איוב 34

1 ויען אליהוא ויאמר׃

Hagi Elihu'a mago'ene amanage hu'ne,

2 שמעו חכמים מלי וידעים האזינו לי׃

Knare antahi'zama eri'nana ne'moka nagrama hanua nanekere kagesa antenka nentahinka, ama' antahi'zama eri'nana ne'moka nagrama hanua nanekea akohenka mani'nenka antahio.

3 כי אזן מלין תבחן וחך יטעם לאכל׃

Hagi ne'zama tagite erinteta haga'ama neta konaza huno, maka nanekema tagesamo'ma antahia nanekea, tagesamo'a rezagane so'e huno nentahie.

4 משפט נבחרה לנו נדעה בינינו מה טוב׃

E'ina hu'negu inagemo fatgo huno knare hu'nefi tagra'a rezaganeta negeta, rempi huta antahisune.

5 כי אמר איוב צדקתי ואל הסיר משפטי׃

Hagi Jopu'ma kema hifina anage hu'ne, nagrira ke'ni'a omane'neanagi, Anumzamo'a kema hu kankamuni'a eri atrege'na mago zana osu'noe huno hu'ne.

6 על משפטי אכזב אנוש חצי בלי פשע׃

Nagrira mago hazenke'ni'a omanegeno keni'a omane'ne. Hianagi vahe'mo'za nagrikura havige ne' mani'ne hu'za nehaze. Nagrira kumini'a omane'neanagi natama namino nevia natazamo'a vagaoresnia avamente nevie.

7 מי גבר כאיוב ישתה לעג כמים׃

Hagi magora Jopukna nera iza mani'ne. Agra kizazokago ke huno vahe'ma zamaveri hu kege nehia ne' mani'ne.

8 וארח לחברה עם פעלי און וללכת עם אנשי רשע׃

Ana nehuno Jopu'a kumi'ma nehaza vahe'ene eri mago huno nemanino, kefo avu'ava'ma nehaza vahe'ene kna ahefrino nemanie.

9 כי אמר לא יסכן גבר ברצתו עם אלהים׃

Na'ankure Jopu'a huno, Anumzamofoma musema huntesnampintira mago zana e'origahane huno hu'ne.

10 לכן אנשי לבב שמעו לי חללה לאל מרשע ושדי מעול׃

E'ina hu'negu ama' antahi'zama eri'naza vahe'mota nagri naneke antahiho. Maka vahe'mo'zama antahi'nazana Anumzamo'a havi avu'avara nosia ne' mani'ne hu'za antahi'naze. Ana hu'neankino Hankavenentake Anumzamo'a mago hazenkea osugahie.

11 כי פעל אדם ישלם לו וכארח איש ימצאנו׃

Vahe'mo'zama hu'naza avu'avate anteno rezaganeno negeno, mizana zamitere nehia Anumza mani'ne.

12 אף אמנם אל לא ירשיע ושדי לא יעות משפט׃

Tamagerfa huno Hankavenentake Anumzamo'a mago hazenke zana osugahie. Ana hu'neankino Hanavenentake Anumzamo'a fatgo huno refkoa hugahie.

13 מי פקד עליו ארצה ומי שם תבל כלה׃

Iza ama mopa tro huteno, kegava huo huno Anumzamofonkura hunte'ne?

14 אם ישים אליו לבו רוחו ונשמתו אליו יאסף׃

Hagi Anumzamo'ma Agra'a avamu'ene, asimu'anema ete eriresina,

15 יגוע כל בשר יחד ואדם על עפר ישוב׃

maka asimu'ma enerino kasefa'ma huno nemania zagamo'a fri vaganeregeno, maka vahe'mo'za fri'za ete mopasazaresine.

16 ואם בינה שמעה זאת האזינה לקול מלי׃

E'ina hu'negu Jopuga ama' antahi'zane vahe mani'noema hunka hanunka, nagrama nehua nanekere kagesa ante'nenka antahio.

17 האף שונא משפט יחבוש ואם צדיק כביר תרשיע׃

Kagrama antahinana fatgo avu'ava zanku'ma avesrama hiresina, Anumzamo'a ama mopa kegava hunora viresimpi? E'ina hu'negu Hankave nentake huno fatgoma hu'nea Anumzamo'ma refko'ma hania zantera, mago hazenke hu'ne hunka huamara huntegahampi?

18 האמר למלך בליעל רשע אל נדיבים׃

Anumzamo'a kini vahekura huno, mago zana huga vahera omani'naze nehuno, zamagima me'nea vahekura huno havi avu'avaza nehaza vahe mani'naze huno nehie.

19 אשר לא נשא פני שרים ולא נכר שוע לפני דל כי מעשה ידיו כלם׃

Anumzamo maka vahera Agra'a tro huzmante'neankino, agi me'nea vahe'ene zago vahekukera nehuno, zamagi omne vahe'ene zamunte omne vahera zamage amne zanknara nosianki, Agri avurera mago avamenteke mani'naze.

