1 טימותי 5
| אל תגער בזקן כי אם תזהירנו כאב לך ואת הצעירים כאחים׃ | 1 |
ବୁଡାକୋଜଞ୍ଜିଆଡଙ୍ ଆପେୟନ୍ ଅନ୍ତମ୍ ମାନ୍ନେଆ, ଆନିଞ୍ଜିଆଡଙ୍ କଁୟ୍ଡଙ୍ଜି, ଲଗଡ୍ ବୁଡ୍ଡିନ୍ ବାତ୍ତେ ବରାଜି, ବେଣ୍ଡିଆମରଞ୍ଜିଆଡଙ୍ ବୋଞାଙନ୍ ଅନ୍ତମ୍ ଞଣ୍ଡ୍ରମାଜି ।
| את הזקנות כאמות ואת הצעירות כאחיות ובכל טהרה׃ | 2 |
ବୁଡିକୋଜଞ୍ଜି ଅୟୋଙନ୍ ଅନ୍ତମ୍, ଆରି ଡାଙ୍ଗଡ଼ିବଜଞ୍ଜି ମଡ଼ିର୍ ଗାମ୍ଲେ ତନାନଞ୍ଜି ଅନ୍ତମ୍ ଆନିଞ୍ଜିଆଡଙ୍ ମାନ୍ନେଆଜି ।
| כבד את האלמנות אשר באמת אלמנות הנה׃ | 3 |
ଆତିନ୍ସଜନ୍ ଆଡ୍ରକୋତନେଞ୍ଜି ଆ ଜୁଆର୍ବଜଞ୍ଜିଆଡଙ୍ ମାନ୍ନେଆଜି ।
| וכי יהיו לאלמנה בנים או בני בנים הם ילמדו לראשונה לעשות חסד עם ביתם ולשלם גמול לאבותם כי זה הוא טוב ורצוי לפני האלהים׃ | 4 |
ଅନ୍ନିଙ୍ ଆଜୁଆର୍ବୟ୍ ଆ ଡାଙ୍ଗଡ଼ାଅନନ୍ କି ଆ ଡାଙ୍ଗଡ଼ିଅନ୍ ଆରି ଆ ଉଲ୍ଲେଙଞ୍ଜି ଡକୋଏଞ୍ଜି ଡେନ୍, ଏତ୍ତେଲ୍ଡେନ୍ ଆନିଞ୍ଜି ପର୍ତମ୍ମୁ ଆସିଂମରଞ୍ଜି ଆୟୋଙଞ୍ଜି, ଆପେୟଞ୍ଜି, ଜୋଜୋନ୍ ଡ ୟାୟୋନ୍ଆଡଙ୍ ମାନ୍ନେଏତଜି, ଇନିଆସନ୍ଗାମେଣ୍ଡେନ୍ କେନ୍ ଆ କାବ୍ବାଡ଼ା ମା ଇସ୍ୱରନ୍ ଆଗନିୟ୍ଗିୟ୍ଲୋଙ୍ ମନଙ୍ ଗିୟ୍ତାତେ ।
| אבל האלמנה באמת אשר נשארה יחידה שמה אלהים מבטחה ומתמדת בתפלות ובתחנות לילה ויומם׃ | 5 |
ଅଙ୍ଗା ଆଜୁଆର୍ବୟ୍ ଆତିନସଜନ୍ ଡକୋତନ୍ ଆରି ଆକୋନ୍ରା, ଆନିନ୍ ଇସ୍ୱରନ୍ ଆମଙ୍ ଆସାଲନ୍ ଡକୋତନ୍, ଆରି ଆନିନ୍ ତଗଲ୍ ତମ୍ବା ଇସ୍ୱରନ୍ ଆମଙ୍ ପାର୍ତନାତନ୍;
| אך המענגה מתה היא בחייה׃ | 6 |
ବନ୍ଡ ଅଙ୍ଗା ଜୁଆର୍ବୟ୍ ଜୋମ୍ଲେ ଗାଲେ ମଗାଡ୍ଲନ୍ ଡକୋତନ୍, ଆନିନ୍ ଆମେଙ୍ ଡକୋଲନ୍ ଜନଙ୍ଡେନ୍ ଆନିନ୍ ଆରବୁ ।
| וזאת תצוה למען תהיינה בלא דפי׃ | 7 |
ଜୁଆର୍ବଜଞ୍ଜି ଏଙ୍ଗାଲ୍ଡେନ୍ ଆନିଞ୍ଜି ଏର୍ଡୋସା ଡେତେଜି, ତିଆସନ୍ କେନ୍ ଅଡ଼୍କୋନ୍ ଆନିଞ୍ଜିଆଡଙ୍ ଞଙ୍ଞଙାଜି।
