מִשְׁלֵי 3
| בני תורתי אל תשכח ומצותי יצר לבך׃ | 1 |
Akong anak, ayaw kalimti ang akong mga mando ug tipigi ang akong pagpanudlo diha sa imong kasingkasing,
| כי ארך ימים ושנות חיים ושלום יוסיפו לך׃ | 2 |
kay ang gitas-on sa mga adlaw ug katuigan sa kinabuhi ug ang kalinaw igadugang kini diha kanimo.
| חסד ואמת אל יעזבך קשרם על גרגרותיך כתבם על לוח לבך׃ | 3 |
Ayaw tugoti nga ang pakamatinud-anon sa kasabotan ug pagkamasaligan mahimulag kanimo, ihigot kini sa imong liog, isulat kini sa papan sa imong kasingkasing.
| ומצא חן ושכל טוב בעיני אלהים ואדם׃ | 4 |
Unya makakaplag ka ug pabor ug maayong kadungganan sa panan-aw sa Dios ug sa tawo.
| בטח אל יהוה בכל לבך ואל בינתך אל תשען׃ | 5 |
Salig kang Yahweh sa tibuok nimong kasingkasing ug ayaw gayod pagsalig sa kaugalingon nimong panabot;
| בכל דרכיך דעהו והוא יישר ארחתיך׃ | 6 |
sa tanan nimong mga dalan ilha siya ug itul-id niya ang imong agianan.
| אל תהי חכם בעיניך ירא את יהוה וסור מרע׃ | 7 |
Ayaw pagmanggialamon sa kaugalingon nimong panan-aw; kahadloki si Yahweh ug talikdi ang daotan.
| רפאות תהי לשרך ושקוי לעצמותיך׃ | 8 |
Makaayo kini sa imong unod ug makapabaskog sa imong lawas.
| כבד את יהוה מהונך ומראשית כל תבואתך׃ | 9 |
Pasidunggi si Yahweh uban sa imong bahandi ug uban sa unang mga bunga sa tanang nimong abot,
| וימלאו אסמיך שבע ותירוש יקביך יפרצו׃ | 10 |
ug mapuno ang imong mga kamalig ug ang imong sudlanan moawas, mapuno sa bag-ong bino.
| מוסר יהוה בני אל תמאס ואל תקץ בתוכחתו׃ | 11 |
Akong anak, ayaw isalikway ang pagpanton ni Yahweh ug ayaw pagdumot sa iyang pagbadlong,
| כי את אשר יאהב יהוה יוכיח וכאב את בן ירצה׃ | 12 |
kay pagapantonon ni Yahweh kadtong iyang gihigugma, sama sa pagpanton sa amahan sa iyang anak nga lalaki nga nakapahimuot kaniya.
| אשרי אדם מצא חכמה ואדם יפיק תבונה׃ | 13 |
Ang usa nga makakaplag ug kaalam malipayon, makaangkon usab siya ug pagsabot.
| כי טוב סחרה מסחר כסף ומחרוץ תבואתה׃ | 14 |
Ang imong maangkon gikan sa kaalam mas maayo pa kung unsa ang maihatag pagbalik sa plata ug ang ginansya niini mas maayo pa kaysa bulawan.
| יקרה היא מפניים וכל חפציך לא ישוו בה׃ | 15 |
Mas bililhon pa ang kaalam kaysa mga alahas ug walay imong gitinguha nga ikatandi siya.
| ארך ימים בימינה בשמאולה עשר וכבוד׃ | 16 |
Adunay siyay hataas nga mga adlaw sa iyang tuong kamot; sa iyang walang kamot ang mga bahandi ug kadungganan.
| דרכיה דרכי נעם וכל נתיבותיה שלום׃ | 17 |
Ang iyang mga dalan mao ang mga paagi sa kaluoy ug ang tanan niyang mga agianan mao ang kalinaw.