20 רגע ימתו וחצות לילה יגעשו עם ויעברו ויסירו אביר לא ביד׃

Vahe'mo'za osi'a knafi ame hu'za nefrize. Kenage amu'nompi friza nevazageno, hankave vahera Anumzamo'a zamahe nefrie.

21 כי עיניו על דרכי איש וכל צעדיו יראה׃

Na'ankure maka vahe'mo'zama haza zana Anumzamo'a negeno, maka avu'ava zama hazana nege.

22 אין חשך ואין צלמות להסתר שם פעלי און׃

Hanima nehia zamo'a Anumzamofo avua resoa osanigeno, maka kumira amate kegahie.

23 כי לא על איש ישים עוד להלך אל אל במשפט׃

E'ina hu'negu tagra kna huhampri'neta ana knarera esanunkeno, Anumzamo'a refkoa huorantegahie.

24 ירע כבירים לא חקר ויעמד אחרים תחתם׃

Anumzamo'a mago hankave vahe'ma azeri havizama hunakura, vahera antahigeteno anara nosie. Ana'ma nehuno'a ana vahe nontera ruvahe azeri o'netie.

25 לכן יכיר מעבדיהם והפך לילה וידכאו׃

Ana vahe'mo'za nehaza zamavu zmavara keno antahino hu'ne. Ana hu'neankino kenageke'za ana vahera zamahe fanane nehie.

26 תחת רשעים ספקם במקום ראים׃

Hagi havi vahe'mo'zama zamavu'zmava zama hu'naza zamofo nona'a, amate zamazeri haviza nehige'za vahe'mo'za nezamagaze.

27 אשר על כן סרו מאחריו וכל דרכיו לא השכילו׃

Anama nehiana na'ankure Anumzamo'ma hihoma huno hiazana nosu'za, Agri kasegema amage'ma nontaza zanku anara nehie.

28 להביא עליו צעקת דל וצעקת עניים ישמע׃

Ana zamunte omne vahera zamazeri havizama hazage'zama Anumzamofontega zavi'ma nete'zama, zavi krafama nehazageno'a Anumzamo'a antahi'ne.

29 והוא ישקט ומי ירשע ויסתר פנים ומי ישורנו ועל גוי ועל אדם יחד׃

Hianagi ana zante'ma Anumzamo'ma nona huno havi avu'ava'ma nehaza vahe'ma zamazeri havizama nosanigeno'a, iza huno Anumzamo'a havi avu'ava nehie? hunora hugahie. Hagi avugosama eri fra'ma nekisanigeno'a, mago vahe'mo'a keno eri forera osugahie. Hianagi Agrake mago'mago vahete'ene ama mopafima me'nea kumatamina kegava hu'ne.

30 ממלך אדם חנף ממקשי עם׃

Hagi Anumzamoke kefo avu'ava'ma nehaza vahe'mo'zama kva vahe'ma mani'ne'za vahe'ma zamavare'za havi kampima atresnage'za, kumi'ma hu'zanku huno anara nehie.

31 כי אל אל האמר נשאתי לא אחבל׃

Hagi izaga antahi'nankeno Jopu'a Anumzamofonkura huno, nagrama hu'noa kumi'mofo nona hunka nazeri haviza nehananki, mago'enena kumira osugahue hunora hu'ne?

32 בלעדי אחזה אתה הרני אם עול פעלתי לא אסיף׃

Nagrama hu'nesnua kumira eri ama hunka nasamio. Hagi nagrama havi navu'navama hu'nesnuana henka'anena anazana osugahue.

33 המעמך ישלמנה כי מאסת כי אתה תבחר ולא אני ומה ידעת דבר׃

Anumzamo'ma Jopugama hugantea zankura kave'nosie. Ana hu'negu kagri'ma kave'nesiaza Anumzamo'a hunantesie hunka kagesa ontahio. Hianagi nagri zana omane'neanki, kagripi antahintahia me'ne. Ana hu'negu menina knare antahi'zanka'a huama hugeta antahi'maneno.

34 אנשי לבב יאמרו לי וגבר חכם שמע לי׃

Hagi ama' antahi'zama eri'naza vahe'mo'zane, knare antahi'zama eri'naza vahe'mo'zama nagrama hua nanekema nentahi'za amanage hu'za nagrikura hazaresine.

35 איוב לא בדעת ידבר ודבריו לא בהשכיל׃

Jopu'a agafa'a omane'nea naneke nehantageno, antahintahia osu neginagi naneke nehie hu'za hazaresine.

36 אבי יבחן איוב עד נצח על תשבת באנשי און׃

Jopugama kefo nanekema hu'nana zantera, Anumzamo'a tusi'a knaza kamigahie.

37 כי יסיף על חטאתו פשע בינינו יספוק וירב אמריו לאל׃

Jopu'a kumi'ma hu'nea agofetu'ma, mago'ene kumi'ma hu'neana, azante rupro huno Anumzamofona kiza zokago ke hunenteno, tagri'enena keha'nereno, Anumzamofonkura huno fatgo hunora refkoa hunonante huno keharente'ne.