איוב 31
| ברית כרתי לעיני ומה אתבונן על בתולה׃ | 1 |
“Me ne mʼani yɛɛ apam sɛ meremfiri akɔnnɔ mu nhwɛ ababaawa.
| ומה חלק אלוה ממעל ונחלת שדי ממרמים׃ | 2 |
Ɛdeɛn ne onipa kyɛfa a ɛfiri ɔsoro Onyankopɔn nkyɛn? Ɛdeɛn ne nʼagyapadeɛ a ɛfiri ɔsoro Otumfoɔ no nkyɛn?
| הלא איד לעול ונכר לפעלי און׃ | 3 |
Ɛnyɛ ɔsɛeɛ mma amumuyɛfoɔ? Ɛnyɛ asiane mma wɔn a wɔyɛ bɔne?
| הלא הוא יראה דרכי וכל צעדי יספור׃ | 4 |
Ɔnhunu mʼakwan na ɔnkan anammɔn biara a metuo anaa?
| אם הלכתי עם שוא ותחש על מרמה רגלי׃ | 5 |
“Sɛ manante wɔ nkontompo mu anaasɛ matu mmirika adi nnaadaasɛm akyi a,
| ישקלני במאזני צדק וידע אלוה תמתי׃ | 6 |
ma Onyankopɔn nkari me wɔ nsania papa so na ɔbɛhunu sɛ me ho nni asɛm.
| אם תטה אשרי מני הדרך ואחר עיני הלך לבי ובכפי דבק מאום׃ | 7 |
Sɛ mʼanammɔntuo afom ɛkwan, sɛ mʼakoma adi mʼani akyi, anaasɛ me nsa ho agu fi a
| אזרעה ואחר יאכל וצאצאי ישרשו׃ | 8 |
ɛnneɛ ma afoforɔ nni deɛ madua, na ma wɔntutu me mfudeɛ ngu.
| אם נפתה לבי על אשה ועל פתח רעי ארבתי׃ | 9 |
“Sɛ ɔbaa bi atɔ mʼakoma so, anaasɛ matɛ me yɔnko bi ɛpono akyi a,
| תטחן לאחר אשתי ועליה יכרעון אחרין׃ | 10 |
ɛnneɛ, me yere nyam ɔbarima foforɔ aduane, na mmarima afoforɔ ne no nna.
| כי הוא זמה והיא עון פלילים׃ | 11 |
Ɛfiri sɛ, anka ɛno na ɛbɛyɛ aniwusɛm ne bɔne a ɛsɛ sɛ wɔtwe aso wɔ so.
| כי אש היא עד אבדון תאכל ובכל תבואתי תשרש׃ | 12 |
Ɛyɛ ogya a ɛhye kɔduru ɔsɛeɛ mu na ɛbɛtumi atutu mʼagyapadeɛ nyinaa ase.
| אם אמאס משפט עבדי ואמתי ברבם עמדי׃ | 13 |
“Sɛ mabu mʼasomfoɔ mmarima ne mmaa ntɛnkyea ɛberɛ a wɔ ne me nyaa asɛm,
| ומה אעשה כי יקום אל וכי יפקד מה אשיבנו׃ | 14 |
na sɛ Onyankopɔn de si mʼanim a, ɛdeɛn na mɛyɛ? Sɛ wɔfrɛ me akontabuo a, mmuaeɛ bɛn na mɛma?
| הלא בבטן עשני עשהו ויכננו ברחם אחד׃ | 15 |
Ɛnyɛ deɛ ɔbɔɔ me wɔ yafunu mu no na ɔbɔɔ wɔn? Ɛnyɛ onipa korɔ no na ɔbɔɔ yɛn nyinaa wɔ yɛn maamenom yafunu mu?
| אם אמנע מחפץ דלים ועיני אלמנה אכלה׃ | 16 |
“Ohiani bi wɔ hɔ a ɔhia mmoa a mammoa no? Anaa mabu akunafoɔ bi abasa mu?
| ואכל פתי לבדי ולא אכל יתום ממנה׃ | 17 |
Mabɔ mʼaduane ho atirimuɔden a mamma nwisiaa bi?
| כי מנעורי גדלני כאב ומבטן אמי אנחנה׃ | 18 |
Dabi, ɛfiri me mmeranteberɛ mu, matete wɔn sɛdeɛ agya bɛyɛ, na me nkwa nna nyinaa mu, mahwɛ akunafoɔ.