| אבל מי שלא יפרנס את קרוביו וביותר את בני ביתו כפר באמונה והוא גרוע מאשר איננו מאמין׃ | 8 |
ଅଙ୍ଗା ମନ୍ରା ଆକୁଲମଞ୍ଜି କି ଆସିଂମରଞ୍ଜିଆଡଙ୍ ଅଃସାକ୍କେଏ, ଆନିନ୍ ଡର୍ନେବରନ୍ ଆଲ୍ଲେତେ, ଆରି ଆନିନ୍ ଏର୍ଡର୍ନେମରଞ୍ଜି ସିଲଡ୍ ଗୋଗୋୟ୍ ନିଣ୍ଡୟ୍ଡାତେ ।
| אלמנה אל תבחר זולתי בת ששים שנה ואשר היתה אשת איש אחד׃ | 9 |
ଅଙ୍ଗା ଆଜୁଆର୍ବୟ୍ ୟାକୁଡ଼ି ବର୍ସେଙ୍ ସିଲଡ୍ ଗୋଗୋୟ୍ ତଡ୍, ଆରି ଆନିନ୍ ଆବତରନ୍ ସୁଉଂଲନ୍,
| ויש לה עדות על מעשיה הטובים שגדלה בנים והכניסה ארחים ירחצה את רגלי הקדשים ותמכה את העשוקים ורדפה כל מעשה טוב׃ | 10 |
ଆନିନ୍ ମନଙ୍ ଲନୁମ୍ତନ୍ ଗାମ୍ଲେ ମନ୍ରାଞ୍ଜି ଆଜନାଜି, ଆନିନ୍ ଆ ପସିଜଞ୍ଜିଆଡଙ୍ ସାକ୍କେତେ, ସାକ୍କେକୁଲନ୍ ଜନା, ବୟ୍ଲେମରଞ୍ଜିଆଡଙ୍ ଅନବ୍ବାଜଙନ୍, ଡୁକ୍କମରନ୍ଆଡଙ୍ ସାୟ୍ସିତେ ଆରି ଅଡ଼୍କୋନ୍ ମନଙ୍ କାବ୍ବାଡ଼ାନେନ୍ ଆସନ୍ ଲଡୟ୍ଡମ୍, ଏତ୍ତେଲ୍ଡେନ୍ ଆନିନ୍ ଜୁଆର୍ବୟ୍ ଗାମ୍ଲେ ଆଞୁମନ୍ ଅନିଡନ୍ ଡେଏତୋ ।
| אבל האלמנות הצעירות אל תקבל כי בהטות יצרן את לבן מן המשיח חשקות הן להיות לאיש׃ | 11 |
ଆ ଡାଙ୍ଗଡ଼ି ଜୁଆର୍ବଜଞ୍ଜିଆଡଙ୍ ଏଜାଡଙ୍ଜି, ଇନିଆସନ୍ଗାମେଣ୍ଡେନ୍ ଆନିଞ୍ଜି ଡଅଙ୍ଡାଗୋ ପରାନ୍ସାତ୍ତିନ୍ ଆ କାବ୍ବାଡ଼ାଜି ଲୁମ୍ଲୁମନ୍ ଆସନ୍ କ୍ରିସ୍ଟନ୍ ଆମଙ୍ ସିଲଡ୍ ସବ୍ଙାୟ୍ଲନ୍ ସୁଉଂନେନ୍ ସାୟ୍ତଜି ।
| ודינן עליהן כי בגדו באמונתן הראשונה׃ | 12 |
ଆନିଞ୍ଜି ପ୍ରବୁ ଜିସୁନ୍ ଆମଙ୍ ଆବ୍ରାସାଲଞ୍ଜି ଆ ବର୍ନେ ଆଲ୍ଲେତଜି, ତିଆସନ୍ ଆନିଞ୍ଜି ପନବ୍ରଡନ୍ ଞାଙ୍ତଜି ।
| ועוד בהיותן עצלות למדו לשוטט מבית לבית ולא לבד עצלות כי אף מפטפטות ורדפות אחר חדשות ומדברות את אשר לא יתכן׃ | 13 |
ଆରି ରୟଙନ୍ ଞାଙେଞ୍ଜି ଡେନ୍ ଆନିଞ୍ଜି ଗଙ୍ଗନ୍ସିଂଲନ୍ ପାଙ୍ତଜି, ଆରି ଆଡ଼ସିତଞ୍ଜି; ଆନିଞ୍ଜି ସତ୍ତର୍ ଅଃନ୍ନାଡ଼୍ସିନେଜି, ପୁର୍ବାବରଞ୍ଜି ଆ ବର୍ନେ ଡ ବନର୍ଡୋଙନ୍ ଆରି ଅତ୍ତେ ଅନ୍ନେ ଆ ବର୍ନେଜି କଡାଡ଼ିତଞ୍ଜି ।
