מִשְׁלֵי 20
| לץ היין המה שכר וכל שגה בו לא יחכם׃ | 1 |
Ang bino mao ang mabugalbugalon ug ang isog nga ilimnon mao ang sabaan; si bisan kinsa nga mahisalaag pinaagi sa ilimnon dili manggialamon.
| נהם ככפיר אימת מלך מתעברו חוטא נפשו׃ | 2 |
Ang pagkahadlok ngadto sa hari sama sa pagkahadlok sa nagngulob nga batan-ong liyon; siya nga nagpasuko kaniya makabsan sa iyang kinabuhi.
| כבוד לאיש שבת מריב וכל אויל יתגלע׃ | 3 |
Dungog gayod kini alang ni bisan kinsa nga makalikay sa panagbingkil, apan ang matag kabuang mosangko sa pagpakiglalis.
| מחרף עצל לא יחרש ישאל בקציר ואין׃ | 4 |
Dili magdaro ang tawong tapolan sa panahon sa tingtugnaw; mangita siya ug abot panahon sa ting-ani apan wala gayod siyay makuha.
| מים עמקים עצה בלב איש ואיש תבונה ידלנה׃ | 5 |
Ang mga katuyoan sa kasingkasing sa tawo sama sa lalom nga tubig, apan makasag-ob niini ang tawo nga may panabot.
| רב אדם יקרא איש חסדו ואיש אמונים מי ימצא׃ | 6 |
Daghang mga tawo ang magpahayag nga matinud-anon siya, apan kinsa man ang makakaplag kaniya nga matinumanon?
| מתהלך בתמו צדיק אשרי בניו אחריו׃ | 7 |
Ang tawo nga nagbuhat ug maayo nagalakaw diha sa iyang katarong ug magmalipayon ang iyang mga anak nga lalaki nga magsunod kaniya.
| מלך יושב על כסא דין מזרה בעיניו כל רע׃ | 8 |
Ang hari nga maglingkod diha sa trono nga magabuhat sa buluhaton sa maghuhukom magapatibulaag sa tanang daotan pinaagi sa iyang mata.
| מי יאמר זכיתי לבי טהרתי מחטאתי׃ | 9 |
Kinsa man ang makaingon, “Hinlo ang akong kasingkasing; gawasnon ako sa akong sala”?
| אבן ואבן איפה ואיפה תועבת יהוה גם שניהם׃ | 10 |
Ang nagkalainlain nga timbangan ug ang dili insakto nga mga sukdanan, kasilagan kini ni Yahweh.
| גם במעלליו יתנכר נער אם זך ואם ישר פעלו׃ | 11 |
Bisan pa ang batan-on maila pinaagi sa iyang mga buhat, kung putli ug matarong ba ang iyang binuhatan.
| אזן שמעת ועין ראה יהוה עשה גם שניהם׃ | 12 |
Ang mga dalunggan nga makadungog ang mga mata nga makakita, gibuhat kini ni Yahweh.
| אל תאהב שנה פן תורש פקח עיניך שבע לחם׃ | 13 |
Ayaw higugmaa ang pagkatulog o mahiagom ka sa pagkakabos; bukha ang imong mga mata ug aduna kay daghan nga makaon.
| רע רע יאמר הקונה ואזל לו אז יתהלל׃ | 14 |
“Dili maayo! Dili maayo!” miingon ang tigpamalit, apan sa dihang makalakaw na siya magpagarbo na siya.
| יש זהב ורב פנינים וכלי יקר שפתי דעת׃ | 15 |
Adunay bulawan ug daghan nga mga mahalon nga mga bato, apan ang mga ngabil sa kahibalo mao ang bililhon nga alahas.
| לקח בגדו כי ערב זר ובעד נכרים חבלהו׃ | 16 |
Kuhaa ang bisti sa tag-iya nga naghulam ug salapi ingon nga garantiya sa utang sa usa ka langyaw, ug kuhaa kini kung siya garantiya alang sa mga babaye nga mananapaw.
| ערב לאיש לחם שקר ואחר ימלא פיהו חצץ׃ | 17 |
Tam-is ang tinapay nga nakuha pinaagi sa pagpanlimbong, apan sa kinaulahian mapuno sa balas ang iyang baba.
| מחשבות בעצה תכון ובתחבלות עשה מלחמה׃ | 18 |
Natukod ang mga laraw pinaagi sa tambag ug uban lamang sa maalamong giya nga makiggubat ka.
| גולה סוד הולך רכיל ולפתה שפתיו לא תתערב׃ | 19 |
Ang pagtabi makabutyag sa mga tinago ug busa kinahanglan nga dili ka makig-uban sa mga tawo nga tabian.
| מקלל אביו ואמו ידעך נרו באישון חשך׃ | 20 |
Kung tunglohon sa tawo ang iyang amahan o ang iyang inahan, mapalong ang iyang lampara taliwala sa kangitngit.
| נחלה מבחלת בראשנה ואחריתה לא תברך׃ | 21 |
Ang panulondon nga gidalidali lamang sa pagkuha sa sinugdanan walay maayong mahimo sa kaulahian.
| אל תאמר אשלמה רע קוה ליהוה וישע לך׃ | 22 |
Ayaw pagsulti, “Mobalos ako sa imong sayop nga gihimo!” Paghulat kang Yahweh kay siya ang moluwas kanimo.
| תועבת יהוה אבן ואבן ומאזני מרמה לא טוב׃ | 23 |
Gikasilagan ni Yahweh ang dili insakto nga mga timbangan ug dili gayod maayo ang mga limbongan nga taksanan.
| מיהוה מצעדי גבר ואדם מה יבין דרכו׃ | 24 |
Gigiyahan ni Yahweh ang mga lakang sa tawo; unsaon man niya pagsabot sa iyang paagi?
| מוקש אדם ילע קדש ואחר נדרים לבקר׃ | 25 |
Lit-ag alang sa tawo ang pagdalidali ug ingon nga, “Balaan kini nga butang,” ug magsugod lang ug hunahuna sa buot ipasabot niini human sa iyang panaad.
| מזרה רשעים מלך חכם וישב עליהם אופן׃ | 26 |
Lainon sa maalamon nga hari ang mga daotan ug patuyokon ang galingan alang kanila.
| נר יהוה נשמת אדם חפש כל חדרי בטן׃ | 27 |
Ang espiritu sa tawo mao ang lampara ni Yahweh, nga magsusi sa kinahiladman niya nga mga bahin.
| חסד ואמת יצרו מלך וסעד בחסד כסאו׃ | 28 |
Ang matinud-anon nga kasabotan ug pagkamasaligan maoy makapanalipod sa hari; nahimong luwas ang iyang trono pinaagi sa gugma.
| תפארת בחורים כחם והדר זקנים שיבה׃ | 29 |
Ang himaya sa batan-ong mga lalaki mao ang ilang kusog, ug ang dungog sa mga tigulang mao ang ilang puti nga buhok.
| חברות פצע תמריק ברע ומכות חדרי בטן׃ | 30 |
Ang mga paghuyop makahimo paghinlo sa samad sa daotan ug ang mga pagbunal makapahinlo sa kinauyokan nga mga bahin.
