לוּקָס 2
| ויהי בימים ההם ותצא דת מאת הקיסר אוגוסטוס לספר את כל ישבי תבל׃ | 1 |
Factum est autem in diebus illis, exiit edictum a Cæsare Augusto ut describeretur universus orbis.
| וזה המפקד היה הראשון בהיות קוריניוס שליט בסוריא׃ | 2 |
Hæc descriptio prima facta est a præside Syriæ Cyrino:
| וילכו כלם להתפקד איש לעירו׃ | 3 |
et ibant omnes ut profiterentur singuli in suam civitatem.
| ויעל גם יוסף מן הגליל מעיר נצרת אל יהודה לעיר דוד הנקראה בית לחם כי היה מבית דוד וממשפחתו׃ | 4 |
Ascendit autem et Joseph a Galilæa de civitate Nazareth in Judæam, in civitatem David, quæ vocatur Bethlehem: eo quod esset de domo et familia David,
| להתפקד עם מרים המארשה לו והיא הרה׃ | 5 |
ut profiteretur cum Maria desponsata sibi uxore prægnante.
| ויהי בהיותם שם וימלאו ימיה ללדת׃ | 6 |
Factum est autem, cum essent ibi, impleti sunt dies ut pareret.
| ותלד את בנה הבכור ותחתלהו ותשכיבהו באבוס כי לא היה להם מקום במלון׃ | 7 |
Et peperit filium suum primogenitum, et pannis eum involvit, et reclinavit eum in præsepio: quia non erat eis locus in diversorio.
| ורעים היו בארץ ההיא לנים בשדה ושמרים את משמרות הלילה בעדרם׃ | 8 |
Et pastores erant in regione eadem vigilantes, et custodientes vigilias noctis super gregem suum.
| והנה מלאך יהוה נצב עליהם וכבוד יהוה הופיע עליהם מסביב וייראו יראה גדולה׃ | 9 |
Et ecce angelus Domini stetit juxta illos, et claritas Dei circumfulsit illos, et timuerunt timore magno.
| ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃ | 10 |
Et dixit illis angelus: Nolite timere: ecce enim evangelizo vobis gaudium magnum, quod erit omni populo:
| כי היום ילד לכם בעיר דוד מושיע אשר הוא המשיח האדון׃ | 11 |
quia natus est vobis hodie Salvator, qui est Christus Dominus, in civitate David.
| וזה לכם האות תמצאון ילד מחתל ומנח באבוס׃ | 12 |
Et hoc vobis signum: invenietis infantem pannis involutum, et positum in præsepio.
| ויהי פתאם אצל המלאך המון צבא השמים והם משבחים את האלהים ואמרים׃ | 13 |
Et subito facta est cum angelo multitudo militiæ cælestis laudantium Deum, et dicentium:
| כבוד במרומים לאלהים ובארץ שלום בבני אדם רצונו׃ | 14 |
[Gloria in altissimis Deo, et in terra pax hominibus bonæ voluntatis.]
| ויהי כאשר עלו מעליהם המלאכים השמימה ויאמרו הרעים איש אל רעהו נעברה נא עד בית לחם ונראה המעשה הזה אשר הודיענו יהוה׃ | 15 |
Et factum est, ut discesserunt ab eis angeli in cælum: pastores loquebantur ad invicem: Transeamus usque Bethlehem, et videamus hoc verbum, quod factum est, quod Dominus ostendit nobis.
| וימהרו לבוא וימצאו את מרים ואת יוסף ואת הילד שכב באבוס׃ | 16 |
Et venerunt festinantes: et invenerunt Mariam, et Joseph, et infantem positum in præsepio.
| ויראו וישמיעו את הדבר הנאמר אליהם על הגער הזה׃ | 17 |
Videntes autem cognoverunt de verbo, quod dictum erat illis de puero hoc.
| וכל השמעים תמהו על הדברים אשר דברו אליהם הרעים׃ | 18 |
Et omnes qui audierunt, mirati sunt: et de his quæ dicta erant a pastoribus ad ipsos.
| ומרים שמרה את הדברים האלה ותחשבם בלבה׃ | 19 |
Maria autem conservabat omnia verba hæc, conferens in corde suo.
| וישובו הרעים מהללים ומשבחים את האלהים על כל אשר שמעו וראו כפי אשר נאמר אליהם׃ | 20 |
Et reversi sunt pastores glorificantes et laudantes Deum in omnibus quæ audierant et viderant, sicut dictum est ad illos.
| ויהי במלאת לנער שמנה ימים וימול ויקרא שמו ישוע כשם אשר קרא לו המלאך בטרם הרה בבטן׃ | 21 |
Et postquam consummati sunt dies octo, ut circumcideretur puer, vocatum est nomen ejus Jesus, quod vocatum est ab angelo priusquam in utero conciperetur.
| וימלאו ימי טהרה לפי תורת משה ויעלהו לירושלים להעמידו לפני יהוה׃ | 22 |
Et postquam impleti sunt dies purgationis ejus secundum legem Moysi, tulerunt illum in Jerusalem, ut sisterent eum Domino,
| כאשר כתוב בתורת יהוה כל זכר פטר רחם יקרא קדש ליהוה׃ | 23 |
sicut scriptum est in lege Domini: Quia omne masculinum adaperiens vulvam, sanctum Domino vocabitur:
| ולתת קרבן כאמור בתורת יהוה שתי תרים או שני בני יונה׃ | 24 |
et ut darent hostiam secundum quod dictum est in lege Domini, par turturum, aut duos pullos columbarum.
| והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃ | 25 |
Et ecce homo erat in Jerusalem, cui nomen Simeon, et homo iste justus, et timoratus, exspectans consolationem Israël: et Spiritus Sanctus erat in eo.
