איוב 39
| הידעת עת לדת יעלי סלע חלל אילות תשמר׃ | 1 |
“Wee nĩũũĩ rĩrĩa mbũri cia irĩma-inĩ iciaraga? Wee nĩwĩroragĩra rĩrĩa thwariga ĩgũciara kaana kayo?
| תספר ירחים תמלאנה וידעת עת לדתנה׃ | 2 |
Wee nĩũtaraga mĩeri ĩrĩa ciikaraga ingĩgaaciara? Nĩũũĩ hĩndĩ ĩrĩa iciaraga?
| תכרענה ילדיהן תפלחנה חבליהם תשלחנה׃ | 3 |
Ciĩthunaga igaciara twana twacio; ruo rwacio rwa gũciara rũgathira.
| יחלמו בניהם ירבו בבר יצאו ולא שבו למו׃ | 4 |
Twana twacio twagĩraga mwĩrĩ, tũgakũra tũrĩ na hinya o kũu gĩthaka-inĩ; tũkinyaga ihinda rĩa kwehera na tũticookaga.
| מי שלח פרא חפשי ומסרות ערוד מי פתח׃ | 5 |
“Nũũ warekereirie njagĩ ĩthiiage ĩtarĩ mũũria? Nũũ wamĩohorire mĩhĩndo?
| אשר שמתי ערבה ביתו ומשכנותיו מלחה׃ | 6 |
Ndaamĩheire werũ ũtuĩke mũciĩ wayo, naguo bũrũri wa cumbĩ ũtuĩke gĩtũũro kĩayo.
| ישחק להמון קריה תשאות נוגש לא ישמע׃ | 7 |
Ĩthekagĩrĩra inegene rĩrĩ thĩinĩ wa itũũra; ndĩiguaga mũkaĩrĩrio wa mũtwarithia.
| יתור הרים מרעהו ואחר כל ירוק ידרוש׃ | 8 |
Ĩrimũthagĩra irĩma-inĩ ĩgĩetha gwa kũrĩa, ĩkahaara kahuti o gothe karuru.
| היאבה רים עבדך אם ילין על אבוסך׃ | 9 |
“Mbogo ya njamba-rĩ, yetĩkĩra gũgũtungata? No ĩkindĩrie mũharatĩ-inĩ waku ũtukũ?
| התקשר רים בתלם עבתו אם ישדד עמקים אחריך׃ | 10 |
No ũhote kũmĩoha matandĩko ĩrĩme na mũraũ? No ĩkuume thuutha ituamba-inĩ ĩkĩrĩmaga na mũraũ?
| התבטח בו כי רב כחו ותעזב אליו יגיעך׃ | 11 |
No ũmĩĩhoke nĩ ũndũ atĩ ĩrĩ na hinya mũingĩ? No ũmĩtigĩre wĩra waku mũritũ ĩrutage?
| התאמין בו כי ישוב זרעך וגרנך יאסף׃ | 12 |
No ũmĩĩhoke ĩkũrehere ngano yaku, na ĩmĩcookanĩrĩrie kĩhuhĩro-inĩ gĩaku?
| כנף רננים נעלסה אם אברה חסידה ונצה׃ | 13 |
“Mathagu ma nyaga mabatabataga nĩ gũkena, no matingĩgerekanio na mathagu na njoya cia njũũ.
| כי תעזב לארץ בציה ועל עפר תחמם׃ | 14 |
Ĩrekagĩria matumbĩ mayo tĩĩri-inĩ na ĩkamatiga mũthanga-inĩ magwate ũrugarĩ,
| ותשכח כי רגל תזורה וחית השדה תדושה׃ | 15 |
ĩtegwĩciiria atĩ no makinywo na magũrũ makue, kana marangwo nĩ nyamũ ya gĩthaka.
| הקשיח בניה ללא לה לריק יגיעה בלי פחד׃ | 16 |
Ĩĩkaga ciana ciayo ũũru ta itarĩ ciayo; ndĩmakaga atĩ wĩra wayo no ũtuĩke wa tũhũ,
| כי השה אלוה חכמה ולא חלק לה בבינה׃ | 17 |
nĩgũkorwo Ngai ndaamĩheire ũũgĩ kana akĩmĩhe igai rĩa mwĩciirĩrie mwega.
| כעת במרום תמריא תשחק לסוס ולרכבו׃ | 18 |
No rĩrĩ, rĩrĩa yatambũrũkia mathagu ĩhanyũke, ĩthekagĩrĩra mbarathi na mũmĩhaici.
| התתן לסוס גבורה התלביש צוארו רעמה׃ | 19 |
“Wee nĩwe ũheaga mbarathi hinya wayo, kana ũkamĩhumba ngingo na mũreera?
| התרעישנו כארבה הוד נחרו אימה׃ | 20 |
Wee nĩwe ũtũmaga ĩrũũge ta ngigĩ, ĩkahahũra andũ na mũtiihĩre wayo wa mwĩtĩĩo?
| יחפרו בעמק וישיש בכח יצא לקראת נשק׃ | 21 |
Ĩhuragia thĩ na ũcamba ĩgĩkenagĩra hinya wayo, ĩkaguthũka ĩtoonyete mbaara-inĩ.
| ישחק לפחד ולא יחת ולא ישוב מפני חרב׃ | 22 |
Ĩthekagĩrĩra guoya, ĩtarĩ ũndũ ĩngĩtigĩra; ndĩmakagio nĩ rũhiũ rwa njora.
| עליו תרנה אשפה להב חנית וכידון׃ | 23 |
Thiaka wa mũmĩhaici ũbocabocaga mbaru-inĩ ciayo, hamwe na itimũ rĩkũhenia na mĩcengi.
| ברעש ורגז יגמא ארץ ולא יאמין כי קול שופר׃ | 24 |
Irĩĩaga tĩĩri nĩ ũrũme; ndĩngĩrũgama ĩkindĩirie hĩndĩ ĩrĩa karumbeta kagamba.
| בדי שפר יאמר האח ומרחוק יריח מלחמה רעם שרים ותרועה׃ | 25 |
Hĩndĩ ĩrĩa karumbeta kagamba ĩgatiiha, ‘Hĩ!’ Ĩnyiitaga thaaha wa mbaara ĩrĩ o haraaya, na ĩkaigua kayũ ka anene a mbaara, o na mbugĩrĩrio ya mbaara.
| המבינתך יאבר נץ יפרש כנפו לתימן׃ | 26 |
“Rwĩgĩ-rĩ, nĩwe ũrũhotithagia kũmbũka na ũũgĩ waku, kana gũtambũrũkia mathagu maruo rwerekeire mwena wa gũthini?
| אם על פיך יגביה נשר וכי ירים קנו׃ | 27 |
Nderi nĩwe ũmĩathaga yũmbũke na igũrũ, na ĩkeyakĩra gĩtara kĩayo igũrũ mũno?
| סלע ישכן ויתלנן על שן סלע ומצודה׃ | 28 |
Ĩtũũraga kĩharũrũka-inĩ kĩa ihiga, na nĩ ho ĩraaraga; rũhĩa-inĩ rwa ihiga iraaya mũno nĩ ho mwĩgitio wayo.
| משם חפר אכל למרחוק עיניו יביטו׃ | 29 |
Ĩrĩ hau nĩguo ĩcaragĩria gĩa kũrĩa; maitho mayo moonaga irio irĩ o kũraya.
| ואפרחו יעלעו דם ובאשר חללים שם הוא׃ | 30 |
Tũcui twayo tũnyuuaga thakame, na handũ harĩa arĩa moragĩtwo marĩ, hau nĩ ho ĩkoragwo.”
