איוב 34
| ויען אליהוא ויאמר׃ | 1 |
Afei Elihu kaa sɛ,
| שמעו חכמים מלי וידעים האזינו לי׃ | 2 |
“Mo anyansafoɔ, montie me nsɛm; mo animdefoɔ monyɛ aso mma me.
| כי אזן מלין תבחן וחך יטעם לאכל׃ | 3 |
Ɛfiri sɛ aso sɔ nsɛm hwɛ sɛdeɛ tɛkrɛma ka aduane hwɛ no.
| משפט נבחרה לנו נדעה בינינו מה טוב׃ | 4 |
Momma yɛnsese nhunu deɛ ɛyɛ ma yɛn. Momma yɛn nyinaa mmɔ mu nsua deɛ ɛyɛ.
| כי אמר איוב צדקתי ואל הסיר משפטי׃ | 5 |
“Hiob kaa sɛ, ‘Me ho nni asɛm, nanso Onyankopɔn abu me ntɛnkyea.
| על משפטי אכזב אנוש חצי בלי פשע׃ | 6 |
Ɛwom sɛ mʼasɛm da ɛkwan mu, nanso, wɔbu me ɔtorofoɔ; ɛwom sɛ menyɛɛ bɔne biara, nanso ne bɛmma no ama me apirakuro a ɛnnwu da.’
| מי גבר כאיוב ישתה לעג כמים׃ | 7 |
Onipa bɛn na ɔte sɛ Hiob a ɔnom animtiabuo sɛ nsuo?
| וארח לחברה עם פעלי און וללכת עם אנשי רשע׃ | 8 |
Ɔne amumuyɛfoɔ nante; na ɔne atirimuɔdenfoɔ nso bɔ.
| כי אמר לא יסכן גבר ברצתו עם אלהים׃ | 9 |
Ɛfiri sɛ ɔka sɛ, ‘Sɛ onipa bɔ mmɔden sɛ ɔbɛsɔ Onyankopɔn ani a ɔnnya ho mfasoɔ biara.’
| לכן אנשי לבב שמעו לי חללה לאל מרשע ושדי מעול׃ | 10 |
“Enti mo mmarima a mowɔ nteaseɛ montie me. Ɛmpare Onyankopɔn sɛ ɔbɛyɛ bɔne, sɛ Otumfoɔ no bɛyɛ mfomsoɔ.
| כי פעל אדם ישלם לו וכארח איש ימצאנו׃ | 11 |
Nnipa nneyɛeɛ so na ɔhwɛ tua wɔn ka; deɛ ɛfata ne nneyɛeɛ na ɔma ɛba ne so.
| אף אמנם אל לא ירשיע ושדי לא יעות משפט׃ | 12 |
Ɛmfata sɛ wɔde mfomsoɔ susu Onyankopɔn, na ɛmfata sɛ wɔde ntɛnkyea susu Otumfoɔ.
| מי פקד עליו ארצה ומי שם תבל כלה׃ | 13 |
Hwan na ɔde no sii asase so? Hwan na ɔde ewiase nyinaa hyɛɛ ne nsa?
| אם ישים אליו לבו רוחו ונשמתו אליו יאסף׃ | 14 |
Sɛ ɛyɛɛ ne pɛ na ɔyii ne Honhom ne nʼahome a,
| יגוע כל בשר יחד ואדם על עפר ישוב׃ | 15 |
anka adasamma nyinaa bɛbɔ mu ayera, na onipa bɛsane akɔ mfuturo mu.
| ואם בינה שמעה זאת האזינה לקול מלי׃ | 16 |
“Sɛ mowɔ nhunumu a, montie yei; montie deɛ meka.
| האף שונא משפט יחבוש ואם צדיק כביר תרשיע׃ | 17 |
Obi a ɔkyiri atɛntenenee bɛtumi adi nnipa so? Mobɛtumi abu Ɔteneneeni kɛseɛ no fɔ anaa?
| האמר למלך בליעל רשע אל נדיבים׃ | 18 |
Ɛnyɛ Ɔno na ɔka kyerɛ ahemfo sɛ, ‘Mo ho nni mfasoɔ,’ na ɔka kyerɛɛ atitire sɛ, ‘Moyɛ atirimuɔdenfoɔ’?
| אשר לא נשא פני שרים ולא נכר שוע לפני דל כי מעשה ידיו כלם׃ | 19 |
Ɔnhwɛ mmapɔmma anim na ɔnyiyi adefoɔ ne ahiafoɔ mu, ɛfiri sɛ wɔn nyinaa yɛ ne nsa ano adwuma.
