מִשְׁלֵי 28
| נסו ואין רדף רשע וצדיקים ככפיר יבטח׃ | 1 |
Ènìyàn búburú ń sá bí ó tilẹ̀ jẹ́ pé ẹnìkan kò lé e ṣùgbọ́n olódodo láyà bí i kìnnìún.
| בפשע ארץ רבים שריה ובאדם מבין ידע כן יאריך׃ | 2 |
Nígbà tí orílẹ̀-èdè bá ní orí kunkun, àwọn ọba rẹ̀ a máa pọ̀, ṣùgbọ́n olóye àti onímọ̀ a máa pa òfin mọ́.
| גבר רש ועשק דלים מטר סחף ואין לחם׃ | 3 |
Ọba tí ó ni àwọn tálákà lára dàbí àgbàrá òjò tí ó ń gbá gbogbo ọ̀gbìn lọ.
| עזבי תורה יהללו רשע ושמרי תורה יתגרו בם׃ | 4 |
Àwọn tí ó kọ òfin sílẹ̀ a máa gbóríyìn fún ènìyàn búburú ṣùgbọ́n àwọn tí ó pa òfin mọ́ kọjú ìjà sí ènìyàn búburú.
| אנשי רע לא יבינו משפט ומבקשי יהוה יבינו כל׃ | 5 |
Òye ìdájọ́ òdodo kò yé àwọn ẹni ibi ṣùgbọ́n ó yé àwọn tí ń wá Olúwa dáradára.
| טוב רש הולך בתמו מעקש דרכים והוא עשיר׃ | 6 |
Ó sàn láti jẹ́ tálákà tí ìrìn rẹ̀ jẹ́ aláìlábùkù ju ọlọ́rọ̀ tí ọ̀nà rẹ̀ rí pálapàla.
| נוצר תורה בן מבין ורעה זוללים יכלים אביו׃ | 7 |
Ẹni tí ó pa òfin mọ́ jẹ́ olóye ọmọ ṣùgbọ́n ẹni tí ó bá ẹ́ jẹgúdújẹrá kẹ́gbẹ́ dójútì baba rẹ̀.
| מרבה הונו בנשך ובתרבית לחונן דלים יקבצנו׃ | 8 |
Ẹni tí ó mú ọrọ̀ rẹ̀ di púpọ̀ nípa èrè àjẹjù ń kó jọ fún ẹlòmíràn, tí yóò ní àánú àwọn tálákà.
| מסיר אזנו משמע תורה גם תפלתו תועבה׃ | 9 |
Bí ẹnikẹ́ni bá kọ etí ikún sí òfin, kódà àdúrà rẹ̀ jẹ́ ìríra.
| משגה ישרים בדרך רע בשחותו הוא יפול ותמימים ינחלו טוב׃ | 10 |
Ẹni tí ó mú olódodo rìn ọ̀nà búburú yóò bọ́ sínú pàkúté ara rẹ̀ ṣùgbọ́n aláìlẹ́gàn yóò gba ogún rere.
| חכם בעיניו איש עשיר ודל מבין יחקרנו׃ | 11 |
Ọlọ́rọ̀ ènìyàn le è gbọ́n lójú ara rẹ̀ ṣùgbọ́n tálákà tí ó ní òye rí ìdí, rẹ̀.
| בעלץ צדיקים רבה תפארת ובקום רשעים יחפש אדם׃ | 12 |
Nígbà tí olódodo ń lékè ariwo ayọ̀ ta; ṣùgbọ́n nígbà tí ènìyàn búburú gorí òye, àwọn ènìyàn a na pápá bora.
| מכסה פשעיו לא יצליח ומודה ועזב ירחם׃ | 13 |
Ẹni tí ó bo ẹ̀ṣẹ̀ rẹ̀ mọ́lẹ̀ kì yóò ṣe rere, ṣùgbọ́n ẹni tí ó bá jẹ́wọ́ tí ó sì kọ̀ wọ́n sílẹ̀ máa ń rí àánú gbà.
| אשרי אדם מפחד תמיד ומקשה לבו יפול ברעה׃ | 14 |
Ìbùkún ni fún ènìyàn náà tí ó bẹ̀rù Ọlọ́run nígbà gbogbo ṣùgbọ́n ẹni tí ó sé ọkàn rẹ̀ le bọ́ sínú wàhálà.
