מִשְׁלֵי 11
| מאזני מרמה תועבת יהוה ואבן שלמה רצונו׃ | 1 |
Thil adihlouva kite hi Yahweh Pakai in athet ahin, dihta a akilep-toa akite teng Yahweh Pakai ding in kipa aum-jie.
| בא זדון ויבא קלון ואת צנועים חכמה׃ | 2 |
Kiletsahnan ahin phah teng, muda nan ahin lhut paijin, milung neng ho ding in vang chihna aum jing e.
| תמת ישרים תנחם וסלף בוגדים ושדם׃ | 3 |
Mikitah ho kamkeh loubeh a aum jiu hi, amasang-diuva lamhil a pang ahin, jou le nal'a thuseija lungthim dihlou hin, ajona leh manthahna aso-sah jitauvin ahi.
| לא יועיל הון ביום עברה וצדקה תציל ממות׃ | 4 |
Elohim Pathen lunghan niteng, nei le gou iman apang pon, dihna kiti hi thina dinmun a jong hoidohna a pang ahi.
| צדקת תמים תישר דרכו וברשעתו יפל רשע׃ | 5 |
Chamdel a um mikitah chu alampi a-jang in, mikitahlou vang chu aphatlouna in alhup denji ahi.
| צדקת ישרים תצילם ובהות בגדים ילכדו׃ | 6 |
Mikitah te chu adihna in ahuhdoh jin, jou le nal a thuseina vang chun soh-a apanlo sah ahibouve.
| במות אדם רשע תאבד תקוה ותוחלת אונים אבדה׃ | 7 |
Miphalou chu athiteng akinepna jong pannabei ahin, Elohim Pathen sumilte dinga kinepna jong pannabei ahi.
| צדיק מצרה נחלץ ויבא רשע תחתיו׃ | 8 |
Mikitah chu gim le hesohna kon in akihuhdoh jin, miphalou vang chu gim le hesohna'a alhalut jitai.
| בפה חנף ישחת רעהו ובדעת צדיקים יחלצו׃ | 9 |
Elohim Pathen sumil mi chun aheng akom manthana ding jeng asei jin, hinlah hetkhen na thahat nei jeh in mikitah te huhdoh in aum-jin ahi.
| בטוב צדיקים תעלץ קריה ובאבד רשעים רנה׃ | 10 |
Mikitah hon aphalam amano teng, khopi sunga mihemte akipah un, mikitah lou ho chunga manthahna alhun teng, mi akipah jin ahi.
| בברכת ישרים תרום קרת ובפי רשעים תהרס׃ | 11 |
Mikitah ho chunga phattheina jal in, khopi sung mite dopsang in aum un, hinlah mikitah lou ho thumot sei jeh'in khopi amangthah bep jin ahi.
| בז לרעהו חסר לב ואיש תבונות יחריש׃ | 12 |
Aheng akom hebol lou-pa chu milungthim bei ahin, thil hetkhenna neipa vang chu thipbeh chan aum jin ahi.
| הולך רכיל מגלה סוד ונאמן רוח מכסה דבר׃ | 13 |
Muntinna thu seilepa chun thuguh jeng jong aseidoh jin, hinlah tahsan theitah mi vang chun thuguh kiti a-im jon ahi.
| באין תחבלות יפל עם ותשועה ברב יועץ׃ | 14 |
Kilamhilna aum louteng mipi kipal tei ding, guhthim cha kithuhilna achun bitna aum teijin ahi.
| רע ירוע כי ערב זר ושנא תקעים בוטח׃ | 15 |
Hetlou miho batsah na dia athil tung chun atohga amu tei ding, thil tun ding deiloupa vang chu hoidoh tei ding ahi.
| אשת חן תתמך כבוד ועריצים יתמכו עשר׃ | 16 |
Mi ngailuthem numei chu jana chang tei ding, gitlouna vang chun noisena dimset akimu ding ahi.
| גמל נפשו איש חסד ועכר שארו אכזרי׃ | 17 |
Mi ngailuthem chun phatchomna atoh doh ahin, mi kilose vang chun maha akilam doh-ji ahi.
| רשע עשה פעלת שקר וזרע צדקה שכר אמת׃ | 18 |
Miphalou in jou le nal in tohman amujin, mikitah vang chun muchi pha atun aga alou jitan ahi.
| כן צדקה לחיים ומרדף רעה למותו׃ | 19 |
Thildih tuhchah a ngailu chun hinna anei tei ding, aphalou lam jenga chepa chu thi tei ding ahi.
| תועבת יהוה עקשי לב ורצונו תמימי דרך׃ | 20 |
Alungthim a thildih lou puho Yahweh Pakai in athet in, achena lam lam'a chamdel'a umte chunga Yahweh Pakai akipah jing in ahi.
| יד ליד לא ינקה רע וזרע צדיקים נמלט׃ | 21 |
Hechen soh keijun, mi koihile engsetna nei chun talen amat ding, mikitah te vang huhdoh-a um tei diu ahi.
| נזם זהב באף חזיר אשה יפה וסרת טעם׃ | 22 |
Limgeh a um lou numei kitihi vohpi nahko sunga sana chao kiba bep kheh ahi.
| תאות צדיקים אך טוב תקות רשעים עברה׃ | 23 |
Mikitah ho dei le ngai chu, apha cha cha jeng ahin, mikitah lou ho kinepna vang chu lungsatna jeng ahibouve.
| יש מפזר ונוסף עוד וחושך מישר אך למחסור׃ | 24 |
Itcha louhel'a hongphal mi chu ahao cheh cheh jin, mihem koi hileh apeh ding kisan nunglah achu lhasam cheh cheh ding ahi.
| נפש ברכה תדשן ומרוה גם הוא יורא׃ | 25 |
Mi hongphal chun anei be cheh cheh ding, mi dang dinga twi chap chan chu ama chunga jong kichap ding ahi.
| מנע בר יקבהו לאום וברכה לראש משביר׃ | 26 |
Chang hom-lou a koitup chah khehpa chu mipi sapset chang ding, hinlah kiphal tah'a chang homdohpa chunga vang phattheina lhung ding ahi.
| שחר טוב יבקש רצון ודרש רעה תבואנו׃ | 27 |
Giltah'a thilpha ngaito pan, lungkimna aneiyin, thilpha lou jong chu aphaloupa chunga aga chu-jitan ahi.
| בוטח בעשרו הוא יפל וכעלה צדיקים יפרחו׃ | 28 |
Nei le gou'a kisongpa chu ahomkeuva um tei ding, mikitah te vang thingna banga nou jing diu ahi.
| עוכר ביתו ינחל רוח ועבד אויל לחכם לב׃ | 29 |
Mi koi hileh a-insung vai hom tup lou chu huija leng le tobang bep ahin, chule mingol chun miching ho jenlea pang tei ding ahi.
| פרי צדיק עץ חיים ולקח נפשות חכם׃ | 30 |
Mikitah natoh chu hinna thingphung ga tobang asoh jin, pannabeija kichih sahna hin hinkho manthahna alhut jin ahi.
| הן צדיק בארץ ישלם אף כי רשע וחוטא׃ | 31 |
Leiset'a mikitah jeng bon akile thuh theileh, miphalou chunga ichan geija lhung ding hitam chule achonsete chunga ichan gei lhung ding hitam!
