מִשְׁלֵי 31
| דברי למואל מלך משא אשר יסרתו אמו׃ | 1 |
Төвәндикиләр, падиша Ләмуәлгә униң аниси арқилиқ вәһий билән кәлгән сөзләрдур; аниси бу сөзләрни униңға үгәткән:
| מה ברי ומה בר בטני ומה בר נדרי׃ | 2 |
И оғлум, и мениң амриғим, қәсәмләр билән тилигән арзулуғум, мән саңа немә дәй?
| אל תתן לנשים חילך ודרכיך למחות מלכין׃ | 3 |
Күч-қуввитиңни аял-хотунлар тәрипигә сәрп қилмиғин; Яки падишаларниму вәйран қилидиған ишларға берилгүчи болма!
| אל למלכים למואל אל למלכים שתו יין ולרוזנים או שכר׃ | 4 |
И Ләмуәл, шарап ичиш падишаларға лайиқ әмәс, Әмирләргиму һараққа хумар болуш ярашмас.
| פן ישתה וישכח מחקק וישנה דין כל בני עני׃ | 5 |
Болмиса улар шарап ичип, [муқәддәс] бәлгүлимиләрни унтуп, Бозәк бәндиләрниң һәққини астин-үстүн қиливетиши мүмкин.
| תנו שכר לאובד ויין למרי נפש׃ | 6 |
Күчлүк һарақ өлгүси кәлгәнләргә, һәсрәткә чөмгәнләргә берилсун!
| ישתה וישכח רישו ועמלו לא יזכר עוד׃ | 7 |
Улар шарапни ичип, мискинлигини унтуп, Қайтидин дәрд-әлимини есигә кәлтүрмисун!
| פתח פיך לאלם אל דין כל בני חלוף׃ | 8 |
Өзлири үчүн гәп қилалмайдиғанларға ағзиңни ачқин, Һалак болай дегәнләрниң дәвасидә гәп қил.
| פתח פיך שפט צדק ודין עני ואביון׃ | 9 |
Сүкүт қилма, улар үчүн лилла һөкүм қил, Езилгәнләрниң вә мискинләрниң дәрдигә дәрман бол.
| אשת חיל מי ימצא ורחק מפנינים מכרה׃ | 10 |
Пәзиләтлик аялни ким тапалайду? Униң қиммити ләәл-яқутлардинму зор ешип чүшиду.
| בטח בה לב בעלה ושלל לא יחסר׃ | 11 |
Ериниң көңли униңға тайинип хатирҗәм туриду, У болғачқа ериниң алған олҗиси кам әмәстур!
| גמלתהו טוב ולא רע כל ימי חייה׃ | 12 |
У өмүр бойи еригә вападар болуп яхшилиқ қилиду, Уни зиянға учратмайду.
| דרשה צמר ופשתים ותעש בחפץ כפיה׃ | 13 |
У қой жуңи вә кәндир тепип, Өз қоли билән җан дәп әҗир қилиду.
| היתה כאניות סוחר ממרחק תביא לחמה׃ | 14 |
У сода кемилиригә охшаш, [Аилини беқиштики] озуқ-түлүкләрни жирақ җайлардин тошуйду.
| ותקם בעוד לילה ותתן טרף לביתה וחק לנערתיה׃ | 15 |
Таң йорумаста у орнидин туриду, Аилисидикиләргә йемәклик тәйярлайду, Хизмәткар-дедәкләргә несивисини тәқсим қилиду.
| זממה שדה ותקחהו מפרי כפיה נטע כרם׃ | 16 |
У бир парчә етизни өзи көрүп алиду; Қоли билән жиққан дарамәттин у бир үзүмзар бена қилиду.
| חגרה בעוז מתניה ותאמץ זרעותיה׃ | 17 |
[Ишқа қарап] у белини күч билән бағлар, Биләклирини күчләндүрәр;
| טעמה כי טוב סחרה לא יכבה בליל נרה׃ | 18 |
Өз ишиниң пайдилиқлиғиға көзи йетәр, Кечичә чириғини өчүрмәй иш қилар.
| ידיה שלחה בכישור וכפיה תמכו פלך׃ | 19 |
У қоллири билән чақни чөрәр, Бармақлири жип урчуқини тутар.
| כפה פרשה לעני וידיה שלחה לאביון׃ | 20 |
Аҗизларға ярдәм қолини узитар; Һаҗәтмәнләргә қоллирини созар.
| לא תירא לביתה משלג כי כל ביתה לבש שנים׃ | 21 |
Қар яққанда у аилиси тоғрилиқ әндишә қилмайду, Өйидикиләрниң һәммисигә қизил кийимләр кийдүрүлгән.
| מרבדים עשתה לה שש וארגמן לבושה׃ | 22 |
Кариват япқучлирини өзи тоқуйду; Өзиниң кийим-кечәклири канап вә сөсүн рәхттиндур.
| נודע בשערים בעלה בשבתו עם זקני ארץ׃ | 23 |
Ериниң шәһәр дәрвазилирида абройи бар; Шу йәрдә у жуттики ақсақаллар қатаридин орун алиду.
| סדין עשתה ותמכר וחגור נתנה לכנעני׃ | 24 |
У нәпис канаптин кийим-кечәк тикип уни сатиду; Бәлвағларни тикип содигәрләрни тәминләйду.
| עז והדר לבושה ותשחק ליום אחרון׃ | 25 |
Кийими күч-қудрәт вә иззәт-һөрмәттур; У келәчәккә үмүт билән күлүп қарайду.
| פיה פתחה בחכמה ותורת חסד על לשונה׃ | 26 |
Ағзини ачсила, дана сөз қилиду, Тилида меһриванә несиһәтләр бар.
| צופיה הליכות ביתה ולחם עצלות לא תאכל׃ | 27 |
Аилисидики ишлардин дайим хәвәр алиду, Бекарға нан йемәйду.
| קמו בניה ויאשרוה בעלה ויהללה׃ | 28 |
Пәрзәнтлири орнидин туруп униңға бәхит-бәрикәт тиләйду; Ериму мубарәкләп уни махтап: —
| רבות בנות עשו חיל ואת עלית על כלנה׃ | 29 |
«Пәзиләт билән яшиған аяллар көптур, Бирақ сән уларниң һәммисидинму ешип чүшисән» — дәйду.
| שקר החן והבל היפי אשה יראת יהוה היא תתהלל׃ | 30 |
Гөзәллик сеһри алдамчидур, Һөсн-җамалму пәқәт бир көпүк, халас, Пәқәт Пәрвәрдигардин қорқидиған аялла махтилиду!
| תנו לה מפרי ידיה ויהללוה בשערים מעשיה׃ | 31 |
У өз меһнитиниң мевилиридин бәһримән болсун! Әҗирлири уни дәрвазиларда һөрмәт-шөһрәткә ериштүрсун!
