ישעה 60

1 קומי אורי כי בא אורך וכבוד יהוה עליך זרח׃

耶路撒冷啊！起來炫耀罷！因為你的光明已經來到，上主的榮耀已經照耀在你身上。

2 כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

看啊！黑暗籠罩著大地，陰雲遮蔽著萬民；但上主卻照耀著你，他的榮耀要彰顯在你的身上。

3 והלכו גוים לאורך ומלכים לנגה זרחך׃

萬民要奔赴你的光明，眾王要投奔你升起的光輝。

4 שאי סביב עיניך וראי כלם נקבצו באו לך בניך מרחוק יבאו ובנתיך על צד תאמנה׃

舉起你的眼向四方觀望罷！他們都聚集來到你這裏：你的眾子要從遠方而來，你的女兒要被抱回來。

5 אז תראי ונהרת ופחד ורחב לבבך כי יהפך עליך המון ים חיל גוים יבאו לך׃

那時，你見到這情形，必要喜形於色，你的心靈必要激動而舒暢，因為海洋的珍寶都要歸於你，萬民的財富都要歸你所有。

6 שפעת גמלים תכסך בכרי מדין ועיפה כלם משבא יבאו זהב ולבונה ישאו ותהלת יהוה יבשרו׃

成群結隊的駱駝，以及米德楊和厄法的獨峰駝要遮蔽你，牠們都是由舍巴滿載黃金和乳香而來，宣揚上主的榮耀。

7 כל צאן קדר יקבצו לך אילי נביות ישרתונך יעלו על רצון מזבחי ובית תפארתי אפאר׃

刻達爾的一切羊群都要聚在你前，乃巴約特的公羊都要供你使用；牠們要登上我的祭壇作為我歡悅的祭品，以光榮我榮耀的處所。

8 מי אלה כעב תעופינה וכיונים אל ארבתיהם׃

那些像雲彩飛來，像鴿子回籠的是誰﹖

9 כי לי איים יקוו ואניות תרשיש בראשנה להביא בניך מרחוק כספם וזהבם אתם לשם יהוה אלהיך ולקדוש ישראל כי פארך׃

那是為我集合起來的船隻，塔爾史士的船隻為首，從遠處帶來了你的子女，以及他們的金銀；這都是為了上主你的天主的名，為了那光榮你的以色列的聖者的緣故。

10 ובנו בני נכר חמתיך ומלכיהם ישרתונך כי בקצפי הכיתיך וברצוני רחמתיך׃

外邦的子民要修建你的城垣，他們的君王要來事奉你，因為我在怒氣中打擊了你，但我在慈悲中又憐憫了你。

11 ופתחו שעריך תמיד יומם ולילה לא יסגרו להביא אליך חיל גוים ומלכיהם נהוגים׃

你的門要時常敞開，白天黑夜都不要關閉，好讓萬民的財富，在他們的君王領導下，運到你這裏來。

12 כי הגוי והממלכה אשר לא יעבדוך יאבדו והגוים חרב יחרבו׃

因為凡不肯事奉你的民族和國家，必要滅亡，這樣的民族必要完全滅絕。

13 כבוד הלבנון אליך יבוא ברוש תדהר ותאשור יחדו לפאר מקום מקדשי ומקום רגלי אכבד׃

黎巴嫩的光榮要歸於你；柏樹、榆樹和松樹都要聚在一起，裝飾我的聖所，因為我要光榮我立足之地。

14 והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל׃

曾經欺壓過你者的子孫，要來向你屈服；凡輕視過你的人，都要在你腳前下拜；他們要稱呼你為「上主的城，」「以色列聖者的熙雍。」

15 תחת היותך עזובה ושנואה ואין עובר ושמתיך לגאון עולם משוש דור ודור׃

我要使你成為萬世的尊榮，萬代的喜悅，以代你從前所受的遺棄、惱恨，與無人經過的痛苦。

16 וינקת חלב גוים ושד מלכים תינקי וידעת כי אני יהוה מושיעך וגאלך אביר יעקב׃

你要吸萬國的奶，吮眾王的乳房，這樣你將知道我，上主，是你的拯救者，你的救主，雅各伯的強有力者。

17 תחת הנחשת אביא זהב ותחת הברזל אביא כסף ותחת העצים נחשת ותחת האבנים ברזל ושמתי פקדתך שלום ונגשיך צדקה׃

我要以金子來代替黃銅，以銀子代替鐵，以黃銅代替木頭，以鐵代替石頭；我要立「和平」為你的官長，立「正義」為你的政要。

18 לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה׃

在你的地域裏再聽不到強暴的事情；你要稱你的城垣為「救恩，」你的城門為「讚揚。」

19 לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃

太陽不再是你白天的光明，月亮也不再照耀你，上主要作你永久的光明，你的天主要作你的光輝。

20 לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃

你的太陽再不降落，你的月亮再不虧缺，因為上主要作你永久的光明，你悲哀的日子已經終結。

21 ועמך כלם צדיקים לעולם יירשו ארץ נצר מטעו מעשה ידי להתפאר׃

你的人民都要成為義人，要永遠繼承地業，因為他們是我所栽植的嫩芽，是我手中的工程，使我得到榮耀。

22 הקטן יהיה לאלף והצעיר לגוי עצום אני יהוה בעתה אחישנה׃

渺小的要成為千人村，微弱的要成為強大的民族：我是上主，我要在定期中迅速完成此事。