דברים 25
| כי יהיה ריב בין אנשים ונגשו אל המשפט ושפטום והצדיקו את הצדיק והרשיעו את הרשע׃ | 1 |
幾時人與人之間發生爭訟，而對簿公庭，定案時，正直的，應聲明他正直；有罪的，應判定他有罪；
| והיה אם בן הכות הרשע והפילו השפט והכהו לפניו כדי רשעתו במספר׃ | 2 |
如有罪的應受鞭刑，判官應命他伏下，當面按他的罪照數鞭打；
| ארבעים יכנו לא יסיף פן יסיף להכתו על אלה מכה רבה ונקלה אחיך לעיניך׃ | 3 |
只可打他四十下，不可再多；怕鞭打他超過這數目，你的兄弟在你眼前過於受辱。
| לא תחסם שור בדישו׃ | 4 |
牛在打場的時候，不可籠住牠的嘴。
| כי ישבו אחים יחדו ומת אחד מהם ובן אין לו לא תהיה אשת המת החוצה לאיש זר יבמה יבא עליה ולקחה לו לאשה ויבמה׃ | 5 |
如果兄弟住在一起，其中一個沒有留下兒子就死了；死者的妻子不可出嫁外人，丈夫的兄弟應走近她，以她為妻，對她履行兄弟的義務。
| והיה הבכור אשר תלד יקום על שם אחיו המת ולא ימחה שמו מישראל׃ | 6 |
她所生的長子，應歸亡兄名下，免得他的名由以色列中消滅。
| ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי׃ | 7 |
若是那人不肯娶他兄弟的妻子，他兄弟的妻子應到城門去見長老說：「我丈夫的兄弟不願在以色列中給自己的兄弟留名，不願對我盡兄弟的義務。」
| וקראו לו זקני עירו ודברו אליו ועמד ואמר לא חפצתי לקחתה׃ | 8 |
本城的長老應叫那人來，對他說明；如他仍堅持說：「我不願娶她。」
| ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו׃ | 9 |
他兄弟的妻子應當著長老的面，走到他跟前，從他腳上脫下他的鞋，向他臉上吐唾沫說：「那不願給自己兄弟建立家室的人，應這樣對待他。」
| ונקרא שמו בישראל בית חלוץ הנעל׃ | 10 |
從此他的名字，在以色列中，將稱為「脫鞋者的家。」
| כי ינצו אנשים יחדו איש ואחיו וקרבה אשת האחד להציל את אישה מיד מכהו ושלחה ידה והחזיקה במבשיו׃ | 11 |
若兩人彼此毆打，一人的妻子前來，救她的丈夫脫離那打他者的手，伸手抓住了那人的陰部；
| וקצתה את כפה לא תחוס עינך׃ | 12 |
你應砍去她的手，不應表示憐惜。
| לא יהיה לך בכיסך אבן ואבן גדולה וקטנה׃ | 13 |
在你袋裏不可有兩樣法碼：一大一小；
| לא יהיה לך בביתך איפה ואיפה גדולה וקטנה׃ | 14 |
在你家內也不可有兩樣升斗：一大一小。
| אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר יהוה אלהיך נתן לך׃ | 15 |
你應有準確公正的法碼，應有準確公正的升斗，好使你在上主你的天主賜給你的地上，得享長壽；
| כי תועבת יהוה אלהיך כל עשה אלה כל עשה עול׃ | 16 |
因為凡做這些事的，凡做事不公平的，於上主你的天主都是可憎惡的。
| זכור את אשר עשה לך עמלק בדרך בצאתכם ממצרים׃ | 17 |
你應記得，當你由埃及出來時，阿瑪肋克在路上怎樣對待了你：
| אשר קרך בדרך ויזנב בך כל הנחשלים אחריך ואתה עיף ויגע ולא ירא אלהים׃ | 18 |
怎樣在路上襲擊了你，乘你困乏無力，攻擊你後方所有疲憊的人，一點也不怕天主。
| והיה בהניח יהוה אלהיך לך מכל איביך מסביב בארץ אשר יהוה אלהיך נתן לך נחלה לרשתה תמחה את זכר עמלק מתחת השמים לא תשכח׃ | 19 |
所以，當上主你的天主賜你擺脫你四周的一切仇敵，在上主你的天主賜給你作產業的地上，安享太平時，你應由天下抹去阿瑪肋克的名字；不可忘記!
