בראשית 9
| ויברך אלהים את נח ואת בניו ויאמר להם פרו ורבו ומלאו את הארץ׃ | 1 |
Ipapo Mwari akaropafadza Noa navanakomana vake, akati kwavari, “Berekanai muwande uye muzadze nyika.
| ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃ | 2 |
Mhuka dzose dzenyika neshiri dzose dzedenga dzichakutyai uye dzichakuvhundukai; zvisikwa zvose zvinokambaira panyika, nehove dzose dzegungwa, zvakapiwa mumaoko enyu.
| כל רמש אשר הוא חי לכם יהיה לאכלה כירק עשב נתתי לכם את כל׃ | 3 |
Zvinhu zvose zvinorarama nezvinokambaira zvichava zvokudya zvenyu. Sezvandakakupai muriwo munyoro, ndiri kukupai zvino zvinhu zvose.
| אך בשר בנפשו דמו לא תאכלו׃ | 4 |
“Asi hamufaniri kudya nyama, ropa rayo roupenyu richiri mairi.
| ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃ | 5 |
Uye zvirokwazvo ndichatsvaka kuti muzvidavirire nokuda kweropa roupenyu hwenyu. Ndichatsvaka kuti muzvidavirire pamhuka dzose. Uye kubvawo pamunhu mumwe nomumwe, ndichatsvaka kuti azvidavirire nokuda kwoupenyu hwomunhu wokwake.
| שפך דם האדם באדם דמו ישפך כי בצלם אלהים עשה את האדם׃ | 6 |
“Ani naani anoteura ropa romunhu, ropa rake richateurwawo nomunhu; nokuti nomufananidzo waMwari, Mwari akaita munhu.
| ואתם פרו ורבו שרצו בארץ ורבו בה׃ | 7 |
Kana murimi, berekanai muwande; muwande panyika uye muwande kwazvo pamusoro payo.”
| ויאמר אלהים אל נח ואל בניו אתו לאמר׃ | 8 |
Ipapo Mwari akati kuna Noa navanakomana vaaiva navo,
| ואני הנני מקים את בריתי אתכם ואת זרעכם אחריכם׃ | 9 |
“Zvino ndava kusimbisa sungano yangu newe uye nezvizvarwa zvako zvinotevera,
| ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ׃ | 10 |
uye nezvisikwa zvipenyu zvose zvakanga zvinewe, shiri, zvipfuwo nemhuka dzose dzesango, dzose dziya dzakabuda newe muareka, zvisikwa zvipenyu zvose zviri panyika.
| והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ׃ | 11 |
Ndiri kusimbisa sungano yangu newe: Zvipenyu zvose hazvichatongoparadzwizve nemvura yamafashamu; hakuchatongovizve namafashamu okuti aparadze nyika.”
| ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם לדרת עולם׃ | 12 |
Uye Mwari akati, “Ichi ndicho chiratidzo chesungano yandiri kuita pakati pangu nemi nezvisikwa zvose zvipenyu zvinemi, sungano yamarudzi ose ari kuzouya:
| את קשתי נתתי בענן והיתה לאות ברית ביני ובין הארץ׃ | 13 |
Ndaisa muraravungu wangu mumakore, uye uchava chiratidzo chesungano pakati pangu nenyika.
| והיה בענני ענן על הארץ ונראתה הקשת בענן׃ | 14 |
Pose pandinouyisa makore pamusoro penyika, uye muraravungu ukaonekwa mumakore,
| וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר׃ | 15 |
ndicharangarira sungano yangu pakati pangu nemi nezvisikwa zvipenyu zvose zvamarudzi ose. Mvura haingatongoitizve mafashamu kuti iparadze zvipenyu zvose.
| והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ׃ | 16 |
Pose panoonekwa muraravungu mumakore, ndichaona ndigorangarira sungano yangu isingaperi pakati paMwari nezvisikwa zvipenyu zvose zvemhando dzose panyika.”
| ויאמר אלהים אל נח זאת אות הברית אשר הקמתי ביני ובין כל בשר אשר על הארץ׃ | 17 |
Saka Mwari akati kuna Noa, “Ichi ndicho chiratidzo chesungano yandakasimbisa pakati pangu nezvipenyu zvose zviri panyika.”
| ויהיו בני נח היצאים מן התבה שם וחם ויפת וחם הוא אבי כנען׃ | 18 |
Vanakomana vaNoa vakabuda muareka vaiva Shemu, Hamu naJafeti. (Hamu akanga ari baba vaKenani.)
| שלשה אלה בני נח ומאלה נפצה כל הארץ׃ | 19 |
Ava ndivo vakanga vari vanakomana vatatu vaNoa, uye kwavari ndiko kwakabva vanhu vakapararira pamusoro penyika.
| ויחל נח איש האדמה ויטע כרם׃ | 20 |
Noa akava murimi, akarima munda wamazambiringa.
| וישת מן היין וישכר ויתגל בתוך אהלה׃ | 21 |
Akati anwa imwe yewaini yawo, akadhakwa uye akavata akashama mutende rake.
| וירא חם אבי כנען את ערות אביו ויגד לשני אחיו בחוץ׃ | 22 |
Hamu, baba vaKenani, akaona kusasimira kwababa vake akaudza mukoma wake nomununʼuna vake vaiva panze.
| ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו׃ | 23 |
Asi Shemu naJafeti vakatora nguo vakayiisa pamapfudzi avo; ipapo vakafamba nenhendashure vakafukidza baba vavo pakusasimira kwavo. Zviso zvavo zvakanga zvakatarisa parutivi kuitira kuti varege kuona kusasimira kwababa vavo.
| וייקץ נח מיינו וידע את אשר עשה לו בנו הקטן׃ | 24 |
Noa akati amuka kubva pawaini yake uye akaziva zvakanga zvaitwa kwaari nomwanakomana wake muduku,
| ויאמר ארור כנען עבד עבדים יהיה לאחיו׃ | 25 |
akati, “Kenani ngaatukwe! Achava muranda wavaranda kuvakuru vake.”
| ויאמר ברוך יהוה אלהי שם ויהי כנען עבד למו׃ | 26 |
Akatiwo, “Ngaakudzwe Jehovha, Mwari waShemu! Kenani ngaave muranda waShemu.
| יפת אלהים ליפת וישכן באהלי שם ויהי כנען עבד למו׃ | 27 |
Mwari ngaakurise nyika yaJafeti; Jafeti ngaagare mumatende aShemu, uye Kenani ngaave muranda wake.”
| ויחי נח אחר המבול שלש מאות שנה וחמשים שנה׃ | 28 |
Shure kwamafashamu, Noa akararama kwamakore mazana matatu namakumi mashanu.
| ויהיו כל ימי נח תשע מאות שנה וחמשים שנה וימת׃ | 29 |
Pamwe chete, Noa akararama kwamakore mazana mapfumbamwe namakumi mashanu, uye akafa.