| רגע ימתו וחצות לילה יגעשו עם ויעברו ויסירו אביר לא ביד׃ | 20 |
Wɔwuwu mmerɛ tiawa bi mu, wɔ anadwo dasuo mu; nnipa no ho woso na wɔsene kɔ; ahoɔdenfoɔ totɔ a ɛmfiri onipa.
| כי עיניו על דרכי איש וכל צעדיו יראה׃ | 21 |
“Nʼani hwɛ nnipa akwan; na ɔhunu wɔn anammɔntuo biara.
| אין חשך ואין צלמות להסתר שם פעלי און׃ | 22 |
Baabiara nni hɔ a aduru sum, esum kabii, a amumuyɛfoɔ bɛtumi ahinta.
| כי לא על איש ישים עוד להלך אל אל במשפט׃ | 23 |
Ɛho nhia Onyankopɔn sɛ ɔbɛhwehwɛ nnipa mu bio, a enti ɛsɛ sɛ wɔba nʼanim bɛgye atemmuo.
| ירע כבירים לא חקר ויעמד אחרים תחתם׃ | 24 |
Ɔbobɔ aberempɔn gu a ɔnyɛ nhwehwɛmu biara, na ɔde afoforɔ sisi wɔn ananmu.
| לכן יכיר מעבדיהם והפך לילה וידכאו׃ | 25 |
Ɛfiri sɛ ɔhunu wɔn nneyɛeɛ, ɔtu wɔn gu anadwo na wɔdwerɛ wɔn.
| תחת רשעים ספקם במקום ראים׃ | 26 |
Ɔtua wɔn amumuyɛsɛm so ka wɔ baabi a obiara bɛtumi ahunu wɔn,
| אשר על כן סרו מאחריו וכל דרכיו לא השכילו׃ | 27 |
ɛfiri sɛ, wɔmane firii nʼakyi kɔeɛ na wɔampɛ nʼakwan biara anhwɛ.
| להביא עליו צעקת דל וצעקת עניים ישמע׃ | 28 |
Wɔmaa ahiafoɔ sufrɛ duruu nʼanim na ɛma ɔtee mmɔborɔni su.
| והוא ישקט ומי ירשע ויסתר פנים ומי ישורנו ועל גוי ועל אדם יחד׃ | 29 |
Nanso sɛ ɔyɛ komm a, hwan na ɔbɛtumi abu no fɔ? Sɛ ɔde nʼanim hinta nso a, hwan na ɔbɛhunu no? Nanso ɔdi onipa ne ɔman so pɛpɛɛpɛ,
| ממלך אדם חנף ממקשי עם׃ | 30 |
ɔmma onipa a ɔnnim Onyame nni ɔhene, sɛdeɛ wɔnnsum nnipa no mfidie.
| כי אל אל האמר נשאתי לא אחבל׃ | 31 |
“Adɛn enti na onipa nka nkyerɛ Onyankopɔn sɛ, ‘Mayɛ bɔne na merenyɛ bɔne bio.
| בלעדי אחזה אתה הרני אם עול פעלתי לא אסיף׃ | 32 |
Kyerɛ me na menhunu; na sɛ mayɛ bɔne a, merenyɛ saa bio.’
| המעמך ישלמנה כי מאסת כי אתה תבחר ולא אני ומה ידעת דבר׃ | 33 |
Ɛsɛ sɛ Onyankopɔn gyina deɛ wode wʼano aka so tua wo ka, wɔ ɛberɛ a woayɛ sɛ worennu wo ho anaa? Ɛsɛ sɛ wosi gyinaeɛ, ɛnyɛ me; enti ka deɛ wonim kyerɛ me.
| אנשי לבב יאמרו לי וגבר חכם שמע לי׃ | 34 |
“Nnipa a wɔwɔ nteaseɛ pae mu ka, animdefoɔ a wɔtie me ka kyerɛ me sɛ,
| איוב לא בדעת ידבר ודבריו לא בהשכיל׃ | 35 |
‘Hiob nnkasa nimdeɛ kwan so; aba biara nni ne kasa mu.’
| אבי יבחן איוב עד נצח על תשבת באנשי און׃ | 36 |
Ao, sɛ wɔsɔɔ Hiob hwɛeɛ kɔɔ akyiri a anka ɛyɛ, ɛfiri sɛ ɔyiyii nsɛm ano sɛ omumuyɛfoɔ!
| כי יסיף על חטאתו פשע בינינו יספוק וירב אמריו לאל׃ | 37 |
Ɔde atuateɛ ka ne bɔne ho; ɔde ahantan bɔ ne nsam gu yɛn so na ɔma ne nsɛm a ɔka tia Onyankopɔn no dɔɔso.”