| ולו נגלה ברוח הקדש כי לא יראה מות עד ראותו את משיח יהוה׃ | 26 |
Et responsum acceperat a Spiritu Sancto, non visurum se mortem, nisi prius videret Christum Domini.
| ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃ | 27 |
Et venit in spiritu in templum. Et cum inducerent puerum Jesum parentes ejus, ut facerent secundum consuetudinem legis pro eo,
| ויקחהו על זרעותיו ויברך את האלהים ויאמר׃ | 28 |
et ipse accepit eum in ulnas suas: et benedixit Deum, et dixit:
| עתה תפטר את עבדך כדברך אדני בשלום׃ | 29 |
[Nunc dimittis servum tuum Domine, secundum verbum tuum in pace:
| כי ראו עיני את ישועתך׃ | 30 |
quia viderunt oculi mei salutare tuum,
| אשר הכינות לפני כל העמים׃ | 31 |
quod parasti ante faciem omnium populorum:
| אור לגלות עיני הגוים ותפארת ישראל עמך׃ | 32 |
lumen ad revelationem gentium, et gloriam plebis tuæ Israël.]
| ויוסף ואמו תמהים על הדברים הנאמרים עליו׃ | 33 |
Et erat pater ejus et mater mirantes super his quæ dicebantur de illo.
| ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃ | 34 |
Et benedixit illis Simeon, et dixit ad Mariam matrem ejus: Ecce positus est hic in ruinam et in resurrectionem multorum in Israël, et in signum cui contradicetur:
| וגם בנפשך תחתר חרב למען תגלינה מחשבות לבב רבים׃ | 35 |
et tuam ipsius animam pertransibit gladius ut revelentur ex multis cordibus cogitationes.
| ותהי שם חנה אשה נביאה בת פנואל משבט אשר והיא באה בימים וחיתה עם בעלה שבע שנים אחרי בתוליה׃ | 36 |
Et erat Anna prophetissa, filia Phanuel, de tribu Aser: hæc processerat in diebus multis, et vixerat cum viro suo annis septem a virginitate sua.
| והיא אלמנה כארבע ושמנים שנה ולא משה מן המקדש ובצום ובתחנונים עבדה את האלהים לילה ויום׃ | 37 |
Et hæc vidua usque ad annos octoginta quatuor: quæ non discedebat de templo, jejuniis et obsecrationibus serviens nocte ac die.
| ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃ | 38 |
Et hæc, ipsa hora superveniens, confitebatur Domino: et loquebatur de illo omnibus, qui exspectabant redemptionem Israël.
| ויכלו את הכל כפי תורת יהוה וישובו הגלילה אל נצרת עירם׃ | 39 |
Et ut perfecerunt omnia secundum legem Domini, reversi sunt in Galilæam in civitatem suam Nazareth.
| ויגדל הנער ויחזק ברוח וימלא חכמה וחסד אלהים עמו׃ | 40 |
Puer autem crescebat, et confortabatur plenus sapientia: et gratia Dei erat in illo.
| ועלו הוריו ירושלים שנה בשנה לחג הפסח׃ | 41 |
Et ibant parentes ejus per omnes annos in Jerusalem, in die solemni Paschæ.
| ויהי בהיותו בן שתים עשרה שנה ויעלו ירושלים כמשפט החג׃ | 42 |
Et cum factus esset annorum duodecim, ascendentibus illis Jerosolymam secundum consuetudinem diei festi,
| וימלאו את הימים וישובו ויותר ישוע הנער בירושלים ויוסף ואמו לא ידעו׃ | 43 |
consummatisque diebus, cum redirent, remansit puer Jesus in Jerusalem, et non cognoverunt parentes ejus.
| ויחשבו כי עם חבל הארחים הוא וילכו כדרך יום ויבקשהו בין הקרובים והמידעים׃ | 44 |
Existimantes autem illum esse in comitatu, venerunt iter diei, et requirebant eum inter cognatos et notos.
| ולא מצאהו וישבו ירושלים לבקשו׃ | 45 |
Et non invenientes, regressi sunt in Jerusalem, requirentes eum.
| ויהי אחרי שלשת ימים וימצאהו במקדש ישב בתוך המורים שמע אליהם ושאל אתם׃ | 46 |
Et factum est, post triduum invenerunt illum in templo sedentem in medio doctorum, audientem illos, et interrogantem eos.
| וכל השמעים אליו השתוממו על שכלו ועל תשובתיו׃ | 47 |
Stupebant autem omnes qui eum audiebant, super prudentia et responsis ejus.
| ויהי כראותם אתו ויחרדו ותאמר אליו אמו בני מדוע ככה עשית לנו הנה אביך ואנכי בעצבת לב בקשנוך׃ | 48 |
Et videntes admirati sunt. Et dixit mater ejus ad illum: Fili, quid fecisti nobis sic? ecce pater tuus et ego dolentes quærebamus te.
| ויאמר אליהם למה זה בקשתם אתי הלא ידעתם כי עלי להיות באשר לאבי׃ | 49 |
Et ait ad illos: Quid est quod me quærebatis? nesciebatis quia in his quæ Patris mei sunt, oportet me esse?
| והם לא הבינו את הדבר אשר דבר אליהם׃ | 50 |
Et ipsi non intellexerunt verbum quod locutus est ad eos.
| וירד אתם ויבא אל נצרת ויכנע להם ואמו שמרה בלבה את כל הדברים האלה׃ | 51 |
Et descendit cum eis, et venit Nazareth: et erat subditus illis. Et mater ejus conservabat omnia verba hæc in corde suo.
| וישוע הלך וגדל בחכמה ומקומה ובחן עם אלהים ועם אנשים׃ | 52 |
Et Jesus proficiebat sapientia, et ætate, et gratia apud Deum et homines.