| אם אראה אובד מבלי לבוש ואין כסות לאביון׃ | 19 |
Sɛ mahunu obi a ɔnni aduradeɛ na ɔrebrɛ, anaa ohiani bi a ɔnni atadeɛ,
| אם לא ברכוני חלצו ומגז כבשי יתחמם׃ | 20 |
na sɛ wamfiri akoma mu anhyira me wɔ ɛberɛ a mede me nnwan ho nwi kaa no hye,
| אם הניפותי על יתום ידי כי אראה בשער עזרתי׃ | 21 |
sɛ mama me nsa so atia awisiaa bi, ɛsiane sɛ mewɔ tumi wɔ asɛnniiɛ enti a,
| כתפי משכמה תפול ואזרעי מקנה תשבר׃ | 22 |
ɛnneɛ ma mʼabasa mpan mfiri mʼabatiri, ma ɛmmubu mfiri ne pɔ so.
| כי פחד אלי איד אל ומשאתו לא אוכל׃ | 23 |
Mesuroo ɔsɛeɛ a ɛfiri Onyankopɔn nkyɛn, na nʼanimuonyam ho suro enti mantumi anyɛ saa nneɛma yi.
| אם שמתי זהב כסלי ולכתם אמרתי מבטחי׃ | 24 |
“Sɛ mede me werɛ ahyɛ sikakɔkɔɔ mu anaasɛ maka akyerɛ sikakɔkɔɔ amapa sɛ, ‘Wo na wobɔ me ho ban,’
| אם אשמח כי רב חילי וכי כביר מצאה ידי׃ | 25 |
sɛ masɛpɛ me ho wɔ mʼahodeɛ bebrebe enti, ahodeɛ a me nsa aka yi,
| אם אראה אור כי יהל וירח יקר הלך׃ | 26 |
sɛ mahwɛ owia a ɛhyerɛn anaa ɔsrane a ɛnam animuonyam mu,
| ויפת בסתר לבי ותשק ידי לפי׃ | 27 |
ama aka mʼakoma a obiara nnim na me nsa yɛɛ wɔn atuu de anidie maa wɔn a,
| גם הוא עון פלילי כי כחשתי לאל ממעל׃ | 28 |
ɛnneɛ na yeinom nso bɛyɛ bɔne a wɔbu ho atɛn, ɛfiri sɛ na manni Onyankopɔn a ɔte ɔsoro no nokorɛ.
| אם אשמח בפיד משנאי והתעררתי כי מצאו רע׃ | 29 |
“Mʼani nnyee wɔ me ɔtamfoɔ amanehunu ho anaa menseree no wɔ ɔhaw a aba ne so.
| ולא נתתי לחטא חכי לשאל באלה נפשו׃ | 30 |
Memmaa mʼano nyɛɛ bɔne sɛ mɛdome obi nkwa.
| אם לא אמרו מתי אהלי מי יתן מבשרו לא נשבע׃ | 31 |
Mʼasomfoɔ a wɔwɔ me fidua mu nkaa da sɛ, ‘Ɔma ɛkɔm de yɛn.’
| בחוץ לא ילין גר דלתי לארח אפתח׃ | 32 |
Ɔhɔhoɔ biara anna abɔntene so da, ɛfiri sɛ me ɛpono ano daa hɔ da biara maa akwantufoɔ,
| אם כסיתי כאדם פשעי לטמון בחבי עוני׃ | 33 |
Makata me bɔne so sɛdeɛ nnipa yɛ de mʼafɔdie ahyɛ mʼakoma mu?
| כי אערוץ המון רבה ובוז משפחות יחתני ואדם לא אצא פתח׃ | 34 |
Suro a mesuro nnipadɔm ne ahohora a ɛfiri mmusua hɔ no enti meyɛɛ komm a mamfiri adi?
| מי יתן לי שמע לי הן תוי שדי יענני וספר כתב איש ריבי׃ | 35 |
(“Ao, sɛ anka mewɔ obi a ɔbɛtie me. Mede me din ahyɛ mʼanoyie ase, ma Otumfoɔ no mmua me; ma deɛ ɔbɔ me kwaadu no ntwerɛ ne soboɔbɔ.
| אם לא על שכמי אשאנו אענדנו עטרות לי׃ | 36 |
Ampa ara, anka mede bɛhyɛ mʼabatiri, anka mede bɛhyɛ sɛ ahenkyɛ.
| מספר צעדי אגידנו כמו נגיד אקרבנו׃ | 37 |
Anka mɛbu mʼanammɔntuo biara ho akonta akyerɛ no; anka mɛkɔ nʼanim sɛ ɔheneba.)
| אם עלי אדמתי תזעק ויחד תלמיה יבכיון׃ | 38 |
“Sɛ mʼasase team tia me na nisuo fɔ nʼakofie nyinaa,
| אם כחה אכלתי בלי כסף ונפש בעליה הפחתי׃ | 39 |
sɛ madi so aba a mentuaa ka anaasɛ mabu ɛso apaafoɔ no abamu a,
| תחת חטה יצא חוח ותחת שערה באשה תמו דברי איוב׃ | 40 |
ma nkasɛɛ mfifiri nsi ayuo anan mu na wira mfu nsi atokoɔ anan mu.” Hiob nsɛm no asi.