| על כן רצוני כי הצעירות תהיינה לאיש ללדת בנים ולהנהיג את בתיהן ולא לתת לאיב תאנה לחרף׃ | 14 |
ତିଆସନ୍ ଞେନ୍ ଗାମ୍ତାୟ୍, ଡାଙ୍ଗଡ଼ି ଜୁଆର୍ବଜଞ୍ଜି ସୁଉଂନେତଜି, ପସିଜନ୍ କୋଡେତଜି, ଆରି ଅସିଙନ୍ ଆ କାବ୍ବାଡ଼ା ଲୁମେତଜି, ଅନବ୍ଡୋସାନ୍ ଡ ବନର୍ଡୋଙନ୍ ଆସନ୍ ସନୁମନ୍ଆଡଙ୍ ରୟଙନ୍ ତିୟ୍ଡଙେଜି ତଡ୍ ।
| כי יש מהן אשר כבר סרו אחרי השטן׃ | 15 |
ଇନିଆସନ୍ଗାମେଣ୍ଡେନ୍ ଲାଙ୍ଲେଡ୍ ଜୁଆର୍ବଜଞ୍ଜି କ୍ରିସ୍ଟନ୍ ଆମଙ୍ ସିଲଡ୍ ସଙାୟ୍ଡାଲେ ସନୁମନ୍ ଆ ବର୍ନେ ବାତ୍ତେ ଞଣ୍ଡ୍ରମ୍ତଞ୍ଜି ।
| בן אמונה או בת אמונה שיש להם אלמנות יעזרו אתן ולא תהיינה למשא על הקהל כדי שיוכל להספיק לאלה אשר הנה אלמנות באמת׃ | 16 |
ଅନ୍ନିଙ୍ ଆ ଡର୍ନେବୟ୍ ଆସିଂଲୋଙ୍ ଜୁଆର୍ବଜନ୍ ଡକୋଏନ୍ ଡେନ୍, ଏତ୍ତେଲ୍ଡେନ୍ ଆନିନ୍ ଆନିଞ୍ଜିଆଡଙ୍ ସାୟ୍ସିଏତୋ, ଆରି ମଣ୍ଡଡ଼ିନ୍ କେନ୍ ଆନିଞ୍ଜି ଆସନ୍ ବାଉଲ୍ଲି ଡେଡଙ୍ ତଡ୍, ବନ୍ଡ ମଣ୍ଡଡ଼ିନ୍ ଆକୋନ୍ରା ଜୁଆର୍ବଜଞ୍ଜିଆଡଙ୍ ସାକ୍କେଏତୋ ।
| הזקנים המיטיבים לנהל ראוים הם למשנה כבוד וביותר העמלים בדבר ובהוראה׃ | 17 |
ଅଙ୍ଗା ପାପୁର୍ମର୍ଜି ବର୍ନେନ୍ ଅପ୍ପୁଙ୍ବର୍ତଜି ଆରି ଞନଙନ୍ ତିୟ୍ତଜି, ଆନିଞ୍ଜି ଆ ଲନୁମ୍କୁଜଞ୍ଜି ବାଗୁ ଗୁନ ବର୍ତନ୍ନାନ୍ ଞାଙ୍ତଜି ।
| כי הכתוב אמר לא תחסם שור בדישו ועוד נאמר הפעל שוה בשכרו׃ | 18 |
ଇନିଆସନ୍ଗାମେଣ୍ଡେନ୍ ସାସ୍ତ୍ରଲୋଙନ୍ ଆଇଡିଡନ୍ ଡକୋ, “ଅବ୍ଞାଇଙନ୍ ତାଙ୍ଲିୟନ୍ ଏଡାମୁଡଙ୍” ଆରି “କାବ୍ବାଡ଼ାମରନ୍ ଲନୁମ୍କୁଜନ୍ ଆସନ୍ ବର୍ତନ୍ନାନ୍ ଞାଙେତୋ ।”
| אל תקבל שטנה על הזקן בלתי אם על פי שנים או שלשה עדים׃ | 19 |
ବାଗୁ କି ୟାଗି ମନ୍ରା ସାକିମରନ୍ ଅଃଡ୍ଡୁଙ୍ଲନାଜି ଡେନ୍, ଆମ୍ମୁଙ୍ଗଡ୍ମରଞ୍ଜି ଆ ବିରୁଦଲୋଙ୍ ଇନ୍ନିଙ୍ କନାୟ୍କାୟ୍ବରନ୍ ଅଡ଼ୋଲାୟ୍ ଡେନ୍ ତିଆତେ ଏଜାଡଙ୍ ।
