מִשְׁלֵי 14
| חכמות נשים בנתה ביתה ואולת בידיה תהרסנו׃ | 1 |
Dhako mariek gero ode, to dhako mofuwo muko ode gi lwete owuon.
| הולך בישרו ירא יהוה ונלוז דרכיו בוזהו׃ | 2 |
Ngʼat ma wuodhe oriere oluoro Jehova Nyasaye, to ngʼat ma yorene achach ochaye.
| בפי אויל חטר גאוה ושפתי חכמים תשמורם׃ | 3 |
Wuoyo mar ngʼama ofuwo kelone mana goch e ngʼeye, to dho jomariek bedonegi ragengʼ.
| באין אלפים אבוס בר ורב תבואות בכח שור׃ | 4 |
Kama onge rwedhi, dipo bedo nono, to kama rwath nitiere keyo mangʼeny bedoe.
| עד אמונים לא יכזב ויפיח כזבים עד שקר׃ | 5 |
Janeno ma ja-adiera ok riambi, to janeno ma hango wach wacho mana miriambo.
| בקש לץ חכמה ואין ודעת לנבון נקל׃ | 6 |
Ngʼat ma jasunga nyalo dwaro rieko to ok oyud gimoro, ngʼeyo tiend wach to biro mayot ne ngʼat ma ongʼeyo pogo tiend weche.
| לך מנגד לאיש כסיל ובל ידעת שפתי דעת׃ | 7 |
Bed mabor gi ngʼat mofuwo nimar ok iniyud ngʼeyo tiend wach e dhoge.
| חכמת ערום הבין דרכו ואולת כסילים מרמה׃ | 8 |
Rieko mar jorieko en bedo gi paro ne yoregi, to fup joma ofuwo en wuondruok.
| אולים יליץ אשם ובין ישרים רצון׃ | 9 |
Joma ofuwo jaro kowachnegi mondo giwe richo, to ngʼwono iyudo kuom joma kare.
| לב יודע מרת נפשו ובשמחתו לא יתערב זר׃ | 10 |
Chuny ka chuny ongʼeyo litne owuon, to onge ngʼato machielo manyalo bedo e mor ma en-go.
| בית רשעים ישמד ואהל ישרים יפריח׃ | 11 |
Od ngʼat marach ibiro ketho to kar dak mar ngʼat makare biro dhiyo nyime.
| יש דרך ישר לפני איש ואחריתה דרכי מות׃ | 12 |
Nitie yo manenore ne dhano ni nikare, to gikone otero mana ngʼato e tho.
| גם בשחוק יכאב לב ואחריתה שמחה תוגה׃ | 13 |
Kata e kinde mar nyiero, chuny nyalo bedo gi lit, to mor nyalo gik e kuyo.
| מדרכיו ישבע סוג לב ומעליו איש טוב׃ | 14 |
Joma onge yie ibiro mi pok moromo gi timbegi, to ngʼat maber bende pok moromo kode.
| פתי יאמין לכל דבר וערום יבין לאשרו׃ | 15 |
Ngʼat mangʼeyone tin thoro yie gimoro amora, to ngʼat mariek paro gik motimo.
| חכם ירא וסר מרע וכסיל מתעבר ובוטח׃ | 16 |
Ngʼat mariek oluoro Jehova Nyasaye kendo okwedo richo, to ngʼama ofuwo wiye tek kendo omuomore.
| קצר אפים יעשה אולת ואיש מזמות ישנא׃ | 17 |
Ngʼat ma iye wangʼ piyo timo gik mofuwo, to ngʼat ma ja-miganga ji mon-go.
| נחלו פתאים אולת וערומים יכתרו דעת׃ | 18 |
Joma ngʼeyogi tin nwangʼo fuwo, to jomariek irwako nigi ogut ngʼeyo.
| שחו רעים לפני טובים ורשעים על שערי צדיק׃ | 19 |
Joricho kulore e nyim joma beyo, to jo-ajendeke e dhorangeye mag joma kare.
| גם לרעהו ישנא רש ואהבי עשיר רבים׃ | 20 |
Jochan ok dwar kata gi jobutgi, to jo-mwandu nigi osiepe mangʼeny.
| בז לרעהו חוטא ומחונן עניים אשריו׃ | 21 |
Ngʼatno machayo jabute timo richo, to ogwedhi ngʼatno mangʼwon gi jogo mochando.
| הלוא יתעו חרשי רע וחסד ואמת חרשי טוב׃ | 22 |
Donge jogo machano marach lal nono? To jogo machano gima ber yudo hera kendo imiyogi luor.
| בכל עצב יהיה מותר ודבר שפתים אך למחסור׃ | 23 |
Tich matek duto kelo ohala, to wuoyo awuoya maonge tim kelo dhier.
| עטרת חכמים עשרם אולת כסילים אולת׃ | 24 |
Mwandu jomariek e osimbo margi, to fup joma ofuwo nyago mana fuwo.
| מציל נפשות עד אמת ויפח כזבים מרמה׃ | 25 |
Janeno ma ja-adiera reso ji e tho, to janeno ma hango wach en jawuond.
| ביראת יהוה מבטח עז ולבניו יהיה מחסה׃ | 26 |
Ngʼat moluoro Jehova Nyasaye nigi ohinga motegno, kendo nyithinde noyud kar pondo.
| יראת יהוה מקור חיים לסור ממקשי מות׃ | 27 |
Luoro Jehova Nyasaye en soko mar ngima, ma reso ngʼato e obadho mag tho.
| ברב עם הדרת מלך ובאפס לאם מחתת רזון׃ | 28 |
Ruoth ma joge ngʼeny ema yudo duongʼ, to ruoth maonge jogo morito to podho.
| ארך אפים רב תבונה וקצר רוח מרים אולת׃ | 29 |
Ngʼat ma terore mos nigi winjo, to ngʼatno ma iye wangʼ piyo nyiso fupe.
| חיי בשרים לב מרפא ורקב עצמות קנאה׃ | 30 |
Chuny man-gi kwe kelo ngima ni ringruok, to nyiego towo choke.
| עשק דל חרף עשהו ומכבדו חנן אביון׃ | 31 |
Ngʼat masando jochan nyiso achaya ne Jal mane ochweyogi, to ngʼato angʼata mangʼwon ni jogo mochando miyo Nyasaye luor.
| ברעתו ידחה רשע וחסה במותו צדיק׃ | 32 |
Ka masira obiro, joricho itieko, to kata e tho ngʼat makare nigi kar pondo.
| בלב נבון תנוח חכמה ובקרב כסילים תודע׃ | 33 |
Rieko odak e chuny ngʼat ma weche donjone, to kata mana e dier joma ofuwo omiyo ingʼeye.
| צדקה תרומם גוי וחסד לאמים חטאת׃ | 34 |
Tim makare tingʼo oganda malo, to richo en wichkuot ne ji.
| רצון מלך לעבד משכיל ועברתו תהיה מביש׃ | 35 |
Ruoth mor gi jatich mariek, to jatich makwodo wich yudo mirimbe.
