĩhooya ũteithio gũgũkinyĩre.

2 אל תסתר פניך ממני ביום צר לי הטה אלי אזנך ביום אקרא מהר ענני׃

Tiga kũũhitha ũthiũ waku rĩrĩa ndĩ mĩnyamaro-inĩ. Inamĩrĩria gũtũ gwaku ũnjigue; ndagũkaĩra, njĩtĩka o narua.

3 כי כלו בעשן ימי ועצמותי כמו קד נחרו׃

Nĩgũkorwo matukũ makwa marathira o ta ũrĩa ndogo ĩthiraga; namo mahĩndĩ makwa maraakana o ta gĩcinga.

4 הוכה כעשב ויבש לבי כי שכחתי מאכל לחמי׃

Ngoro yakwa ĩringĩkĩte na ĩkahooha o ta nyeki; ndiganĩirwo o na nĩ kũrĩa irio.

5 מקול אנחתי דבקה עצמי לבשרי׃

Tondũ wa ũrĩa ndĩracaaya nyanĩrĩire, hĩnjĩte ngatigara o gĩkonde na mahĩndĩ.

6 דמיתי לקאת מדבר הייתי ככוס חרבות׃

Haana ta ndundu ya werũ-inĩ, ngahaana ta ndundu ĩrĩa ĩikaraga kũrĩa kwanangĩku.

7 שקדתי ואהיה כצפור בודד על גג׃

Ndaaraga itarĩ toro; haanĩte ta nyoni ĩrĩ o iiki nyũmba igũrũ.

8 כל היום חרפוני אויבי מהוללי בי נשבעו׃

Mũthenya wothe thũ ciakwa itindaga igĩĩthirĩkia; acio maanyũrũragia mahũthagĩra rĩĩtwa rĩakwa taarĩ kĩrumi.

9 כי אפר כלחם אכלתי ושקוי בבכי מסכתי׃

Nĩgũkorwo ndĩĩaga mũhu taarĩ irio ciakwa, na kĩrĩa nyuuaga ngagĩtukania na maithori,

10 מפני זעמך וקצפך כי נשאתני ותשליכני׃

tondũ wa mangʼũrĩ maku manene, ũnjoete na igũrũ ũkanjikia mwena-inĩ.

11 ימי כצל נטוי ואני כעשב איבש׃

Matukũ makwa mahaana o ta kĩĩruru kĩa hwaĩ-inĩ; hoohaga ta nyeki.

12 ואתה יהוה לעולם תשב וזכרך לדר ודר׃

No rĩrĩ, Wee Jehova ũgũtũũra ũikarĩire gĩtĩ kĩa ũnene nginya tene na tene; ngumo yaku ĩgũtũũra njiarwa na njiarwa.

13 אתה תקום תרחם ציון כי עת לחננה כי בא מועד׃

Wee nĩũkwarahũka ũiguĩre itũũra rĩa Zayuni tha, nĩgũkorwo ihinda rĩa kũrĩĩka wega nĩ ikinyu; ihinda rĩrĩa rĩathĩrĩre nĩ ikinyu.

14 כי רצו עבדיך את אבניה ואת עפרה יחננו׃

Nĩgũkorwo mahiga makuo nĩmakenagĩrwo nĩ ndungata ciaku; o na rũkũngũ rwakuo nĩrũtũmaga iringwo nĩ tha.

15 וייראו גוים את שם יהוה וכל מלכי הארץ את כבודך׃

Ndũrĩrĩ nĩigeetigĩra rĩĩtwa rĩa Jehova, athamaki othe a thĩ mekĩrĩre riiri waku.

16 כי בנה יהוה ציון נראה בכבודו׃

Nĩgũkorwo Jehova nĩagaaka itũũra rĩa Zayuni rĩngĩ, na eyumĩrie arĩ na riiri wake.

17 פנה אל תפלת הערער ולא בזה את תפלתם׃

Nĩakaigua mahooya ma andũ arĩa aagi; ndakanyarara mahooya mao.

18 תכתב זאת לדור אחרון ועם נברא יהלל יה׃

Ũhoro ũyũ nĩwandĩkwo nĩ ũndũ wa rũciaro rũrĩa rũgooka, nĩguo andũ arĩa mataciarĩtwo makaagooca Jehova:

19 כי השקיף ממרום קדשו יהוה משמים אל ארץ הביט׃

“Jehova nĩacũthĩrĩirie thĩ arĩ harĩa hake haamũre kũu igũrũ; arĩ kũu igũrũ Jehova nĩkũrora aarorire thĩ,

20 לשמע אנקת אסיר לפתח בני תמותה׃

nĩguo aigue gũcaaya kwa arĩa moheetwo, na ohorithie arĩa maatuĩrĩirwo gũkua.”

21 לספר בציון שם יהוה ותהלתו בירושלם׃

Nĩ ũndũ ũcio rĩĩtwa rĩa Jehova nĩrĩkoimbũrwo kũu Zayuni, na nĩakagoocwo kũu Jerusalemu

22 בהקבץ עמים יחדו וממלכות לעבד את יהוה׃

rĩrĩa andũ a ndũrĩrĩ na mothamaki makoongana, mathathaiye Jehova.

23 ענה בדרך כחו קצר ימי׃

Hĩndĩ ya mũtũũrĩre wakwa nĩanyiihirie hinya wakwa; nĩakuhĩhirie matukũ makwa.

24 אמר אלי אל תעלני בחצי ימי בדור דורים שנותיך׃

Nĩ ũndũ ũcio ngĩkiuga atĩrĩ: “Wee Ngai wakwa, ndũkanjũrage o rĩrĩa ndaiganĩria matukũ makwa; wee-rĩ, mĩaka yaku ĩthiiaga o na mbere nginya njiarwa na njiarwa.

25 לפנים הארץ יסדת ומעשה ידיך שמים׃

O kĩambĩrĩria-inĩ, nĩwaarire mĩthingi ya thĩ, o narĩo igũrũ nĩ wĩra wa moko maku.

26 המה יאבדו ואתה תעמד וכלם כבגד יבלו כלבוש תחליפם ויחלפו׃

Icio nĩgũthira igaathira, no wee nĩgũtũũra ũgaatũũra; igaakũra o ta nguo, ithire. Ũgaacigarũrĩra ta nguo, icooke iteeo.

27 ואתה הוא ושנותיך לא יתמו׃

No Wee ndũgarũrũkaga, nayo mĩaka yaku ndĩrĩ mũthia.

28 בני עבדיך ישכונו וזרעם לפניך יכון׃

Ciana cia ndungata ciaku igaatũũra na thayũ mbere yaku; nacio njiaro ciacio cigaikara irũmĩte irĩ mbere yaku.”