| את החטאים תוכיח בפני כל למען ייראו גם האחרים׃ | 20 |
ବନ୍ଡ ଆନାଜି ଇର୍ସେ କାବ୍ବାଡ଼ାନ୍ ଲୁମ୍ତଜି, ଅଡ଼୍କୋ ମନ୍ରାଞ୍ଜି ଆତେମଡ୍ ଆନିଞ୍ଜିଆଡଙ୍ ସାଞେଙ୍ଲେ ଞଙ୍ଞଙ୍ବାଜି, ଏତ୍ତେଲ୍ଡେନ୍ ଆନ୍ନାମରଞ୍ଜି ନିୟ୍ ବତଙ୍ତଜି ।
| הנני מעיד בך נגד האלהים ואדנינו ישוע המשיח ונגד בחירי המלאכים אשר שמור תשמר את זאת בלי משפט נמהר ולא תעשה דבר במשא פנים׃ | 21 |
ଇସ୍ୱରନ୍, କ୍ରିସ୍ଟ ଜିସୁନ୍ ଡ ଆସନେଡା ପାଙ୍ଲଙ୍ବର୍ମରଞ୍ଜି ଆତେମଡ୍ଲୋଙ୍ ଞେନ୍ ଆମନ୍ଆଡଙ୍ ଆକ୍ରାନ୍ ବର୍ତମ୍, ଆମନ୍ କେନ୍ ଅଡ଼୍କୋନ୍ ବର୍ନେଞେନ୍ ଅନ୍ତମ୍ ଲନୁମ୍ନା, ଆରି ଅଙ୍ଗା ଜନଙ୍ ଆ କାବ୍ବାଡ଼ା ଲୁମେନ୍ ଡେନ୍ ଅଲ୍ଡୁଲ୍ମଡ୍ଡାଲେ ଲୁମ୍ଡଙ୍ ।
| אל תהי נמהר בסמיכת ידיך על אדם ולא תשתתף לחטאת אחרים שמר את נפשך בטהרה׃ | 22 |
ଇନ୍ନିଙ୍ ଏର୍ନିଃୟମନ୍ ଅବ୍ବାମ୍ମୁଙ୍ ଆନ୍ନିଙ୍ ଆ ଡଅଙ୍ଲୋଙ୍ ଅସିନମ୍ ଡକ୍କୋଡଙ୍, ଆନ୍ନାମରଞ୍ଜି ଆ ଇର୍ସେଲୋଙ୍ ଆମନ୍ ମାୟ୍ଡଙ୍ନେ, ଆମନ୍ ମବ୍ଡ଼ିର୍ଲନ୍ ଡକୋନା ।
| אל תרבה לשתות עוד מים כי אם קח מעט יין בעבור בטנך ואשר פעמים רבות חלה אתה׃ | 23 |
ଆରି ଆମନ୍ ସତ୍ତର୍ ଡାଆନ୍ ଗାଡଙ୍, କିମ୍ପୋଙ୍ ବତ୍ତାନମ୍ ଡ ଡିତାନ୍ ଆରସୁତମନ୍ ଆସନ୍ ଅଜିଡ୍ ଦ୍ରାକ୍ୟାଡାନ୍ ଗାଆ ।
| יש בני אדם אשר חטאתיהם גלויות ומקדימות לדין ויש מהם אשר הנה הלכות אחריהם׃ | 24 |
ଲାଙ୍ଲେନ୍ନେ ଆ ଇର୍ସେ ପନ୍ସୁଆତିନ୍ ଅଣ୍ଡ୍ରଙ୍ ଡେଏନ୍ ରାଙ୍ଡାତେ, ଆରି ଲାଙ୍ଲେନ୍ନେ ଆ ଇର୍ସେ ତିକ୍କି ଡିଙ୍ତେ ।
| וככה גם המעשים הטובים גלוים המה ואשר אינם כן לא יוכלו להסתר׃ | 25 |
ଏତ୍ତେଲେମା ଲାଙ୍ଲେନ୍ନେ ଆ ଡରମ୍ମ କାବ୍ବାଡ଼ାଜି ଅଡ଼୍କୋ ମନ୍ରାନ୍ ଆମୁକ୍କାଲୋଙ୍ ଲରାଙ୍ଡାତେ, ବନ୍ଡ ଆରି ଲାଙ୍ଲେନ୍ନେ ଆ କାବ୍ବାଡ଼ାଜି ଏତ୍ତେଲେ ଅଃର୍ରାଙ୍ଡାଲୋ ଜନଙ୍ଡେନ୍ ତିଆତେ ସଲନ୍ ଅଃଡ୍ଡକୋନେ ।