| עץ חיים היא למחזיקים בה ותמכיה מאשר׃ | 18 |
Siya ang kahoy sa kinabuhi niadtong nagkupot niini, malipay kadtong nagkupot niini.
| יהוה בחכמה יסד ארץ כונן שמים בתבונה׃ | 19 |
Pinaagi sa kaalam gitukod ni Yahweh ang kalibotan, pinaagi sa panabot iyang gipahimutang ang kalangitan.
| בדעתו תהומות נבקעו ושחקים ירעפו טל׃ | 20 |
Pinaagi sa iyang kahibalo ang kahiladman naabli ug ang mga panganod nagahulog sa ilang yamog.
| בני אל ילזו מעיניך נצר תשיה ומזמה׃ | 21 |
Akong anak, padayon sa hustong paghukom ug pagpanabot, ug ayaw ibulag ang imong panan-aw kanila.
| ויהיו חיים לנפשך וחן לגרגרתיך׃ | 22 |
Mahimo sila nga kinabuhi sa imong kalag ug dayandayan nga pabor aron isul-ob sa imong liog.
| אז תלך לבטח דרכך ורגלך לא תגוף׃ | 23 |
Unya maglakaw ka sa imong dalan nga layo sa kakuyaw ug dili mapandol ang imong tiil;
| אם תשכב לא תפחד ושכבת וערבה שנתך׃ | 24 |
kung mohigda ka, dili ka mahadlok; kung mohigda ka nindot ang imong pagkatulog.
| אל תירא מפחד פתאם ומשאת רשעים כי תבא׃ | 25 |
Ayaw kahadlok sa kalit nga kasamok ug pagpanggun-ob sa daotan, sa dihang moabot kini,
| כי יהוה יהיה בכסלך ושמר רגלך מלכד׃ | 26 |
kay si Yahweh anaa sa imong kiliran ug maglikay sa imong tiil gikan sa pagkalit-ag.
| אל תמנע טוב מבעליו בהיות לאל ידיך לעשות׃ | 27 |
Ayaw ihikaw ang maayo gikan niadtong angayan niini, kung anaa kanimo ang kagahom sa pagbuhat.
| אל תאמר לרעיך לך ושוב ומחר אתן ויש אתך׃ | 28 |
Ayaw sultihi ang imong silingan, “Lakaw ug balik pag-usab, ug ihatag ko kini ugma nganha kanimo,” kung aduna kay salapi.
| אל תחרש על רעך רעה והוא יושב לבטח אתך׃ | 29 |
Ayaw pagbuhat ug laraw nga makadaot sa imong silingan— ang tawo nga haduol nagpuyo ug misalig kanimo.
| אל תרוב עם אדם חנם אם לא גמלך רעה׃ | 30 |
Ayaw pakiglalis sa tawo kung walay rason, kung wala siyay nabuhat nga makadaot kanimo.
| אל תקנא באיש חמס ואל תבחר בכל דרכיו׃ | 31 |
Ayaw kasina sa tawong bangis o pilia ang bisan unsa sa iyang mga dalan.
| כי תועבת יהוה נלוז ואת ישרים סודו׃ | 32 |
Tungod kay ang tawong malimbongon dulumtanan kang Yahweh, apan ang tawong matarong mahimo niyang suod nga higala.
| מארת יהוה בבית רשע ונוה צדיקים יברך׃ | 33 |
Ang tunglo ni Yahweh anaa sa balay sa mga tawong daotan, apan panalanginan niya ang panimalay sa tawong matarong.
| אם ללצים הוא יליץ ולעניים יתן חן׃ | 34 |
Bugalbugalan niya ang mabugalbugalon, apan hatagan niya ug pabor ang mga tawong mapainubasanon.
| כבוד חכמים ינחלו וכסילים מרים קלון׃ | 35 |
Mapanunod sa mga maalamong tawo ang kadungganan, apan ang buangbuang pagabayawon diha sa kaulawan.