| ארי נהם ודב שוקק משל רשע על עם דל׃ | 15 |
Bí kìnnìún tí ń ké tàbí Beari tí ń halẹ̀ ni ènìyàn búburú tí ń jẹ ọba lórí àwọn aláìlágbára.
| נגיד חסר תבונות ורב מעשקות שנאי בצע יאריך ימים׃ | 16 |
Ọmọ-aládé tí ó ṣe aláìmòye púpọ̀ ní ń ṣe ìwà ìkà púpọ̀ pẹ̀lú, ṣùgbọ́n èyí tí ó kórìíra ojúkòkòrò yóò mú ọjọ́ rẹ̀ pẹ́.
| אדם עשק בדם נפש עד בור ינוס אל יתמכו בו׃ | 17 |
Ẹni tí ọkàn rẹ̀ kò balẹ̀ nítorí ẹ̀ṣẹ̀ ìpànìyàn yóò máa joró rẹ̀ títí ikú má ṣe jẹ́ kí ẹnikẹ́ni ràn án lọ́wọ́.
| הולך תמים יושע ונעקש דרכים יפול באחת׃ | 18 |
Ẹni tí ń rìn déédéé ní yóò là, ṣùgbọ́n ẹni tí ọ̀nà rẹ̀ jẹ́ àyídáyidà ni yóò ṣubú lójijì.
| עבד אדמתו ישבע לחם ומרדף רקים ישבע ריש׃ | 19 |
Ẹni tí ó bá ro ilẹ̀ rẹ̀ yóò ní oúnjẹ lọ́pọ̀lọ́pọ̀ ṣùgbọ́n ẹni tí ń lé ohun asán yóò kún fún òsì.
| איש אמונות רב ברכות ואץ להעשיר לא ינקה׃ | 20 |
Olóòtítọ́ ènìyàn yóò rí ìbùkún gbà gan an ṣùgbọ́n ẹni tí ojú ń kán láti di ọlọ́rọ̀ kì yóò lọ láìjìyà.
| הכר פנים לא טוב ועל פת לחם יפשע גבר׃ | 21 |
Ojúsàájú ṣíṣe kò dára, síbẹ̀ ènìyàn kan ń ṣẹ̀ nítorí òkèlè oúnjẹ kan.
| נבהל להון איש רע עין ולא ידע כי חסר יבאנו׃ | 22 |
Ahun ń sáré àti là kò sì funra pé òsì dúró de òun.
| מוכיח אדם אחרי חן ימצא ממחליק לשון׃ | 23 |
Ẹni tí ó bá ènìyàn kan wí yóò rí ojúrere ni nígbẹ̀yìn ju ẹni tí ó ní ètè ẹ̀tàn lọ.
| גוזל אביו ואמו ואמר אין פשע חבר הוא לאיש משחית׃ | 24 |
Ẹni tí ó ja baba tàbí ìyá rẹ̀ lólè tí ó sì wí pé, “Kì í ṣe ẹ̀ṣẹ̀,” irú kan ni òun àti ẹni tí ń pa ni run.
| רחב נפש יגרה מדון ובוטח על יהוה ידשן׃ | 25 |
Ọ̀kánjúwà ènìyàn a máa dá ìjà sílẹ̀, ṣùgbọ́n ẹni tí ó bá gbẹ́kẹ̀lé Olúwa yóò gbilẹ̀.
| בוטח בלבו הוא כסיל והולך בחכמה הוא ימלט׃ | 26 |
Ẹni tí ó gbẹ́kẹ̀lé ara rẹ̀ jẹ́ aláìgbọ́n ṣùgbọ́n ẹni tí ń rìn nínú ọgbọ́n wà láìléwu.
| נותן לרש אין מחסור ומעלים עיניו רב מארות׃ | 27 |
Ẹni tí ó ń fi fún tálákà kì yóò ṣe aláìní ohunkóhun, ṣùgbọ́n ẹni tí ó di ojú rẹ̀ sí wọn gba ọ̀pọ̀lọpọ̀ ègún.
| בקום רשעים יסתר אדם ובאבדם ירבו צדיקים׃ | 28 |
Nígbà tí ènìyàn búburú bá dórí ìjọba, àwọn ènìyàn a na pápá bora; ṣùgbọ́n nígbà tí ènìyàn búburú bá ṣègbé, àwọn olódodo ń gbilẹ̀ sí i.
